ඉන්දීය අගමැති නරේන්ද්‍ර මෝදි විසින් එක්සත් ජනපද ජනාධිපති ජෝ බයිඩන් වෙත ඉයන් සුළි කුණාටුව හේතුවෙන් සිදු වූ වටිනා ජීවිත හා දේපළ විනාශයන් පිළිබඳව හෘදයාංගම සංවේගය පළ කළේය.
ඉන්දීය අගමැති මෝදි ඉරිදා ට්විටර් පණිවුඩයක් නිකුත් පැවසූයේ මෙම දුෂ්කර අවදියේදී එක්සත් ජනපදයේ ජනතාව සමඟ ඉන්දීයාව සංවේගය බෙදා ගන්නා බවයි.
ඉයන් සුළි කුණාටුව 4 වන කාණ්ඩයේ ප්‍රධාන සුළි කුණාටුවක් ලෙස ෆ්ලොරිඩාවේ නිරිතදිග ගල්ෆ් වෙරළ තීරයට කඩා වැදුනේ ය. ෆ්ලොරිඩා අර්ධද්වීපය සහ අත්ලාන්තික් සාගරය හරහා ගමන් කිරීමෙන් පසු, එය 1 කාණ්ඩයේ සුළි කුණාටුවක් ලෙස එක්සත් ජනපදයේ අග්නිදිග මුහුදු වෙරළට ගමන් කළේය.
ෆ්ලොරිඩාවේ පමණක් අවම වශයෙන් පුද්ගලයින් 66 දෙනෙකු ඉයන් සුළි කුණාටුව හේතුවෙන් මිය ගොස් ඇති බව සී.එන්.එන් සේවය වාර්තා කළේය. කුණාටුව ආශ්‍රිත අනතුරු හේතුවෙන් උතුරු කැරොලිනාවේ පුද්ගලයන් හතර දෙනෙකු මිය ගිය බව පුවත් සේවය වැඩි දුරටත් වාර්තා කරයි.
ඉයන් සුළි කුණාටුව හේතුවෙන් කැරොලිනාස්හි දහස් ගණනකට විදුලිය අහිමි විය.
ඉන්දියා නිවුස් නෙට්වර්ක්ස් වාර්තා කළේ දැඩි බලපෑමට ලක් වූ ෆෝට් මයර්ස් හි කුණාටුවෙන් නිවාස සහ මෝටර් රථ රාශියක් ගිලී ඇති බවයි. බටහිර ෆ්ලොරිඩාවේ ආර්කේඩියා ප්‍රදේශයේ සැතපුම් කිහිපයක් අභ්‍යන්තරයේ විලක් මෙන් නගරයේ කොටසක් ගිල ගනිමින්, මහා මාර්ගයක් මකා දමමින් සියල්ල සුණු විසුණු කළේය.
ජාතික සුළි කුණාටු මධ්‍යස්ථානය අනතුරු ඇඟවූයේ ඉරිදා උදෑසන දක්වා බටහිර වර්ජිනියා සහ බටහිර මේරිලන්ඩ් ප්‍රදේශවලට වර්ෂාපතනය දිගටම පැවතිය හැකි බවයි.සෙනසුරාදා රාත්‍රිය වන විට ඉයන් පශ්චාත් නිවර්තන කුණාටුවක් බවට පත් වී දකුණු වර්ජිනියාව හරහා දුර්වල වෙමින් පැවතුනි.
ඉයන් සුළි කුණාටුවෙන් ඩොලර් බිලියන 47 ක රක්ෂණ අලාභයක් සිදු වී ඇති බව නවතම ඇස්තමේන්තුවක් පවසයි. ඉයන් ෆ්ලොරිඩා ඉතිහාසයේ මිල අධිකම කුණාටුව බවට පත්විය.
ඉන්දියා නිවුස් නෙට්වර්ක්ස්
