එංගලන්තයට එරෙහි සටනට ධනංජයට කැඳවීම්
- Editor
- January 21, 2026
- ක්රීඩා, පුවත් සහ වාර්තා
- Sports
- 0 Comments
එංගලන්තයට එරෙහිව හෙට (ජනවාරි 22 වැනිදා) ආරම්භ වීමට තරග 3 කින් සමන්විත එක්දින ක්රිකට් තරගාවලිය සඳහා නම් කරන ලද ශ්රී ලංකා කණ්ඩායමට ටෙස්ට් කණ්ඩායමේ නායක ධනංජය ද සිල්වාව එක් කිරීමට ප්රමෝද්ය වික්රමසිංහ මහතාගේ ප්රධානත්වයෙන් යුතු ශ්රී ලංකා ක්රිකට් තේරීම් කමිටුව පියවර ගෙන තිබේ. ධනංජය ට අමතරව තුන් ඉරියව් ක්රීඩකයින් වන දඟ පන්දු යවන දුනිත් වෙල්ලාලගේ සහ වේග පන්දු යවන මිලාන් රත්නාය ද එක්දින කණ්ඩායම සඳහා වන සංචිතයට එක් කර තිබේ.
මොවුන් දෙදෙනාම අවසන් වතාවට ශ්රී ලංකා කණ්ඩායම පාකිස්තානයේ කරන ලද තරග සංචාරය සදහා ඇතුළත්නොවුණු ක්රීඩකයෝ වෙති. ඒ අතර නම් කරන ලද 17 දෙනෙකුගෙන් සමන්විත කණ්ඩායමට අවසන් වතාවට පාකිස්තානු තරග සංචාරයට සහභාගිවූ කණ්ඩායමෙන් ඉවත් කොට ඇති ක්රීඩකයින් දෙදෙනා වන්නේ ළහිරු උදාර සහ වේග පන්දු යවන දුෂ්මන්ත චමීර වේ.
ඒ අනුව ධනංජය ද සිල්වා ශ්රී ලංකා එක්දින කණ්ඩායමට පිවිසෙන්නේ වසර 2 කට අධික කාලයකින් පසුව වීම විශේෂත්වයක් වේ. ඔහු අවසන් වතාවට ශ්රී ලංකාව වෙනුවෙන් එක්දින තරගයකට ක්රීඩා කර ඇත්තේ 2023 වසරේ නොවැම්බර් මසදී නවසීලන්තයට එරෙහිව බෙංගලාරුහිදී පැවැති තරගයේදී වේ.
මේ අතර ශ්රී ලංකා පිලේ සිටින වේගවත්ම පන්දු යවන්නන් තිදෙනා වන දුෂ්මන්ත චමීර, මතීෂ පතිරණ සහ ඩිල්ෂාන් මදුශංකද නම් කරන ලද සංචිතයට ඇතුළත්ව නොමැති. මේ අතරින් දුෂ්මන්ත චමීරව එළැඹෙන ලෝක කුසලාන තරගාවලිය ඉලක්ක කර ගනිමින් විවේක ගැන්වීමට තීරණය වී තිබේ.
මෙම තත්ත්වය මත වේග පන්දු යැවීමේ වගකීම අසිත පනාන්දු ප්රම්ක ප්ර මෝද් මදුසාන් සහ එෂාන් මාලිංග වෙත පැවැරී තිබේ. ඒ අතරට වේග පන්දු යවන තුන් ඉරියව් ක්රීඩක මිලාන් රත්නායකද ඇතුළත්ව සිටිති. මිලාන් අවසන් වතාවට එක්දින තරගයකට ක්රීඩා කර ඇත්තේ ඉකුත් 2025 වසරේ බංග්ලාදේශයට එරෙහිව ජූලි මසදී පැවැති තරගාවලියේදී වේ.
නම් කරන ලද ශ්රී ලංකා කණ්ඩායම – ශ්රී ලංකා කණ්ඩායම – චරිත් අසලංක (නායක), පැතුම් නිස්සංක, කමිල් මිශාර, කුසල් මෙන්ඩිස්, සදීර සමරවික්රම, පවන් රත්නායක, ධනංජය ද සිල්වා, ජනිත් ලියනගේ, කමිඳු මෙන්ඩිස්, දුනිත් වෙල්ලාලගේ, වනිඳු හසරංග, ජෙෆ්රි වැන්ඩර්සි, මහීෂ් තීක්ෂණ, මිලාන් රත්නායක, අසිත ප්රනාන්දු, ප්රමෝද් මදුෂාන්, එෂාන් මාලිංග.
