මනෝ ගනේෂන් මහතා නායකත්වය දරන ප‍්‍රජාතන්ත‍්‍රවාදී ජනතා පෙරමුණ කොළඹ මහනගර සභාවේ ඉදිරි කටයුතු සම්බන්ධයෙන් එක්සත් ජාතික පක්ෂයත් සමග සහයෝගයෙන් කටයුතු කිරීමට තීරණය කර ඇතැයි වාර්තාවේ.
මේ සම්බන්ධයෙන් තීරණාත්මක සාකච්ඡාවක් අද උදෑසන එක්සත් ජාතික පක්ෂයේ නායක රනිල් වික්‍රමසිංහ ,නියෝජ්‍ය නායක කරු ජයසුරිය යන මහත්වරුන් සහ මනෝ ගනේෂන් මහතා අතර පැවැත්වීමට නියමිතව තිබිණි.
කොළඹ මහනගර සභාවේ මැතිවරණය නිමාවට පත්වුයේ කිසිඳු තනි පක්ෂයකට බහුතර බලයක් හිමිකර නොදෙමිනි. මන්ත‍්‍රී ආසන 51 කින් සමන්විත කොළඹ මහනගර සභාවේ එක්සත් ජාතික පක්‍ෂය ආසන 24 ක්ද එක්සත් ජනතා නිදහස් සන්ධානය ආසන 16 ක් සහ ප‍්‍රජාතන්ත‍්‍රවාදී ජනතා පෙරමුණ ආසන 06 ක් හිමිකර ගෙන ඇත.
