අගමැති නරේන්ද්‍ර මෝදි බ්‍රහස්පතින්දා ප්‍රකාශ කළේ වර්තමාන කාලය තාක්‍ෂණ යුගයක් ලෙස හඳුන්වන මෙම යුගයේ තාක්ෂණය සහ නවෝත්පාදන සඳහා තව දුරටත් ආයෝජනය කිරීම වැදගත් වේ යන්නයි.
බොෂ් ඉන්දියාව යනු ඉන්දියාවේ ප්‍රමුඛතම තාක්‍ෂණ සහ සේවා සැපයුම්කරුවෙකි.කාර්මික තාක්ෂණය, පාරිභෝගික භාණ්ඩ, සහ බලශක්ති සහ ගොඩනැගිලි තාක්ෂණය.ඉංජිනේරුමය සහ තාක්‍ෂණ විසඳුම් බොෂ් ඉන්දියා සතු වේ. මීට අමතරව,බොෂ්හි ජර්මනියෙන් පිටත විශාලතම සංවර්ධන මධ්‍යස්ථානය, ඉන්දියාවේ ඇත.
බොෂ් ඉන්දියාවට පැමිණ වසර 100 සම්පූර්ණ කිරීම නිමිත්තෙන් වීඩියෝ පණිවිඩයක් මගින්, අගමැති මෝදී අවධාරණය කළේ තාක්ෂණයේ ප්‍රතිලාභ වසංගත කාලය තුළ ප්‍රදර්ශනය වුණු බවයි. අග්‍රාමාත්‍යවරයා 2015 ඔක්තෝම්බර් මාසයේදී චාන්සලර් ඇන්ජෙලා මර්කල් සමඟ බැංගලෝරයේ බොෂ් ආයතනයට කළ සංචාරය ද සිහිපත් කළේය. තවද බැංගලෝරයේ බොෂ් ස්මාර්ට් මණ්ඩපය විවෘත කරමින් ඔහු පැවසූයේ අනාගත ලෝකය සඳහා තාක්ෂණික විසඳුම් ඉදිරිපත් කිරීමේ දී මෙම මණ්ඩපය පෙරමුණ ගනු ඇති බව ය.
තිරසාරභාවයේ අවශ්‍යතාවය අවධාරණය කළ අගමැති මෝදි බොෂ් ඉන්දීයාහි නවෝත්පාදන කාර්යයට ප්‍රශංසා කළේය.ඉන්දියාවේදී සහ ඉන් පිටතදී කාබන් මධ්‍යස්ථභාවය පවත්වාගැනීමට බොෂ්හි දායකත්වයට ප්‍රශංසා කළේය.
පසුගිය වසර දෙක තුළ ආයෝජන පරිමාව ඉහළ යාම නිසා වර්ධනය වන ප්‍රධාන ආර්ථිකයන් අතර ඉන්දියාව ඉදිරියෙන්ම සිටින බව මෝදි පැවසීය. එමෙන්ම තාක්ෂණික ලෝකයේ බොහෝ ව්‍යාපාර අවස්ථාවන් තිබෙන බවත් ආරම්භක ව්‍යාපාර අතින් ඉදිරියෙන්ම ඉන්දියාව තබන්නට තරුණයන්ගේ කැපවීම හේතු වූ බවත් ඔහු පැවසීය.
“ඩිජිටල් ඉන්දියාවක් පිළිබඳ රජයේ දැක්ම විස්තර කරමින් සෑම ගමකටම අධිවේගී අන්තර්ජාල පහසුකම් ලබාදීමට ඉන්දීය රජය කටයුතු කරන ආකාරය ද ඔහු මෙහිදී අවධාරණය කළේය.
