සුපිරි බොලිවුඩ් තරුව කර්තික් ආර්යන් ‘කොන්ඩම් දැන්වීම්‘ තෝරා ගත්තේ ඇයි ?

“මම පැන් මසාලා වෙනුවට වැඩිහිටි දැන්වීමක් තෝරා ගත්තා” – කාර්තික් ආර්යන් කියයි

ආකර්ශනීය දීමනා ලැබුණත් තමන් pan masala නිෂ්පාදන අනුමත නොකරන බව Kartik Aaryan ප්‍රසිද්ධියේ ප්‍රකාශ කර ඇත.

සුපිරි බොලිවුඩ් නළු  Kartik Aaryan පසුගිය දින කිහිපය තුළ ඔහුගේ සම නළුවන් වන විද්‍යා බාලන් සහ Tripti Dimri සමඟින් ඔහුගේ ‘Bhool Bhulaiyaa 3’ චිත්‍රපටය ප්‍රවර්ධනය කරමින් සිටියේ ය. මෑතකදී, ප්‍රවර්ධන වැඩසටහනක් අතරතුර, විද්‍යා බාලන් කාර්තික් සෙල්ලක්කාර ලෙස විහිළුවට ලක් කළේ ඔහු Pan Masala සඳහා වෙළඳ දැන්වීම්වල සිට කොන්ඩම් අනුමත කිරීමට මාරු වූ බවයි.

විද්‍යාගේ මේ කමෙන්ට් එකට කාර්තික්ට හිනා නොවී ඉන්න බැරි වුණා.

විද්‍යා බාලන් මොකද කිව්වේ ?

පසුගියදා කාර්තික් ආර්යන්, විද්‍යා බාලන් සමඟින් සිය ‘Bhool Bhulaiyaa 3’ චිත්‍රපටයේ ප්‍රවර්ධනය සඳහා සිද්ධාර්ත් කන්නන් සමඟ සම්මුඛ සාකච්ඡාවකට සහභාගී වුණා. සම්මුඛ සාකච්ඡාව අතරතුර, Kartik විසින් Pan Masala සඳහා වෙළඳ දැන්වීමක් ප්‍රතික්ෂේප කිරීමට ගත් තීරණය ගැන විමසූ විට, ඔහු පිළිතුරු දුන්නේ, “ඔව්, මම Pan Masala වෙළඳ දැන්වීම ප්‍රතික්ෂේප කළා. ඔවුන්ට අවශ්‍ය වුණේ මට කැමති නැති වැඩ වර්ග කිහිපයක් කරන්න. මම ඒ යෝජනාව ප්‍රතික්ෂේප කළේ ඒ නිසයි.”

සම්මුඛ සාකච්ඡාව අතරතුර පැමිණ සිටි සුපිරි බොලිවුඩ් නිළි විද්‍යා බාලන් කාර්තික්ට සෙල්ලක්කාර ලෙස උසුළු විසුළු කළාය. “ඔහු පැන් මසාලා වෙනුවට කොන්ඩම් වෙළඳ දැන්වීමක් තෝරා ගත්තේ ඔහු පැන් මසාලට වඩා ආරක්ෂාවට කැමති නිසා” ඇය ඇනුම්පද ස්වරයෙන් කීවාය.

විද්‍යාගේ උපහාසය මුසු ඇනුම්පදයට හිනාව නවත්තගන්න බැරිව කාර්තික් උත්තර දුන්නේය, “ඔව්, එයා හරි. පැන් මසාලාට වඩා ආරක්ෂාව ගැන කියන කොට, මම ආරක්ෂාව තෝරගත්තේ ඒක වැදගත් නිසා.”

කාර්තික් අවසන් වරට කොන්ඩම් වෙළඳ දැන්වීමක පෙනී සිටියේය

කාර්තික් ආර්යන් අවසන් වරට කොන්ඩම් වෙළඳ දැන්වීමක දක්නට ලැබුණු අතර එය වෛරස් වී ඇති අතර සමාජ මාධ්‍යවල පුළුල් ලෙස බෙදා ගෙන ඇත. ඔහු මෙම දැන්වීම තෝරා ගත්තේ Pan Masala දීමනාව ප්‍රතික්ෂේප කරමිනි.

ඔහුගේ “Bhool Bhulaiyaa 3” චිත්‍රපටය මේ වන විට ප්‍රදර්ශනය අරඹා ඇත. මේ චිත්‍රපටිය ප්‍රේක්ෂක හදවත් දිනාගෙන කොයිතරම් සාර්ථක ද කියන එකත් රසවත්ය. මෙම චිත්‍රපටයේ පෙර කොටස් දෙක සුපිරි චිත්‍රපට වූ අතර, කාර්තික් “Bhool Bhulaiyaa 2” හි ආකර්ෂණීය ප්‍රවේශයක් ලබා දුන් අතර එය ද සාර්ථක විය. දැන් තුන්වන කොටසත් නිකුත් වෙලා තියෙනවා. ඔබත් එය නැරඹීමට කැමති ද ?

බොලිවුඩ් වාර්තා ඇසුරිනි – සකස් කළේ – තුෂාධවි