එක්සත් ජනපද නාවික හමුදාවේ චාල්ස් ඩ්‍රෙව් නෞකාව අලුත්වැඩියා සහ අනුබද්ධ සේවාවන් සඳහා චෙන්නායි හි කට්ටුපල්ලි හි එල් ඇන්ඩ් ටී හි නැව් තටාකයට පැමිණ ඇත.වර්ධනය වන ඉන්දු-එක්සත් ජනපද උපායමාර්ගික හවුල්කාරිත්වයට නව මානයක් එක් කරමින් අමෙරිකානු නාවික හමුදාවට අයත් නෞකාවක් ඉන්දියාවේදී අලුත්වැඩියා සඳහා පැමිණි පළමු අවස්ථාව මෙයයි.
එක්සත් ජනපද නාවික හමුදාවේ භාණ්ඩ සහ පතොරම් නෞකාවක් වන චාල්ස් ඩෲ නෞකාව, ඉරිදා ඉන්දියාවට පැමිණියේය. එය දින 11ක් කට්ටුපල්ලි නැව් තටාකයේ විවිධ අලුත්වැඩියා කටයුතු සිදු සඳහා නැංගුරම්ලා ඇත.එක්සත් ජනපද නාවික හමුදාව නෞකාව නඩත්තු කිරීම සඳහා කට්ටුපල්ලි හි පිහිටි එල් ඇන්ඩ් ටී හි නැව් තටාකයට කොන්ත්‍රාත්තුවක් ලබා දී ඇත.
එක්සත් ජනපද නාවික හමුදාවට අයත් නෞකාව අලුත්වැඩියා කිරීම සඳහා ඉන්දියාවට පැමිණීම ඉන්දියාවට විශාල ශක්තියක් වනු ඇතැයි ඉන්දීය ආරක්ෂක අමාත්‍යාංශය පැවසීය.
අමාත්‍යාංශය වැඩිදුරටත් පැවසූයේ මෙම සිදුවීම මගින් ගෝලීය නැව් අලුත්වැඩියා වෙළඳපොලේ ඉන්දියානු නැව් තටාකවල හැකියාවන් පෙන්නුම් කරන බවයි.
ඉන්දීය ආරක්ෂක ලේකම් අජේ කුමාර් මෙම එක්සත් ජනපද යාත්‍රාව පිළිගැනීමට නැව් තටාකාංගනයට ගිය බව ඉන්දියා නිවුස් නෙට්වර්ක්ස් වාර්තා කරයි.ඉන්දු-එක්සත් ජනපද ආරක්ෂක සබඳතා සඳහා මෙය රතු අකුරින් ලියවෙන දිනයක් ලෙසද ඔහු පැවසීය.
ඉන්දියාව සතුව ඩොලර් බිලියන 2 කට ආසන්න පිරිවැටුමක් සහිත ප්‍රධාන නැව් තටාක හයක් ඇති බවත් චාල්ස් ඩෲ නෞකාව අළුත්වැඩියා කටයුතු සඳහා ඉන්දියාවට පැමිණීම ඉන්දියානු නැව් තැනීමේ කර්මාන්තයක් පරිණත වීමේ සලකුණක් බව ද ඔහු පැවසීය.
ඉන්දීය ආරක්ෂක ලේකම් කුමාර් ද ප්‍රකාශ කළේ ඉන්දියාව සහ එක්සත් ජනපදය අතර සබඳතා ඉන්දු-පැසිෆික් සහ අනෙකුත් ගෝලීය පොදු පද්ධතිවල විවෘත,සහ රීති පදනම් කරගත් විශ්වාසයන් මත පදනම්ව ඇති බවයි.
ඉන්දීය ආරක්ෂක ක්ෂේත්‍රයට දක්වන සහයෝගය වෙනුවෙන් ඔහු එක්සත් ජනපදයට සිය ප්‍රශංසාව පිරිනැමීය.ඉන්දියානු අපනයන සඳහා ප්‍රධාන ගමනාන්තයක් වන්නේ එක්සත් ජනපදයයි යැයි ඉන්දීය ආරක්ෂක ලේකම් පැවසීය.2015-16 වසර තුළ රුපියල් කෝටි 1500ක් පමණ වූ අපනයන මේ වන විට රුපියල් කෝටි 13,000ක් දක්වා 800%කින් වර්ධනය වී ඇත.
ජාතීන් දෙක අතර ගැඹුරු වන බැඳීම් මෙමගින් විද්‍යාමාන වන බව එක්සත් ජනපද කොන්සල් ජනරාල් ජුඩිත් රවීන් පැවසීය.
ඉන්දියා නිවුස් නෙට්වර්ක්ස්
