ඉන්ධන පිරවුම්හල් හිමියන්ගේ සංගමයේ සභාපති කුමාර රාජපක්‍ෂ මහතා අද පස්වරුවේ පැවසුවේ රට පුරා ඉන්ධන පිරවුම්හල් රැසකට ඉන්ධන තොග ලැබුණු බවත් එම ඉන්ධන වාහනයේ ලියාපදිංචි අංකයේ අවසන් අංකය 3, 4 සහ 5 සඳහන් වාහනවලට පමණක් ඉන්ධන නිකුත් කළ බවත්ය.
ඉන්ධන ලබාගැනීමට දිගු වාහන පෝලිම් රට පුරා අද දැකිය හැකි වූ අතර ජනතාව ඊයේ සිට කොළඹ නගරයේ ඉන්ධන පෝලිම්වල රැදී සිටියහ.
බලශක්ති අමාත්‍යංශය ක්‍රියාත්මක කරන ‘ජාතික ඉන්ධන බලපත්‍රයේ’ කිව්.ආර්. සංකේතය සහ වාහනයේ ලියාපදිංචි අංකය අනුව පමණක් ඉන්ධන නිකුත් කිරීමේ පරීක්‍ෂණය වැඩසටහන කොළඹ තෝරාගත් ඉන්ධන පිරවුමහල් කීපයක ක්‍රියාත්මක කළ ද තාක්‍ෂණික දෝෂයක් හේතුවෙන් එය අසාර්ථක වූ බව වාර්තා වේ.
කෙසේ වෙතත් බලශක්ති අමාත්‍යංශය අද පස්වරුවේ පැවසුවේ ද කිව්.ආර්. සංකේතය ක්‍රමය ලබන 25 වැනිදා සිට ක්‍රියාත්මක කරන බවයි. මාසයකට අධික කාලයකට පසුව සිපෙට්කෝ ඉන්ධනහල්වලින් මේ ආකාරයෙන් ඊයේ ඉන්ධන නිකුත් කළේය.
