ඉන්දීය අගමැති නරේන්ද්‍ර මෝදි සිකුරාදා නිවේදනය කළේ ඉන්දියාව පුරා ග්‍රාමීය නිවාස කෝටි දහයකට දැන් පිරිසිදු නල ජලය සඳහා ප්‍රවේශය ඇති බවයි.
මෙම සම්බන්ධතා වලින් කෝටි හතක් සඳහා පිරිසිදු නල ජලය වසර තුනක් තුළ ලබා දී ඇති බව ඔහු පැවසීය. ජල ජීවන් මෙහෙයුමේ කොටසක් ලෙස ගෝවා හි පනාජි හි සංවිධානය කරන ලද “හර් ගර් ජල් උත්සව” වෙත වීඩියෝ පණිවිඩයක් නිකුත් කරමින් ඔහු මේ බව පැවසීය.
සෑම නිවසකටම නල ජලය සම්බන්ධ කිරීමේ ප්‍රථම ප්‍රාන්තය ලෙස ගෝවා පත් ඇත.මෙම අවස්ථාවට ගෝවා මහ ඇමති ප්‍රමෝද් සාවන්ත් සහ ඉන්දීය ජල ශක්ති අමාත්‍ය ගජේන්ද්‍ර සිං ෂෙකාවත් සහභාගී විය.
ඉන්දියාව අත්කරගෙන තිබෙන සුවිශේෂී සන්ධිස්ථාන තුනක් පිළිබඳව අග්‍රාමාත්‍යවරයා සිය සතුට පළ කළේය.
පළමුව, රට පුරා ග්‍රාමීය කුටුම්භ කෝටි 10කට දැන් පිරිසිදු නල ජලය සඳහා ප්‍රවේශය ඇත. දෙවනුව, හර් ඝර් ජල් සහතිකය ලබා ගත් පළමු ප්‍රාන්තය බවට ගෝවා පත් විය.ඩද්‍රා නගර් හවේලි, දමන් සහ ඩියු එම ජයග්‍රහණය කළ පළමු යූනියන් ප්‍රදේශ බවට පත් විය. තෙවනුව, රට පුරා ගම්මාන ලක්ෂයක් ODF ප්ලස් තත්ත්වය ලබා ඇත.
සංවර්ධිත ඉන්දියාව යෝජනාව සාක්ෂාත් කර ගැනීමට ජල හිඟය සැලකිය යුතු බාධාවක් විය හැකි බව ඔහු ප්‍රකාශ කළේය. ඔහු මේ බව පැවසුවේ ගෝලීය ජල ආරක්ෂණ අභියෝගය ඉස්මතු කිරීම සඳහා, ජල හිඟය පිළිබඳ කරුණු දක්වමින්ය.දිගු කාලීන උපාය මාර්ගයකට ප්‍රමුඛත්වය දීමේ අවශ්‍යතාවය ද ඔහු අවධාරණය කළේය.
ජල සුරක්ෂිතතාව සුරක්ෂිත කිරීම සඳහා රජය ගෙන යන බහුවිධ උපායමාර්ගය “අටල් භූජල් යෝජනා ක්‍රමය පිළිබඳව ඉන්දීය අග්‍රාමාත්‍යවරයා සඳහන් කළේය.සෑම දිස්ත්‍රික්කයකම අම්රිත් සරෝවර් 75ක් පිහිටුවීම, ගංගා සම්බන්ධ කිරීම සහ “ජල් ජීවන් මෙහෙයුම” වැනි වැඩසටහන් ගැන ද විස්තර කළේය.
ඉන්දියාවේ රැම්සා තෙත්බිම් 75 ක් ඇති අතර, ඉන් 50 ක් පසුගිය වසර අට තුළ එකතු කර ඇති බව ඔහු පැවසීය.
නිදහසින් පසු දශක හතක කාලය තුළ ග්‍රාමීය පවුල් හත් කෝටියකට නල ජලය ලබා දීමේ ජයග්‍රහණය අග්‍රාමාත්‍යවරයා ප්‍රකාශ කළේය.”ජල් ජීවන් අභියාන්” යනු හුදෙක් රජයේ මුලපිරීමක් වෙනුවට “ප්‍රජාව විසින්, ප්‍රජාව වෙනුවෙන්” පරිපාලනය කරන වැඩසටහනක් මෙන්ම මානව කේන්ද්‍රීය වර්ධනයේම ප්‍රකාශනයක් බව ඔහු පැවසීය.
ඉන්දියා නිවුස් නෙට්වර්ක්ස්
