ඉන්දියාව සහ ඝානාව එක්සත් ජාතීන්ගේ ආරක්ෂක කවුන්සිලයේ ඇතුළු අනෙකුත් බහුපාර්ශ්වික සංසදවල සහයෝගයෙන් කටයුතු කිරීමේ කැපවීම යලි තහවුරු කළහ.
ඉන්දියා-ඝානා උපදේශන පිළිබඳ සාකච්ඡා පැවැත්විණ. එහිදි එක්සත් ජාතීන්ගේ සහ බහුපාර්ශ්වික ගැටළු පිළිබඳව සහ අනෙකුත් අදාළ කරුණු සාකච්ඡා කළ බව ඉන්දියා නිවුස් නෙට්වර්ක්ස් වාර්තා කරයි.
දෙපාර්ශ්වයම එක්සත් ජාතීන්ගේ ආරක්ෂක මණ්ඩලයේ ස්ථිර නොවන සාමාජිකයින් ලෙස ඔවුන්ගේ වත්මන් ධුර කාලය තුළ ඔවුන්ගේ අඛණ්ඩ සහයෝගීතාවය සමාලෝචනය කළ බව ඉන්දීය විදේශ කටයුතු අමාත්‍යාංශය පවසයි.
ඉන්දීය විදේශ කටයුතු අමාත්‍යාංශය වැඩිදුරටත් පැවසූයේ සහෙල් කලාපය සහ බටහිර අප්‍රිකාව ඇතුළුව එක්සත් ජාතීන්ගේ ආරක්ෂක කවුන්සිල න්‍යාය පත්‍රයේ ඇති ගැටළු, එක්සත් ජාතීන්ගේ සාම සාධක කටයුතු සම්බන්ධ අනෙකුත් කරුණු සහ ත්‍රස්තවාදයට එරෙහි වීම යන කරුණු පිළිබඳව ඉන්දියාව සහ ඝානාව පුළුල් වශයෙන් ද්විපාර්ශික සාකච්ඡා පැවැත්වූ බවයි
ඉන්දීය විදේශ කටයුතු අමාත්‍යාංශයට අනුව මිත්‍ර ජාතීන් දෙපළ පොදුරාජ්‍ය මණ්ඩලය, නොබැඳි ව්‍යාපාරය, ජී-77 කණ්ඩායම් ඇතුළු අනෙකුත් බහුපාර්ශ්වික වේදිකා වලදී ඔවුන්ගේ ක්‍රියාකාරකම් පුළුල් කිරීමට එකඟව ඇත.
ඉන්දියාවේ එක්සත් ජාතීන්ගේ දේශපාලන කටයුතු පිළිබඳ සහකාර ලේකම් ප්‍රකාශ් ගුප්තා ප්‍රකාශ් ගුප්තා,ඉන්දීය නියෝජිත පිරිසට නායකත්වය දුන් අතර, ඇක්රා හි ඉන්දීය මහ කොමසාරිස් කාර්යාලයේ සහ විදේශ කටයුතු අමාත්‍යාංශයේ ජ්‍යෙෂ්ඨ නිලධාරීන් මෙම පිරිසට ඇතුලත් විය.ඝානා නියෝජිත පිරිසට නායකත්වය ඝානා ජනරජයේ විදේශ කටයුතු අමාත්‍යාංශයේ වැඩබලන ප්‍රධාන අධ්‍යක්ෂ සහ ඝානා ජනරජයේ කලාපීය ඒකාබද්ධතා තානාපති රැම්සෙස් ක්ලෙලන්ඩ් විසින් සපයන ලදී. ඝානාවේ විදේශ කටයුතු සහ කලාපීය ඒකාබද්ධතා අමාත්‍යාංශයෙහි ජ්‍යෙෂ්ඨ නිලධාරීන් ද ඊට ඇතුළත් විය.
ඉන්දියා නිවුස් නෙට්වර්ක්ස්
