ඉන්දීය අගමැති නරේන්ද්‍ර මෝදි සහ යුරෝපීය කොමිසමේ සභාපති උර්සුලා වොන් ඩර් ලේන් සඳුදා ජර්මනියේ පැවති ජී-7 සමුළුවට සමගාමීව හමුවිය. මෙම හමුවේ දී ඉන්දියාව සහ යුරෝපා සංගමය අතර වෙළඳ, ආයෝජන සහ භූගෝලීය දර්ශකයක් ගිවිසුම් පිළිබඳ සාකච්ඡා නැවත ආරම්භ කිරීම පිළිබඳව ඔවුන් සතුට පළ කළහ.
මේ පිළිබඳව ට්විටර් පණිවිඩයක් නිකුත් කරමින් අග්‍රාමාත්‍ය මෝදි පැවසූයේ යුරෝපා කොමිසමේ සභාපති උර්සුලා වොන් ඩර් ලේන් සමග වැදගත් ද්විපාර්ශික සාකච්ඡාවක් පැවැත්වූ බවත් එහිදී යුරෝපා සංගමය හා ඉන්දියාව අතර ආයෝජන අවස්ථා පුළුල් කිරීම,දේශගුණික විපර්යාස වලට එරෙහිව සටන් කිරීම,ඩිජිටල් සහයෝගීතාවය නැංවීම ඇතුළු වැදගත් කරුණු ගණනාවක් සාකච්ඡා කළ බවයි.
ඉන්දීය විදේශ කටයුතු අමාත්‍යාංශයට අනුව නායකයින් ඩිජිටල් සහයෝගීතාව, දේශගුණික ක්‍රියාකාරකම් සහ තාක්‍ෂණය සහ නවෝත්පාදන ඇතුළු විවිධ අංශවල ඉන්දියානු-යුරෝපා සංගමයේ මැදිහත්වීම් සමාලෝචනය කළහ.
2022 අප්‍රේල් මාසයේ දී ඉන්දියාවේ පැවැත්වුණු රයිසිනා සංවාදය පිළිබදවත් එම අවස්ථාවට යුරෝපා කොමිසමේ සභාපති උර්සුලා වොන් ඩර් ලේන්ගේ දිල්ලි සංචාරය ඔහු සිහිපත් කළේය.එම සංචාරය බෙහෙවින් ඵලදායී බව ඉන්දීය අගමැතිවරයා පැවසීය.සමකාලීන ගෝලීය සහ කලාපීය වර්ධනයන් පිළිබඳව ද ඔවුන් දෙදෙනා අදහස් හුවමාරු කර ගත්හ.
තවද අගමැති මෝදි කැනේඩියානු අගමැති ජස්ටින් ටෘඩෝ ද හමුවිය. ප්‍රජාතන්ත්‍රවාදී රාජ්‍යයක් ලෙස නායකයන් දෙපළ ඉන්දියා-කැනඩා ද්විපාර්ශ්වික සබඳතා සමාලෝචනය කළහ. ඉන්දීය විදේශ කටයුතු අමාත්‍යංශය දක්වන අන්දමට වෙළඳ හා ආර්ථික සම්බන්ධතා, ආරක්ෂාව සහ ත්‍රස්තවාදයට එරෙහි සහයෝගීතාව මෙන්ම ජනතාව අතර සබඳතා තවදුරටත් ශක්තිමත් කිරීමට ඔවුන් එකඟ විය.
මෙම හමුවේදී අග්‍රාමාත්‍ය මෝදි සහ කැනේඩියානු අගමැති ටෘඩෝ අන්‍යෝන්‍ය වශයෙන් උනන්දුවක් දක්වන ගෝලීය සහ කලාපීය ගැටළු පිළිබඳව ද අදහස් හුවමාරු කර ගත්හ.
ඉන්දුනීසියානු ජනාධිපති ජෝකෝ විඩෝඩෝ ද හමු වූ අග්‍රාමාත්‍ය මෝදි ගෝලීය සහ කලාපීය ගැටළු පිළිබඳව සාකච්ඡා කළේය.ඉන්දීය අග්‍රාමාත්‍යවරයා විසින් ඉන්දුනීසියාවේ දැනට හොබවන ජී-20 සභාපති ධූරය සම්බන්ධයෙන් ජනාධිපති විඩෝඩෝට සුබ පැතීය.
