පොලිසියට දිනපතා නඩු
බාලවයස්කාර ශ්‍රී ලාංකිකයන් පෙනී සිටින අන්තර්ජාල අසභ්‍ය දර්ශන ඇතුළත් සිද්ධීන් සංඛ්‍යාවේ භයානක වැඩිවීමක් වාර්තා වන බව උසස් පොලිස් නිලධාරියෙක් පවසයි.
නිර්නාමිකව සිටීමට කැමති නිලධාරියා පැවසුවේ මෙවැනි සිද්ධීන් නිරන්තරයෙන් වාර්තා වන අතර පොලිසිය අධිකරණය හරහා නීතිමය පියවර ගන්නා බවයි. එසේම, ඇතැම් නඩු වැඩිදුර උපදෙස් සඳහා නීතිපතිවරයා වෙත යොමු කර ඇති බව ද එම නිලධාරියා පැවසීය.
ඔහු මෙසේ ද පැවසුවේය. “අපට දත්ත සමුදායක් ලැබී තිබෙනවා. ලෝකයේ වෙනත් තැන්වල එවැනි සිද්ධීන් හඳුනාගත් පසු, දත්ත සමුදාය යාවත්කාලීන වෙනවා. ස්මාර්ට් ෆෝන් වල ඇති පහසුකම භාවිතයෙන් එවැනි අන්තර්ගතයන් බෙදාගත් පසු, අන්තර්ගතය ආරම්භ වූයේ කොතැනින්ද යන්න සොයා බැලිය හැකි තාක්ෂණයක් තිබෙනවා. ඒ අනුව අපි අපේ දත්ත ගබඩාවේ තොරතුරු යාවත්කාලීන කරනවා,”
මෑතක සිදුවූ එවැනි සිදුවීමක් සම්බන්ධයෙන් ඇඹිලිපිටිය ප්‍රදේශයේ පුද්ගලයෙකු අත්අඩංගුවට ගෙන පසුව ඇපමත මුදා හැර ඇත. මෙම සිදුවීමට සම්බන්ධ අන්තර්ජාල අන්තර්ගතය එක්සත් ජනපදයේ අනාවරණය කරගෙන ඇත. මෙම නඩුව නීතිපතිවරයා වෙත යොමු කිරීමෙන් පසු දැන් එය අධිකරණය හමුවේ විභාග වෙමින් පවතී.
මූලාශ්‍රය – ඩේලි මිරර්
