මීලග ජනාධිපතිවරණයේදී ශ‍්‍රී ලංකා පොදුජන පෙරමුණට තනිව ජය ගැනීමට නොහැකි බව ශ‍්‍රී ලංකා නිදහස් පක්‍ෂ මහ ලේකම් පාර්ලිමේන්තු මන්ත‍්‍රී දයාසිරි ජයසේකර මහතා පවසයි.
මීලග ජනාධිපතිවරණයෙන් ජය ගැනීමට නම් ශ‍්‍රීලනිපය සතු ඡන්ද ලක්‍ෂ 14 අනිවාර්යෙන්ම අවශ්‍ය බවද ඔහු කියා සිටී.
ශ‍්‍රීලනිපය ජනාධිපති අපේක්‍ෂකයා ලෙස ස්ථිර වශයෙන්ම මෛත‍්‍රීපාල සිරිසේන මහතා ඉදිරිපත් කරන බවත් පවසන ඔහු එසේ කිරීමට තම පක්‍ෂයට අයිතියක් ඇතැයිද සදහන් කරයි.
පොහොට්ටුව සහ ශ‍්‍රීලනිපය අතර පැවැත්වෙන සාකච්චා කොටි සංවිධාය හා ශ‍්‍රී ලංකා රජය අතර පැවති සාකච්චා ආකාරයේ බවත් මුල්ම යටයේදි අවි බිම තබා යටත් වීමට කොටි සංවිධානය කැමති නොවූ බවත් මහ ලේකම්වරයා කියයි.
ශ‍්‍රීලනිප ජන හමුවක් අමතමින් ඔහු මෙසේ කියා සිටියේය.
