විද්‍යුත් ගමන් බලපත්‍රවල ජෛවමිතික වැදගත් වන ආරක්‍ෂාවට අදාළ දත්ත කේතනය කර ඇත
මුද්‍රිත පොත් පිංචවලින් බැහැරව,ඉන්දීය රජය මේ වසරේ විද්‍යුත් ගමන් බලපත්‍ර නිකුත් කිරීම ආරම්භ කරන අතර එයට ඉලෙක්ට්‍රොනික චිප්ස් සහ අනාගත තාක්‍ෂණය ඇතුළත් වන බව ඉන්දීය මුදල් අමාත්‍ය නිර්මලා සීතාරාමන් අඟහරුවාදා අයවැය 2022 ඉදිරිපත් කරමින් නිවේදනය කළේය.
ඉන්දියා නිවුස් නෙට්වර්ක්ස් වාර්තා කරන අන්දමට චිප්-සක්‍රීය ඊ-ගමන් බලපත්‍රවල උසස් ආරක්ෂක විශේෂාංග ඇති අතර අයදුම් කිරීමේ ක්‍රියාවලිය සාම්ප්‍රදායික විදේශ ගමන් බලපත්‍රවලට සමාන ය.
ඉන්දීය විදේශ කටයුතු අමාත්‍යාංශය මීට පෙර ප්‍රකාශ කළේ අයදුම්කරුවන්ගේ පෞද්ගලික තොරතුරු ඩිජිටල් ලෙස අත්සන් කර විදේශ ගමන් බලපත්‍ර පොත් පිංචේ ඇතුළත් කරන චිප් තුල ගබඩා කරන බවයි.
කිසියම් අයෙකු විසින් චිපය විකෘති කළහොත්, පද්ධතියට එය හඳුනා ගැනීමට හැකි වනු ඇත, එහි ප්‍රතිඵලයක් ලෙස විදේශ ගමන් බලපත්‍ර සත්‍යාපනය අසාර්ථක වේ.
ජාත්‍යන්තර සිවිල් ගුවන් සේවා සංවිධානය (ICAO)-අනුකූල ඉලෙක්ට්‍රොනික සම්බන්ධතා රහිත ඉන්ලේස් සහ චිප්-සක්‍රීය ඊ-පාස්පෝට් සඳහා අවශ්‍ය එහි මෙහෙයුම් පද්ධතිය ලබාගෙන ඇති නාෂික් හි ඉන්ඩියා සිකියුරිටි ප්‍රෙස් හි විද්‍යුත් ගමන් බලපත්‍ර නිෂ්පාදනය කෙරේ.
රජය මේ වන විට නිල සහ රාජ්‍ය තාන්ත්‍රික විද්‍යුත් ගමන් බලපත්‍ර 20,000ක් පමණ නිකුත් කර ඇත. ඉන්දීය පුරවැසියන්ට විද්‍යුත් ගමන් බලපත්‍ර නිකුත් කරන පළමු අවස්ථාව මෙයයි.
විද්‍යුත් ගමන් බලපත්‍ර ප්‍රථම වරට 2019 දී ප්‍රකාශයට පත් කරන ලද අතර ජාත්‍යන්තර සිවිල් ගුවන් සේවා සංවිධානයේ (ICAO) ප්‍රමිතීන්ට අනුකූල වේ. මෙමගින් ආගමන පිරික්සුම් හරහා මගීන්ගේ ගමන් මග පහසු කරනු ඇත.
indianewsnetwork
