ජනාධිපති මෛත්‍රීපාල සිරිසේනට එරෙහිව වසර කිහිපයක සිට ප්‍රසිද්ධ වේදිකාවේ සහ මාධ්‍ය හමු පවත්වමින් මඩ ගැසූ එක්සත් ජාතික පක්ෂයේ ප්‍රධාන බළල් අතක් වන කුප්‍රකට දඹර අමිල නොහොත් ‘ලිට්‍රෝ ගෑස් හිමි’ ලෙස මෑතදී ප්‍රසිද්ධියට පත් එහිමි ඊයේ(10) ශ්‍රේෂ්ඨාධිකරණය ඉදිරියේදී මාධ්‍යවේදීන් නැඟූ අද්විතීය ප්‍රශ්න කිරීම් හමුවේ නිවන් මඟ තබා යන මඟවත් හරිහැටි සොයා ගැනීමට නොහැකිව අන්ත අසරණ තත්වයට පත්වූහ.
ලිට්‍රෝ ගෑස් ප‍්‍රවර්ධනය සදහා සමාගමෙන් මාසිකව 95,000 බැගින් දීමනා ලබා ගෙන ඇති දබර අමිල හිමියන්ගෙන් මාධ්‍යවේදීන් ඒ ගැන විමසීමේදී එහිමියන් දැඩි අපහසුතාවට පත් ව තොල කට වේලීගොස් අන්ත අසරණ තත්වයට පත්වූ අයුරු මෙම වීඩියෝව නැරඹීමෙන් ඔබට මනාව වැටහෙනු ඇත.
එක්සත් ජාතික පක්ෂ නායක රනිල් වික‍්‍රමසිංහ අගමැති ධුරයෙන් ඉවත් කිරීමට විරුද්ධව එහිමියන් විසින් ශ්‍රේෂ්ඨාධිකරණය හමුවේ ගොනු කර ඇති පෙත්සම සලකා බැලීමට උපරිමාධිකරණයට පැමිණි අවස්ථාවේදී මෙම අවාසනාවන්ත ඉරණමට මුහුණ දීමට එහිමියන් සිදුවී ඇත.
මහජන මුදල් අවභාවිතා කරන මෙවැනි දූෂකයින්ගෙන් මුහුණට මුහුණ ප්‍රශ්න කරන මෙවැනි අතිවිශිෂ්ඨ මාධ්‍යවේදීන් ඇඟයීම සහ ඔවුන් දිරිගැන්වීමට කටයුතු කිරීම මාධ්‍ය ආයතනවල මෙන්ම මාධ්‍ය සංවිධානවල වගකීමක් මෙන්ම යුගයේ අවශ්‍යතාවයක් බවද මෙහිලා සඳහන් කළ යුතුය.
