මත්ද්‍රව්‍ය ජාවාරම්කරුවන්ට මරණ දඬුවම ක්‍රියාත්මක කිරීමට දින වකවානු ලබා දී අවසන් බව ජනපති මෛත්‍රීපාල සිරිසේන මහතා ප්‍රකාශ කර සිටියි.
සර්ව ආගමික නායකයින්ගේ සහභාගීත්වයෙන් ඊයේ(31) පස්වරුවේ මෝදර විට්ස්වයික් උද්‍යානයේ පැවති මත්ද්‍රව්‍ය විරෝධී වැඩසටහනට එක්වෙමින් ජනාධිපතිවරයා මෙම අදහස් පළ කළේය.
තවද අන්තරාදායක මත්ද්‍රව්‍ය මැඩළීමේ යුද්ධය දශක තුනක් පැවති සිවිල් යුද්ධය මැඩළීමට වඩා දරුණු මෙහෙයුමක් බව ආරක්ෂක ලේකම් හේමසිරි ප්‍රනාන්දු මහතා පවසා සිටියි.
ශ්‍රී ලංකා පොලීසියේ 82 වන පොලිස් අන්තර් කොට්ඨාස මළල ක්‍රීඩා උළෙලේ සමාප්ති උත්සවයට එක් වෙමින් ආරක්ෂක ලේකම් වරයා මේ බව සඳහන් කළේය.
