වද වී නැසෙන්න පෙර තනි සිංහල ආණ්ඩුවකින් සිව් හෙළයම ගොඩගඟන සැලැස්ම ඥානසාර හිමි ජාතිය හමුවේ තබයි.
සිංහල ජාතිය වැනසී යෑමට පෙර සිංහල පාර්ලිමේන්තුවක් ඇති කිරීම අපගේ එකම අපේක්ෂාව බවත්, ඒ තුළින් රටත් ජාතියක් ගොඩනැඟීම අපගේ සැලැස්ම බවත් මහනුවර බෝගම්බරදී ඊයේ (07) පැවැත්වුණු මුළු දැයම එක රොදට සමුළුවේදී බොදුබල සේනා සංවිධානයේ නායක ගලගොඩත්තේ ඥානසාර හිමියෝ පැවසූහ.
තවදුරටත් අදහස් දක්වමින් ජූජ්‍ය ගලගොඩාත්තේ ඥානසාර හිමියෝ මෙසේ පැවසූහ.
ශ්රී ලංකාවේ පන්සල් දස දහසක් තිබෙනවා. ඉන් පන්සල් හත් දහසකින් ඡන්ද දායකයන් පන්දහස බැගින් සංවිධානය කරගත හොත් සිංහල පාර්ලිමේන්තුවක් නිර්මාණය කර ගැනීම දුෂ්කර කාර්යයක් නොවේ යැයි ඥානසාර හිමියෝ පැවසූහ. ප‍්‍රජාතන්ත‍්‍රවාදයේ මහගෙදර මේ රටේ පාර්ලිමේන්තුවයි. මේ රට සිංහලයන්ගේ රටයි.
දෙදහස් පන්සිය අවුරුද්දක් මේ රටේ සිංහල සංස්කෘතියක් පැවතුණා. සිංහලයන්ට තිබෙන්නේ මේ රට පමණයි. දහහතර ලක්ෂයක් සුළු ජාතිකයන්ගේ ඡුන්ද දෙස බලාගෙන කටයුතු නොකරන ලෙස මේ රටේ නායකයන්ට අපි කියනවා. දෙසිය විසිපහක් මන්ත‍්‍රීවරු පාර්ලිමේන්තුවේ සිටිනවා. දෙසීය විසිපස් දෙනාගෙන් චෝදනාවක් නැති එක මන්ත‍්‍රීවරයෙක් ඉන්නවාද ? මහජන නියෝජිතයන් අවංක විය යුතුයි. අන්තවාදීන්ට කිසිවෙක් ඉඩදිය යුතු නැහැ. මුස්ලිම් අන්තවාදය වහබ්වාදය සම්පූර්ණයෙන් විනාශ කළ යුතුයි. මුස්ලිම්වරුන් අන්තවාදයට හරවන මුස්ලිම්වරු මුළාකරවන උලමාවරුන් සහ උලමාවරුන්ගේ සංවිධාන සමග කිසිම සාකච්ඡුාවක් දැනුම්දීමක් නොකරන ලෙස ජනාධිපතිවරයාගෙන් සහ අගමැතිවරයාගෙන් ඉල්ලා සිටිනවා. උලමා සංවිධානය තවත් විදේශ සංවිධාන ගණනාවක් සමග සම්බන්ධකම් පවත්වාගෙන යනවා. මේ රටේ සම්ප‍්‍රදායික මුස්ලිම්වරු සමග පමණක් සම්බන්ධතා පැවැත්වූවාට කිසි වරදක් නැහැ.
සිංහල පාර්ලිමේන්තුවක් පිහිටුවාලීමට නම්, සිංහල ජනතාවට එක පෙරමුණකට ගත යුතුයි. බේද දුරුකර එක්සත් වී කටයුතු කළ යුතුයි. මුලදී මුස්ලිම්වරුන්ට තිබුණේ එක කුරාණයයි. දැන් කුරාණ හතළිහක් පමණ තිබෙනවා. සිංහල නිවැරදි කුරාණයක්ද තිබෙනවා. එය එක්දහස් නවසිය පනහේදී වික‍්‍රමසිංහ නැමැති මහතකු පරිවර්තනය කළ කුරාණය පමණයි. බොදු බල සේනා සංවිධානය කිසිදු නායකයකු හෝ වෙනත් පුද්ගලයකු පසුපස යන්නේ නැහැ. කිසිදු දේශපාලන නායකයකුගේ ගෝලයන්ද නොවේ. අපි ගෞතම බුදුරජාණන් වහන්සේගේ ගෝලයන් පමණයි. ඒ නිසා අපේම කියා පාර්ලිමේන්තුවක් අපට තිබිය යුතුයි.
එක්දහස් අටසිය පහළොවේ සිට මේ ලංකාව බි‍්‍රතාන්‍ය පාලනයට නතුව තිබුණා. ඒක්දහස් නවසිය හතළිස් අටේ නාමිකව නිදහස ලැබුණ මුත් සිංහල ජාතියට නිදහසක් ලැබුණේ නැහැ. මේ තත්ත්වය වෙනස් කළ යුතුයි. සිංහල ජාතිය සමගි කිරීම සදහා මහා සංඝරත්නයට විශේෂ කාර්යයභාරයක් තිබෙනවා. ඒ නිසා මහානායක හිමිවරු ඇතුළු මහා සංඝරත්නය පෙරමුණ ගතයුතුයි. රටේ ප‍්‍රශ්නයක් ගැන සාකච්ඡුා කිරීමට අගමැතිවරයා බොහෝවිට යන්නේ මල්වතු මහනායක ස්වාමීන්වහන්සේ හමුවීමට පමණයි. තවත් මහ විහාර දෙකක් තිබෙනවා. අස්ගිරි මහානායක ස්වාමීන් වහන්සේ අමතක කරන්න බැහැ. ආගමික නායකයන් කීවාම මල්වතු අස්ගිරි දෙපාර්ශ්වයටම යා යුතුයි.
මුස්ලිම් අන්තවාදීන්ට තිබුණේ දීර්ඝකාලීන සැලසුම්. අපේ සිංහල ජාතිය වදකරන්න සැලසුම් අපේ නායකයෝ අදටවත් ගණන් ගන්නේ නැහැ. මේවාට නිසි පරීක්ෂණයක් පැවැත්වෙන තුරු ජනතාව බලා ඉන්නවා.
දේශපාලන කුලල් කා ගැනීම් නවතා ජාතියක් ලෙස එකම තැනකට පත්විය යුතුයි. සිංහල ජනතාව බෞද්ධ බලවේග එක තැනකට ඒකරාශී වුවහොත් ස්වාධීන ලෙස නැගීසිටිය හැකියි. අතිපූජනීය මහානායක ස්වාමීන් වහන්සේ විවේචනය කරන සහ උන්වහන්සේලා ප‍්‍රකාශකරන ප‍්‍රකාශවලට විරුද්ධ වීමක් දැන් සිදුවනවා. අස්ගිරි මහානායක ස්වාමීන්වහන්සේ කළ ප‍්‍රකාශයක් විවේචනයට ලක්කළා. අස්ගිරිය සහ මල්වත්ත අමරපුර සහ රාමඥ්ඥ වෙන් වෙන්ව කටයුතු නොකොට එක්සත්ව ජාතියට සහ සාසනයට එල්ලවන දුෂ්ඨ බලපෑම් පිටුදැකීමට කටයුතු කළ යුතු අවස්ථාවක් එලඹ තිබෙනවා.
පාර්ලිමේන්තු මන්ත‍්‍රී තිලංග සුමතිපාල මන්ත‍්‍රීවරයා මා හිරෙන් නිදහස් කරගැනීමට විශේෂ උනන්දුවක් ගත් බව මම අදටත් සිහි කරනවා. සුමතිපාල මහතා ජනාධිපතිතුමා ඇතුළු නිලධාරීන් හිරගෙදරින් මා නිදහස්කර ගැනීමට කටයුතු කිරීම මා කෘතවේදීව සදහන් කරනවා.
බෝගම්බර ප‍්‍රකාශය නමැති සන්නස දළදා වහන්සේට පූජාකොට බෝගම්බර ක‍්‍රීඩාංගනයේදී ප‍්‍රකාශයට පත් කෙරිණි.
මෙහිදී යෝජනා රැසක් සම්බන්ධයෙන් තීරණ ගත්හ. ඌරුවරිගේ වන්නිල ඇත්තෝ, මහාචාර්ය එච්. එම්. ඞී. ආර්. හේරත්, නීතිඥ ශාන්ත සකලසූරිය කීර්ති වික‍්‍රමරත්න වෛද්‍ය ඒ. කේ. වික‍්‍රමරත්න යන මහත්වරු මෙම සමුළුවේදී අදහස් දැක්වීය. යටවත්තේ ධම්මානන්ද හිමි ඇතුළු මහා සංඝරත්නය ද ගිහි පැවිදි විශාල පිරිසක් ද සහභාගිවී සිටියහ.
