එලඹෙන ජනාධිපතිවරණයට මුහුණදීම සම්බන්ධයෙන් ශ්‍රී ලංකා නිදහස් පක්ෂය ගත හැකි ක්‍රියාමාර්ග තුනක් සම්බන්ධයෙන් මූලික අවධානය යොමු වී ඇති බව ශ්‍රී ලංකා නිදහස් පක්ෂ පාර්ලිමේන්තු මන්ත්‍රී සහ එම පක්ෂයේ කොළඹ දිස්ත්‍රික් ප්‍රධාන සංවිධායක තිලංග සුමතිපාල මහතා අනාවරණය කර සිටී.
කුමන තත්වයක් යටතේ වුවද ශ්‍රී ලංකා නිදහස් පක්ෂය හැර නොයන බව අවධාරණය කළ තිලංග සුමතිපාල මහතා ශ්‍රීලනිපයේ අනත්‍යතාවය රැකගනිමින් එම ක්‍රියාමාර්ග ගනු ඇතිබව පැවති මාධ්‍ය හමුවකදී පවසා සිටියේය.
ඒ අනුව ඉදිරි ජනාධිපතිවරණයේදී ශ්‍රී ලංකා නිදහස් පක්ෂය, ශ්‍රී ලංකා නිදහස් පක්ෂයේම ජනාධිපති අපේක්ෂකයෙක් ඉදිරිපත් කරනවාද, වත්මන් ශ්‍රී ලංකා පොදු ජන පෙරමුණේ අපේක්ෂකයාට සහය දක්වනවාද, නො එසේනම් ශ්‍රී ලංකා නිදහස් පක්ෂය ජනාධිපතිවරණයට තරඟ නොකර ප්‍රතිපත්ති ප්‍රකාශනයක් පමණක් ඉදිරිපත් කොට නිහඬවනවාද යන්න සම්බන්ධයෙන් ඉදිරියේදී තීරණයක් ගනු ඇති බව තිලංග සුමතිපාල මහතා මෙහිදී අනාවරණය කර සිටියේය.
එසේම ශ්‍රී ලංකා නිදහස් පක්ෂය බිහි වූයේත්, බිහි වූ දා සිට දේශපාලන ප්‍රතිපත්තිමය වශයෙන් අනුගමනය කළේත් එක්සත් ජාතික පක්ෂ විරෝධීව බවත්, එම නිසා ශ්‍රීලනිපය වාමවාදී කඳවුරේ අපේක්ෂකයා දුර්වල වන ආකාරයෙන් කටයුතු නොකරනු ඇතිබවද මාධ්‍යවේදීන් නැඟු ප්‍රශ්නවලට පිළිතුරු දෙමින් තිලංග සුමතිපාල මහතා වැඩිදුරටත් සඳහන් කර සිටියේය.
තවද ජනාධිපති මෛත්‍රීපාල සිරිසේන මහතා සහ මහින්ද රාජපක්ෂ මහතා අතර සාකච්ඡා සිදුකොට තීරණයක් ගැනීමට ඉඩකඩ විවෘතව ඇති බවත් එය ඔවුන් විසින් සිදුකරනු ඇති බවටත් මාධ්‍යවේදීන්ගේ ප්‍රශ්න වලට පිළිතුරු දෙමින් සුමතිපාල මහතා පැවසීය.
මෙහිදී වැඩිදුරටත් මාධ්‍යවේදීන් නැඟු ප්‍රශ්නවලට පිළිතුරු දුන් ශ්‍රී ලංකා නිදහස් පක්ෂ පාර්ලිමේන්තු මන්ත්‍රී තිලංග සුමතිපාල මහතා,
