මේ වසරේ මැයි 1 වැනිදා සිට ක්‍රියාත්මක වූ ඉන්දියාව සහ එක්සත් අරාබි එමීර් රාජ්‍යය අතර විස්තීරණ ආර්ථික හවුල්කාරිත්ව ගිවිසුම මගින් ඉන්දියාව සහ එක්සත් අරාබි එමීර් රාජ්‍යය අතර වෙළෙඳාම සැලකිය යුතු ප්‍රගතියක් අත්කර ගෙන ඇත.
ඉන්දියාවේ වාණිජ හා කර්මාන්ත අමාත්‍යාංශය ඉරිදා නවතම දත්ත නිකුත් කරමින් ප්‍රකාශ කළේ 2021 ජූනි-අගෝස්තු මාසවල එක්සත් අරාබි එමීර් රාජ්‍යයට කරන ලද පෙට්‍රෝලියම් භාණ්ඩ හැර ඉන්දියානු අපනයන ඇමරිකානු ඩොලර් බිලියන 5.17ට සාපේක්ෂව 2022 ජූනි-අගෝස්තු මාසයේදී ඩොලර් බිලියන 5.92 දක්වා 14% කින් අපනයන ඉහළ ගොස් ඇති බවයි.
ඉන්දියාවේ ඛනිජ තෙල් නොවන අපනයන ගෝලීයව 3% කින් වර්ධනය වී ඇති බව වාණිජ හා කර්මාන්ත අමාත්‍යාංශය පවසයි. අමාත්‍යාංශය මාධ්‍ය නිවේදනයක් නිකුත් කරමින් පැවසූයේ එක්සත් අරාබි එමීර් රාජ්‍යයට ඉන්දියාවේ ඛනිජ තෙල් නොවන අපනයනවල වර්ධන වේගය ඉන්දියාවේ ඛනිජ තෙල් නොවන අපනයනය මෙන් 5 ගුණයකට ආසන්න බවයි.
2021 ජූනි-අගෝස්තු දක්වා එම මාස තුනේ කාලය තුළ එක්සත් අරාබි එමීර් රාජ්‍යයේ ඉන්දියානු ආනයනය ඩොලර් බිලියන 5.56කින් 1%ක අගයක සිට 2022 ජූනි-අගෝස්තු කාලය දක්වා ඩොලර් බිලියන 5.61 කින් ඉහල ගිය බවයි.මෙය 14% ක වර්ධනයකි.
තවද, අපනයනකරුවන්ගේ විස්තීරණ ආර්ථික හවුල්කාරිත්ව ගිවිසුම භාවිතය සහ වාණිජ දෙපාර්තමේන්තුවේ කැපවීමේ ප්‍රයත්නයන් හේතුවෙන් ඉදිරි මාසවලදී ඉන්දීය අපනයන තවත් ඉහළ යා හැකි බවට අමාත්‍යාංශය ශුභවාදීව ප්‍රකාශ කළේය.
එක්සත් අරාබි එමීර් රාජ්‍යයේ ඉන්දියානු දූත මණ්ඩලය සමඟ ඒකාබද්ධව වාණිජ දෙපාර්තමේන්තුවේ කැපවීමෙන් කරන ලද උත්සාහයන් සහ අපනයනකරුවන් විසින් විස්තීරණ ආර්ථික හවුල්කාරිත්ව ගිවිසුම භාවිතය සමග මූල්‍ය වර්ෂය තුලදී ඉන්දියානු අපනයන ඉහළ යනු ඇතැයි අමාත්‍යංශය පුරෝකථනය කළේය.
ඉන්දියා නිවුස් නෙට්වර්ක්ස්
