ජනාධිපතිවරණය නොවැම්බර් මස 16 වනදා පැවැත්වීමට හැකියාව පවතින බව මැතිවරණ කොමිසම අද(18) පැවසීය.
ඒ අනුව නොවැම්බර් 16 වනදා පැවැත්විය හැකි ජනාධිපතිවරණයට අදාළ නාමයෝජනා කැඳවීම ඔක්තෝබර් මස 07වනදා ආරම්භ කළ හැකි බවද ඔවුන් පවසයි.
එහෙත් ජනාධිපති මෛත්‍රීපාල සිරිසේන මහතා මෙතෙක් ජනාධිපතිවරණය සම්බන්ධයෙන් කිසිඳු තීරණයක් ගෙන නොමැති අතර ඔහුගේ මීලඟ පියවර කුමක්ද යන්න පිළිබඳව දැඩි අවධානයක් පවතී.
කෙසේ වෙතත් මීට අදාළ ගැසට් නිවේදනය මැතිවරණ කොමිසම විසින් අද (18) හෝ ඉදිරි දිනයකදී නිකුත් කිරීමේ හැකියාවක් පවතී.
