ශ්‍රී ලංකා නිදහස් පක්ෂය විසින් ගාල්ලේ දී පවත්වන ලද මැයි දින රැළියට සහභාගි නොවී කිරුළපන දී මහින්ද රාජපක්ෂ ප්‍රමුඛ පිරිස විසින් පවත්වන ලද මැයි රැළියට සහභාගි වූ පිරිසට එරෙහිව විනය පියවර ගැනීමට එම පක්ෂයේ විනය කමිටුව ඉක්මනින් රැස්වන බව එහි මහලේකම් කෘෂිකර්ම අමාත්‍ය දුමින්ද දිසානයක පවසයි.
මේ අවස්ථාවේ නොගන්නා විනය තීරණ වෙන කිසි අවස්ථාවක ගෙන වැඩක් නැති බව ද, මේ ලෙසින් දෙකට දෙවාරනේ ශ්‍රී.ල.නි.ප.යට ගමනක් යා නොහැකි බව ද මැදහත් විචාරකයන්ගේ මතය යි.
දිගින් දිගට ම විනය ක්‍රියාමාර්ග ගන්නා බව පැවසුව ද පක්ෂ විනය බරපතල ලෙස උල්ලංඝනය කරද්දීත් එසේ කරන්නට නොහැකිවීම නිසාවෙන් ශ්‍රී.ල.නි.ප.ය මේ අර්බුදයට ලක් ව තිබේ.
