2019 ජනාධිපතිවරණයේ දී මහජනතාව ඡන්දය පාවිච්චිකරන ආකාරය පිළිබඳ විද්‍යාත්මක පුරෝකතනයක් ස්වාධීන ආයතනයක් වන ‘ජාතික ප්‍රතිපත්ති කේන්ද්‍රය’ විසින් නිකුත් කර තිබේ. එහි ප්‍රධාන මූලධර්මය ලෙස ගෙන ඇත්තේ 2015 ජනාධිපති මැතිවරණයේ දී හංසයා ජයග්‍රහණය කළ දිස්ත්‍රික්ක සහ එම පෙරමුණ පරාජයට පත් වූ දිස්ත්‍රික්යන් වලදී ප්‍රධාන අපේක්ෂකයන් දෙදෙනා වූ මෛත්‍රීපාල සිරිසේන සහ මහින්ද රාජපක්ෂ අපේක්ෂකයන් දෙදෙනා ලබා ගත් ඡන්ද සහ ප්‍රතිශතයන් සන්සන්දනය කිරීමයි. ඒ අනුව මෙවර ජනාධිපතිවරණයේ දී ඡන්ද හිමි නාම ලේඛනය ලෙස සලකණු ලබන 2018 නාමලේඛනයේ ඒ ඒ දිස්ත්‍රික්ක වලට අයත් ඡන්ද සංඛ්‍යාවන් සහ එම සංඛ්‍යාලේඛන වලට අනුකූලව 2019 ජනාධිපතිවරණයේ දී හංසයා ලකුණින් තරඟ කරන සජිත් ප්‍රේමදාස සහ පොහොට්ටුව ලකුණින් තරඟ කරන ගෝඨාභය රාජපක්ෂ යන අපේක්ෂකයන් දෙදෙනා විසින් ලබා ගනු ඇතැයි පුරෝකථනය කරන ඡන්ද ප්‍රමාණය සහ ප්‍රතිශතයන් පහත පරිදිය.
සජිත් ප්‍රේමදාස ලබා ගනු ඇතැයි සැලකෙන ඡන්ද සංඛ්‍යාව 65,26,414 කි. එය ප්‍රතිශතයක් ලෙස 49.29% කි.
ගෝඨාභය රාජපක්ෂ ලබා ගනු ඇතැයි සැලකෙන ඡන්ද සංඛ්‍යාව 61,72,241 යි. එය ප්‍රතිශතයක් ලෙස 46.62% කි.
අනෙකුත් සියළුම අපේක්ෂකයන් ලබා ගනු ඇතැයි සැලකෙන ඡන්ද සංඛ්‍යාව 5,40,624 කි. එය ප්‍රතිශතයක් ලෙස 4.08% කි.
මෙම පුරෝකථනයේ ඇති විශේෂත්වය නම් ප්‍රධාන අපේක්ෂකයන් දෙදෙනාම 50% යි එක් ඡන්දය ලබා නොගැනීමයි. මෙකී පුරෝකථන අනුව යම් අපේක්ෂකයෙන් පළමු වටයෙන් 50% ඉක්මවා ලබා ගැනීමට නම් ඡන්ද 66,19,641 කට වඩා එක් ඡන්දයක් හෝ ලබා ගත යුතුය.
සවිස්තරාත්මක දත්ත ලේඛනය මේ සමග ඇති සේයාරුවක දැක්වේ.
