කොවිඩ් -19 වසංගතය නිසා ලංකාවේ විශාල පිරිසකට ‘යන එන මං‘ නැති වුණත් තවත් විශාල පිරිසක් අසීමිත ධනයක් උපයා ගත බව අපි කාටවත් රහසක් නොවෙයි. ඒ නිසා කොවිඩ් ඇතැමුන්ට නම් ‘ඉල්ලමක්‘ බව නොකියා බැහැ.
ලංකාවේ වගේම ලෝකය පුරාම කොවිඩ් වසංගතයෙන් ‘ගොඩගිය‘ ලක්ෂ ගණනක් නොව මිලියන ගණනක් සිටින බව ජාත්‍යන්තර මාධ්‍ය කියනවා. බී.බී.සී වාර්තාවකය අනුව ‘කොවිඩ් -19 වසංගතයෙන් ලෝකය පුරා මිලියන පහකට වැඩි පිරිසක් 2020දී කෝටිපතියන් බවට පත්ව තිබෙනවා.
ලෝ ප්‍රකට පර්යේෂණ ආයතනයක් වන Credit Suisse විසින් සිදුකළ පර්යේෂණයකින් තමයි මේ බව හෙළිකර ගෙන තිබෙන්නේ. එම වාර්තාව මෙසේ කියනවා ‘‘බොහෝ දුප්පතුන් දුප්පත් වූ අතර කෝටිපතියන්ගේ සංඛ්‍යාව මිලියන 5.2 කින් ඉහළ ගියා. මේ වන විට ගෝලීය වශයෙන් මිලියනපතියන් මිලියන 56.1ක් සිටිනවා‘‘
2020 දී ලොව පුරා වැඩිහිටියන්ගෙන් 1% කට වඩා ප්‍රථම වරට කෝටිපතියන් බවට පත් වුණ බවයි Credit Suisse වාර්තාව කියන්නේ.
‘‘කොටස් වෙලඳපොලවල් යථා තත්ත්වයට පත් වීම සහ නිවාස මිල ඉහළ යාම ඔවුන්ගේ ධනය ඉහළ නැංවීමට උපකාරී වුණා. වසංගතයේ ආර්ථික විපත් වලින් ධනය නිර්මාණය කිරීම සම්පූර්ණයෙන්ම වෙන්ව තිබෙනවා‘ ඔවුන් පැවසුවා.
ආර්ථික විද්‍යාඥ ඇන්තනි ෂෝරොක්ස් පැවසුවේ “කොවිඩ් වසංගතය ගෝලීය වෙලඳපොලවල් කෙරෙහි තියුණු කෙටිකාලීන බලපෑමක් ඇති කළ නමුත් එය බොහෝ දුරට 2020 ජුනි මස අවසානය වන විට ආපසු හැරවූ” බවයි.
“ගෝලීය ධනය එවැනි කැලඹීම් හමුවේ ස්ථාවරව පැවතුණා පමණක් නොව ඇත්ත වශයෙන්ම වසරේ දෙවන භාගයේදී වේගයෙන් ඉහළ ගියා” යනුවෙන් ඔහු පැවසුවා.
කෙසේ වෙතත්, 2020 දී වැඩිහිටියන් අතර ධනයේ වෙනස්කම් පුළුල් වූ අතර ෂෝරොක්ස් මහතා පැවසුවේ නිවාස මිල ඉහළ යාම වැනි වත්කම් මිල ඉහළ යාම විශ්ලේෂණයෙන් ඉවත් කළ හොත් “ගෝලීය ගෘහස්ථ ධනය පහත වැටෙන්නට ඇති” බවයි.
“මූල්‍ය වත්කම් අඩුවෙන් පවතින පහළ ධනවත් කණ්ඩායම්වල ධනය නිශ්චල වීම නැතහොත් බොහෝ විට පසුබෑමට ලක් වුණා,” ඔහු පැවසුවා.
“යටින් පවතින සමහර සාධක කාලයත් සමඟ ස්වයං නිවැරදි විය හැකියි. නිදසුනක් වශයෙන්, පොලී අනුපාත යම් අවස්ථාවක දී නැවත ඉහළ යාමට පටන් ගනී. මෙය වත්කම් මිල පහත හෙළනු ඇත.”
පසුගිය 2020දී සමස්ත ගෝලීය ධනය 7.4% කින් වර්ධනය වූ බව වාර්තාව පවසනවා.
ඩොලර් 10,000 ත් 100,000 ත් අතර ධනයක් ඇති පුද්ගලයින්ගේ සංඛ්‍යාව 2000 දී මිලියන 507 සිට 2020 මැද භාගයේදී බිලියන 1.7 දක්වා තුන් ගුණයකින් ඉහළ ගොස් තිබෙනවා.
මෙම වැඩිවීම “නැගී එන ආර්ථිකයන්ගේ, විශේෂයෙන් චීනයේ වර්ධනය වන සමෘද්ධිය සහ සංවර්ධනය වෙමින් පවතින රටවල මධ්‍යම පංතියේ ව්‍යාප්තිය” පිළිබිඹු කරන බව Credit Suisse පර්යේෂකයින් පවසනවා.
Credit Suisse හි ප්‍රධාන ආයෝජන නිලධාරි නැනට් හෙච්ලර්-ෆේඩ්හර්බේ මහතා මෙසේ පැවසුවා, ‘පොලී අනුපාත, පූර්ණ පරිමාණයේ ගෝලීය අර්බුදයක් සාර්ථකව වළක්වා තිබෙනවා. මහ බැංකු විසින් පොලී අනුපාත පහත හෙලීම විශාලතම බලපෑමක් ඇති කළා. කොටස් මිල සහ නිවාස මිල සමෘද්ධිමත් වීමට එය ප්‍රධාන හේතුවක්. මේවා කෙලින්ම අපගේ ගෘහස්ථ ධනය තක්සේරු කිරීමට පරිවර්තනය කරනවා.”
එහෙත් මෙම මැදිහත්වීම් “විශාල පිරිවැයකින් පැමිණ ඇති” බව ඇය පැවසුවා.
“දළ දේශීය නිෂ්පාදිතයට සාපේක්ෂව රාජ්‍ය ණය ලොව පුරා බොහෝ රටවල 20% කින් හෝ ඊට වඩා වැඩි වී තිබෙනවා‘‘
කොටස් මිල සහ නිවාස මිල “සමෘද්ධිමත් වීමට” ප්‍රධාන හේතුවක් වී ඇත්තේ බැංකු විසින් පොලී අනුපාත පහත හෙලීම නිසා බවත්, එය “අපගේ ගෘහස්ථ ධනය තක්සේරු කිරීමට කෙලින්ම” පරිවර්තනය කළ බවත් හෙච්ලර්-ෆේඩ්හර්බේ මහත්මිය පැවසුවාය.
බී.බී.සී වාර්තාවකි – සැකසුම – තීක්ෂණ වෙළෙන්එගොඩ
