ඉන්දීය විදේශ කටයුතු අමාත්‍ය එස් ජයශංකර් සහ ඔහුගේ ස්පාඤ්ඤ විදේශ කටයුතු අමාත්‍ය හෝසේ මැනුවෙල් ඇල්බේරස් විසින් දෙරටේ ද්විපාර්ශ්වික සබඳතා සමාලෝචනය කළහ. මෙම සාකච්ඡා වල ප්‍රතිඵලයක් ලෙස ඉන්දියාව සහ ස්පාඤ්ඤය ඔවුන්ගේ සබඳතාවලට නව අර්ථකථනයක් සහ දැක්මක් ලැබී ඇත.
ඉන්දියාවේ පළමු නිල සංචාරය ආරම්භ කරමින් ස්පාඤ්ඤ විදේශ කටයුතු, යුරෝපා සංගමය සහ සහයෝගීතාව පිළිබඳ අමාත්‍ය ඇල්බේරස් නවදිල්ලියට පැමිණ ඇත
ස්පාඤ්ඤයේ විදේශ අමාත්‍යවරයා ඉන්දියාවට පැමිණීම පිළිබඳව ඉන්දීය විදේශ කටයුතු අමාත්‍යවරයා විසින් ට්විටර් පණිවිඩයක් නිකුත් කරමින් කියා සිටියේ දේශපාලන, ආරක්ෂක, ආර්ථික සහ සංස්කෘතික ක්ෂේත්‍ර වල උණුසුම් හා ඵලදායී සාකච්ඡා පැවති බවයි.
ඉන්දීය විදේශ කටයුතු අමාත්‍යාංශය නිවේදනයක් නිකුත් කරමින් ප්‍රකාශ කළේ වෙළෙඳ සහ ආයෝජන, ජනතාව අතර සබඳතා, දේශගුණ සහයෝගීතාව, හරිත බලශක්තිය, විද්‍යාව සහ තාක්ෂණය, නවෝත්පාදන සහ ආරක්‍ෂාව යන ප්‍රධාන ක්ෂේත්‍රවල සහයෝගීතාව ඉහළ නැංවීම පිළිබඳව හරයාත්මක සාකච්ඡා පැවති බවයි.
මෙම හමුවේදී සංස්කෘතික හා ශාස්ත්‍රීය ක්ෂේත්‍රවල සහයෝගිතාව පිළිබඳ ඒකාබද්ධ ප්‍රකාශයකට අමාත්‍යවරු අත්සන් තැබූහ.
දෙරටේ විදේශ අමාත්‍යවරුන් දෙදෙනා ද්විපාර්ශික ආයතනික යාන්ත්‍රණ වල අවශ්‍යතාවය හා විවිධ අංශවල සාකච්ඡා යටතේ අවබෝධතා ගිවිසුම් ක්‍රියාත්මක කිරීමේ අවශ්‍යතාවය ද ඉස්මතු කළ බව ඉන්දීය විදේශ කටයුතු අමාත්‍යාංශය පවසයි.
ස්පාඤ්ඤය විසින් එයාර්බස් ගුවන් යානා 56 ක් සපයන අතර ඉන් 40 ක් ඉන්දියාවේ නිෂ්පාදනය කරනු ලබන ආරක්ෂක කොන්ත්‍රාත්තුවට අත්සන් කිරීම නායකයින් දෙදෙනා විසින් පිළිගත්හ.එමෙන්ම ආරක්ෂක සහයෝගීතාව තවදුරටත් පුළුල් කිරීමට ද එකඟ විය.
ත්‍රස්තවාදය, ප්‍රචණ්ඩකාරී අන්තවාදය සහ සයිබර් අපරාධ සම්බන්ධ පොදු අභියෝගවලට එරෙහිව සමීපව කටයුතු කිරීමට තම කැපවීම අමාත්‍යවරුන් දෙදෙනා යළිත් අවධාරණය කළහ.
ඉන්දීය විදේශ කටයුතු අමාත්‍ය එස් ජයශංකර් සහ ස්පාඤ්ඤ විදේශ අමාත්‍ය ඇල්බරේස් වර්ධනය වන ද්විපාර්ශ්වික වෙළඳ සහ ආයෝජන සම්බන්ධතාවන් පුළුල් කිරීමට එකඟ විය.
එමෙන්ම තොරතුරු තාක්ෂණ, ඖෂධ සහ පුනර්ජනනීය බලශක්තිය වැනි ක්ෂේත්‍රවල වැඩි අවස්ථා පවතින බවත් නව සහ ගවේෂණය නොකළ නැගී එන ක්ෂේත්‍ර ඇති බවත් ඔවුන් පිළිගත්හ. ඉන්දීය විදේශ කටයුතු අමාත්‍යාංශයට අනුව හරිත හයිඩ්‍රජන්, විද්‍යුත් සංචලනය, දියුණු ද්‍රව්‍ය, ගැඹුරු මුහුදේ ගවේෂණ, සඳහා සහයෝගයෙන් කටයුතු කිරීමට දෙපාර්ශවය එකඟ විය
ඉන්දියාව-යුරෝපා සංගමය නිදහස් වෙළඳ ගිවිසුම පිළිබඳ මෙම මස අගදී නැවත සාකච්ඡා ආරම්භ කිරීම ඔවුන් සාදරයෙන් පිළිගත්තේය.
දේශගුණික විපර්යාස, ගෝලීය සෞඛ්‍යය, තිරසාර සංවර්ධනය සහ ත්‍රස්තවාදයට එරෙහි වීම වැනි පොදු අභියෝගවලට මුහුණ දීම සඳහා අන්‍යෝන්‍ය අවබෝධය සහ සහයෝගය අමාත්‍යවරු සටහන් කළහ.
අමාත්‍යවරුන් දෙදෙනා යුක්රේනයේ සහ ඇෆ්ගනිස්ථානයේ තත්ත්වය පිළිබඳව සාකච්ඡා කළහ.
ඇෆ්ගනිස්ථානයට මානුෂීය ආධාර සඳහා බාධාවකින් තොරව ප්‍රවේශ වීමේ අවශ්‍යතාවය සහ එම භූමිය ත්‍රස්තවාදී කණ්ඩායම් විසින් භාවිතා නොකළ යුතු බව දෙපාර්ශ්වයම අවධාරණය කළහ.
මෙහිදී අමාත්‍යවරුන් දෙදෙනා ඉන්දු-පැසිෆික් කලාපය කෙරෙහි උපායමාර්ගික අවධානය රඳවා තබා ගැනීමේ අවශ්‍යතාවයත්, චීනය සමග පවත්නා නියම පාලන රේඛාවේ සංවර්ධන හවුල්කාරිත්වය සහ ආර්ථික ක්‍රියාකාරකම්වල සහයෝගීතාව පිළිබඳවත් ගැඹුරු ලෙස සාකච්ඡා කළ බව ඉන්දීය විදේශ කටයුතු අමාත්‍යාංශය සඳහන් කළේය.
ස්පාඤ්ඤ සහ පෘතුගීසි භාෂාව කතා කරන යුරෝපයේ සහ ඇමරිකාවේ රාජ්‍ය නායකයින්ගේ වාර්ෂික රැස්වීම වන ඉබෙරෝ-ඇමරිකානු සමුළුව පිළිබඳව සාකච්ඡා කළහ.
ඉන්දියාව සහ ස්පාඤ්ඤය එක්සත් ජාතීන්ගේ සහ අනෙකුත් බහුපාර්ශ්වික ආයතන තුළ අතර සහයෝගීතාව අමාත්‍යවරුන් දෙදෙනාම අගය කළේ යැයි ඉන්දියා නිවුස් නෙට්වර්ක්ස් වාර්තා කරයි.
ඉන්දියා නිවුස් නෙට්වර්ක්ස්
