ඉන්දීය විදේශ කටයුතු සහ සංස්කෘතික කටයුතු පිළිබඳ රාජ්‍ය අමාත්‍ය මීනක්ෂි ලෙකී අගෝස්තු 16 සිට 23 දක්වා නෝර්වේ, අයිස්ලන්තය සහ මෝල්ටාවේ ඵලදායී සංචාරයක් සිදු කළාය. මෙම සංචාරය තුළදී කලාපීය සහ ගෝලීය ගැටලු පිළිබඳව පුළුල් සාකච්ඡා පැවැත්විණ.
ඉන්දීය රාජ්‍ය අමාත්‍ය මීනක්ෂි ලෙකී නෝර්වේ විදේශ කටයුතු අමාත්‍ය ඇනිකන් හියුට්ෆෙල්ඩ් හමුවිය. ඇය නෝර්වීජියානු විදේශ කටයුතු අමාත්‍යාංශයේ රාජ්‍ය ලේකම් අර්ලින් රිමෙස්ටාඩ් සහ මහලේකම් ටෝර් හැට්‍රම් ද හමුවිය.ඇය අගෝස්තු 16-18 දක්වා නෝර්වේ සංචාරය කළ බව ඉන්දියා නිවුස් නෙට්වර්ක්ස් වාර්තා කරයි.
ඉන්දීය විදේශ කටයුතු අමාත්‍යාංශය ප්‍රකාශ කළේ නිල් ආර්ථිකය, බලශක්තිය, ආක්ටික් කලාපය, වෙළඳ සහ ආයෝජන සංස්කෘතික සහ අන්තර් පුද්ගල සබඳතා පිළිබඳ සහයෝගිතාව සාකච්ඡා කළ බවයි.
අගෝස්තු 17 වන දින ඇය නෝර්වේ දේශගුණික හා පරිසර අමාත්‍ය එස්පන් බාර්ත් ඊඩ් සමඟ ඉන්දියාව-නෝර්වේ හරිත බලශක්ති සහයෝගීතාව පිළිබඳ විද්වත් සාකච්ඡාවකට ද සහභාගී වූවාය.දේශගුණික ක්‍රියාකාරී ඉලක්ක සපුරා ගැනීමේදී ඉන්දියාව ලබා ඇති ප්‍රගතිය මෙම සාකච්ඡාවේදී ඇය විසින් ඉස්මතු කළාය.
රාජ්‍ය අමාත්‍ය මීනක්ෂි ලෙකී සීක් ප්‍රජාවේ සාමාජිකයින් සමඟ ද කතා කළාය. පසුව පැවති ප්‍රජා උත්සවයකදී ඇය සජීවී ඉන්දියානු ඩයස්පෝරාවේ සුප්‍රසිද්ධ සාමාජිකයින් 150කට අධික පිරිසක් සමඟ අන්තර් ක්‍රියා කළාය.
ඉන්දීය විදේශ කටයුතු රාජ්‍ය අමාත්‍යවරිය අගෝස්තු 19 සහ 20 යන දිනවල අයිස්ලන්තයේ සංචාරයක නිරත විය. එහිදී අයිස්ලන්ත විදේශ කටයුතු අමාත්‍ය තෝර්ඩිස් කොල්බෲන් ගිල්ෆඩොටිර් හමුවී ධීවර, භූතාප බලශක්ති, නවෝත්පාදන, වෙළඳාම සහ ආයෝජන, සංචාරක, සංස්කෘතිය සහ ද්විපාර්ශ්වික සබඳතා මෙන්ම දේශීය හා ජාත්‍යන්තර ගැටළු පිළිබඳව සාකච්ඡා කළේය.
සිය අයිස්ලන්ත සංචාරය අතරතුර ඇය අයිස්ලන්තයේ පාර්ලිමේන්තුවේ කථානායක බර්ගිර් අර්මන්සන් ද හමුවී ජාතීන් දෙක අතර පාර්ලිමේන්තු සහයෝගීතාව පිළිබඳව සාකච්ඡා කළාය.එමෙන්ම අයිස්ලන්තයේ සංස්කෘතික හා ව්‍යාපාරික කටයුතු පිළිබඳ අමාත්‍ය ලිල්ජා ඇල්ෆ්‍රෙඩ්ස්ඩොටිර් හමුවි යෝග, චිත්‍රපට, සංගීතය, රංග කලාව සහ සංචාරක යන ක්ෂේත්‍රවල සහයෝගීතාව වැඩි දියුණු කිරීම සඳහා ගවේෂණය කිරීම පිළිබඳ සාකච්ඡා කළේය
අයිස්ලන්ත විශ්වවිද්‍යාලයේදී “වෙනස්වන ලෝකයක ඉන්දියාවේ භූමිකාව-ඉන්දියාව 75 වන නිදහස” මැයෙන් දේශනයක් සිදු කළාය.අමාත්‍ය මීනක්ෂි ලෙකී දියවැඩියා අක්ෂි පරීක්ෂාව සම්බන්ධයෙන් දේශීය සෞඛ්‍ය තාක්ෂණ ආරම්භක ආයතනයක් වන සංකර නේත්‍රාලය සහ රෙටිනා රිස්ක් අතර අවබෝධතා ගිවිසුමක් අත්සන් කළේය.
අගෝස්තු 21-23 දිනවලදී ඇය මෝල්ටාවේ සංචාරය කළාය. එහිදී එරට ජනාධිපති ජෝර්ජ් වෙල්ලා හමුවීමට අමාත්‍ය මීනක්ෂි ලෙකී හට අවස්ථාව උදාවිය.එමෙන්ම ඇය ජාතික උරුමයන්, කලා කටයුතු සහ පළාත් පාලන අමාත්‍ය ඕවන් බොනිසි ද හමු වූවාය. ඊට අමතරව මෝල්ටාවේ මෝල්ටාවේ විදේශ අමාත්‍ය ඉයන් බෝර්ග් සමග සුහද පිළිසඳරක නිරත වීමට ඇය හට අවස්ථාව ලැබිණ.
ඉන්දීය විදේශ කටයුතු අමාත්‍යාංශයට අනුව වෙළෙඳ සහ ආයෝජන, සමුද්‍රීය සහයෝගීතාව, සූර්ය බලශක්තිය, චිත්‍රපට, සංචාරක සහ සංස්කෘතිය පිළිබඳව දෙපාර්ශවය සවිස්තරාත්මක සාකච්ඡා පැවැත්විණ.
ඖෂධ සහ තොරතුරු හා සන්නිවේදන තාක්ෂණ කර්මාන්ත ආදී මෝල්ටාවේ ක්‍රියාත්මක වන ඉන්දියානු සමාගම් 112න් වෙනුවෙන් මෝල්ටා පාර්ශවය විසින් ඉන්දීය පාර්ශවය අගය කළේය.
ඉන්දීය විදේශ කටයුතු සහ සංස්කෘතික කටයුතු පිළිබඳ රාජ්‍ය අමාත්‍ය මීනක්ෂි ලෙකී මෝල්ටාවේ බස්කට් වුඩ්ලන්ඩ්ස් හි රුක් රෝපණය වැඩසටහනකට ද එක්විය. මෝල්ටාවේ විදේශ අමාත්‍යවරයාගේ ආරාධනයෙන් ඩිංග්ලි උත්සවයට සහ ප්‍රජා රැස්වීමකට සහභාගී විය. එමෙන්ම එහිදී ඉන්දියානු ඩයස්පෝරාවේ ජනතාව සමඟ ඇය සුහද පිළිසඳරක නිරතවිය
ඉන්දියා නිවුස් නෙට්වර්ක්ස්
