පසුගියදා පාර්ලිමේන්තුවේ පැවති හදිසි නීතිය දීර්ඝ කිරීම සහ පාස්කු ප්‍රහාරයෙන් පසු රටේ ජාතික ආරක්ෂාව සම්බන්ධයෙන් වූ විවාදයේදී මෙරට කුප්‍රකට ක්‍රිකට් දේශපාලඥයෙකු සහ රණතුංග සහ සහෝදර සමාගමේ ප්‍රධානියා වූ අර්ජුන රණතුංග විසින් කිසිදු අවස්ථා සම්බන්ධයක් නොමැතිව අදාළ මාතෘකාවෙන් පිටපනිමින් පාර්ලිමේන්තු මන්ත්‍රී තිලංග සුමතිපාල මහතාට ක්‍රිකට් සම්බන්ධයෙන් ආඩිපාලි කියමින් ඉතා නිර්ලැජ්ජිත අයුරු හැසිරුණු අතර ඊට එසැනින් පිළිතුරු දීමට තිලංග සුමතිපාල මහතා කටයුතු කළේය. එහෙත් ඔහු රණතුංගලාගේ ඡන්මයෙන් එන සල්ලාල, බයිබෝස් ක්‍රමයට හාත්පසින්ම වෙනස් අයුරුකින් මීට පිළිතුරු දුන් ආකාරය පාර්ලිමේන්තු සිටි සියල්ලන්ගේ ගෞරවයට පාත්‍රවීම සුවිශේෂී සිදුවීමක් විය.
ක්‍රිකට් සහ දේශපාලනය මතින් දුවන රණතුංග සහ සහෝදර සමාගමේ ප්‍රධානී අර්ජුන රණතුංග නැඟූ චෝදනාවලට පිළිතුරු දුන් ශ්‍රී ලංකා නිදහස් පක්ෂ කොළඹ දිස්ත්‍රික් නායක සහ ප්‍රධාන සංවිධායක පාර්ලිමේන්තු මන්ත්‍රී තිලංග සුමතිපාල මහතා,
“වර්තමානයේ අපේ අප්‍රියෙල් 21 වෙනිදා පාස්කු ඉරුදින වෙච්ච සිද්ධියෙන් පස්සේ ලංකාවට ආව ප්‍රධානම අවස්ථාව තමයි මේ බංගලිදේශ ශ්‍රී ලංකා තරඟාවලිය 21වෙනිදායින් පස්සේ ආණ්ඩුවක් හැටියට ඒ වගේම අගමැති තුමාත් ජනපතිතුමාත් කටයුතු කිරීම පිළිබඳව මේ රටේ හැමෝම මං හිතන්නේ අපි කටයුතු කරන දේ දිහා බැලුවම ගිය පණිවුඩය නම් සුභවාදී නෑ. මොකද 9/11 එකේ ඇමරිකාවට ගහපු වෙලාවේ මුළු රටේ සියළු දෙනා ඒ වෙලාවේ හිටියේ බුෂ් ජනාධිපති තුමාත් එක්ක එකතුවෙලා ක්‍රියාත්මක කලා.
නමුත් අපි කලේ හතර වෙනිදා ආපු ලියුම මොකද පස් වෙනිදා ආපු ලියුම මොකද මොකද්ද කරේ කියලා අතීතයට ගිහිල්ලා වෙච්ච ඒවා සොය සොය ඒවට වැරද්ද ජනාධිපතිවරයාට, අගමැතිවරයාට, ආරක්ෂක අමාත්‍යංශයේ ලේකම්ට, පොලිස්පතිතුමාට යන නිලධාරි වටා ගිහිල්ලා අපි විශ්වාසය පළුදු වෙන ආකාරයට ක්‍රියාත්මක වුනා. මේ හදිසි නීතිය මේ මාසය තුල පමනක් නෙවෙයි තව මාස දෙකක් වත් තුනක් වත් තියාගන්න සුදුසු නම් ඒ වෙනුවෙන් විපක්ෂයේ මන්ත්‍රීවරුන් හැටියට අපි සම්පූර්ණ සහයෝගය දෙන්න ඕන.
අද මේ මාර්තෘකාව වෙලාවෙත් කිසිම සම්බන්ධයක් නැති ක්‍රිකට් ක්‍රීඩාව ගැන කථාකරලා අර්ජුන රණතුංග මහතා මඩ ව්‍යාපාරයක්, මඩ ප්‍රහාරයක් එල්ල කරමින් මේකත් පාවිච්චි කලා ඔහුගේ ක්‍රිකට් පාලක මණ්ඩලයේ නිලවරණ තුනක් ඔහු සභාපතිවරණෙට ඉල්ලලා පැරදුණා, උප සභාපතිට ඉල්ලා දෙපාරක් පැරදුනා. ඔහුගේ මල්ලිත් එක්ක ඉල්ලලා පැරදුනා. ඒ නිසා එහි සාමාජිකයින් කිසිසේත් විශ්වාස කරන්නේ නෑ. ඔහු තරඟ පාවා දෙන්න ඩොලර් 15000 ක් අරගත්ත කියන ඉතිහාසයේ තියන ඔහු චූදිතයෙක් වෙලා සිටිය නිසා, ඔහු පරිපාලනය කරපු කාලයේදි නොයෙකුත් දේවල් කරලා වැරදි කරපු නිසා විශ්වාසයක් නෑ .
ඒකට මට කරන්න දෙයකුත් නෑ. ක්‍රිකට් ක්‍රීඩාවේ නියැලි සාමාජිකයින්ට කරන්න දෙයක් නෑ. ඔහු පරිපාලකයෙක් හැටිය විශ්වාස කරන්නෙත් නෑ කැමතිත් නෑ. ඒ වගේම මම කියන්න ඕන අර්ජුන රණතුංග මහත්මයත් ප්‍රමෝද වික්‍රමසිංහ මහත්මයත් තමයි මේ ඇන්ජලෝ මැතිව්ස් මහත්මය අපේ කැප්ටන් මැච් ෆික්සිං කරනවා කියලා කොම්ප්ලේන් කරේ. ඒ කරාට පස්සේ FCID දාලා පොලිසියෙන් ගිහිල්ලා හොයලා පරීක්ෂණ කරලා ඇන්ජලෝ මැතිව්ස් ව සම්පූර්ණයෙන් විනාශ කලා.
ඔහු කැප්ටන්සියෙන් ඉවත් කලා. ඊට පස්සේ ඔහුට මානසික තත්වයක් තිබුණෙ නෑ ක්‍රීඩා කරන්න. අපි ඕස්ට්‍රේලියාවට 3-0 ගහලා තිබිච්ච කණ්ඩායම නැවත සම්පූර්නයෙන්ම අපේ කණ්ඩායම ඒ ප්‍රමෝදය සහ අර්ජුන තමයි ආරම්භ කලේ විනාශ කරන්න. ඊට පස්සේ අපිට තේරුම් කමිටුවට ඇඟිල්ල දැම්මා ඒට පස්සේ ක්‍රිකට් වැටෙන්න පටන් ගත්තා.
ඒ නිසා ඕනෑකමින් ඉල්ලා සිටිනවා මේ දෙන් අපි බොහොම අමාරුවෙන් පෙබරවාරි 21 න් පස්සේ චන්දෙන් තමයි අපි තෝරා පත් වුනේ. කණ්ඩායමට අවශ්‍ය පසුබිම හදමින්, පුහුණු කරුවෝ හදමින් අවශ්‍ය නායකත්වය හදාගෙන යනව. ඉතින් මේවට දේශපාලන ඇඟිලි ගහලා හැමතිස්සෙම පෞද්ගලික තමන්ගේ අවශ්‍යතාවය මත ලංකාවේ ක්‍රිකට් කණ්ඩායමට ඇඟිලි ගැහුවම වෙන්නේ පරිපාලනයට තියෙන තරහ මත ක්‍රීඩාවෙන් පලිගන්න එක. ඒ නිසා අපිට නිදහසේ පාලක මණ්ඩලයේ අවශ්‍ය කටයුතු කරගෙන යන්න දුන්නා නම්, තමන්ගේ ඒ පෞද්ගලික දේවල් පාර්ලිමේන්තුව පාවිච්චි කරලා මේක විනාශ කරන්න දෙන්නේ නැතුව මෙතන අපිට පුළුවන් ඒ තත්වයට මුහුණ දෙන්න. ක්‍රීඩා ඇමති වරයෙක් ඉන්නවා.
එතුමා එක්ක අපි සාකච්ඡා කරනවා. එතුමාට අපි අවශ්‍ය තොරතුරු ලබා දීලා තියනවා. දැන්පාර්ලිමේන්තුව පාවිච්චි කරමින් හදනවා ක්‍රිකට් පාලක මණ්ඩලයේ නීති රිති වෙනස් කරන්න. ක්‍රිකට් පාලක මණ්ඩලයේ නීති රීති වෙනස් කරන්න පාර්ලිමේන්තුවට පුළුවන් කමක් තියෙනවා කියලා මම හිතන්නේ නෑ. පාර්ලිමේන්තුවට පුළුවන් ක්‍රීඩා නීති වෙනස් කරන්න.
ක්‍රිකට් නීතී වෙනස් කරන්න පුළුවන් අයි සී සී එකට. ඒ නිසා මේ අයි සී සී එකේ රාජකාරි, ක්‍රිකට් පාලක මණ්ඩලයේ නීති රිති වෙනස් කිරීමේ හැකියාවක් ක්‍රිකට් නීති වෙනස් කරන්න කියලා පාර්ලිමේන්තුවට පුළුවන් කියලා මං හිතන්නේ නෑ.හැබැයි ක්‍රීඩා නීති වෙනස් කරන්න පුළුවන්. ඒකට අපි සම්පූර්ණයෙන්ම සහයෝගය දෙන්න කැමතියි.
ඒ වගේම පාලක මණ්ඩලයේ ව්‍යවස්ථානුකූලව සියළු දේවල් කරලා තියෙනවා. කටයුතු කරලා තියෙනවා. ඒවගේම ගිය අවුරුද්ද ඇතුලත මාස 10 ක්ම ඉන්ටරිං කොමිටියක් එහෙම නැත්නම් ක්‍රීඩා ඇමතිතුමායි පාලනය කලේ. ඒ පාලනය කරපු කාලේ මේක කඩාගෙන වැටුනා. නායකයෝ වෙනස් කලා. කණ්ඩායම වෙනස් කලා. පුහුණු කටයුතු වෙනස් කලා. ඉතින් අපි මේක දැන් සන්සුන් කරගෙන හදාගෙන යනවා. බොහොම උවමනාවෙන් ඉල්ලා සිටිනවා පාර්ලිමේන්තුව පාවිච්චි කරලා මේ කණ්ඩායම කඩා වට්ටන්න එපා කියලා”.
