රට වැසියන්ගේ අතමිට සරු රටක්, විනය ගරුක රටක්, සුරක්ෂිත සංවර්ධිත දේශයක් හදන බවට වැල් බයිලා ගසමින් බලයට පැමිණි ජනාධිපති ගෝඨාභය රාජපක්ෂ මේ වන විට සිදුකරමින් සිටින්නේ තමාට එරෙහිව එදා දේශපාලන වේදිකාවේ සටන් කළ දේශපාලඥයින් සහ මාධ්‍යවේදීන් දඩයම් කිරීම බව මේ වන විට ගෝඨාට ඡන්දය දුන් සහ නොදුන් ජනතාවට ඔහුගේ ක්‍රියාකලාපය තුලින්ම ඔහු ඇස් පනා පිට ඔප්පු කරමින් සිටින බවක් පෙනීයයි. අද(04) එහි වාර්තාවන අලුත්ම ගොඳුර එක්සත් ජාතික පක්ෂ පාර්ලිමේන්තු මන්ත්රී රන්ජන් රාමනායකය.
මේ සම්බන්ධයෙන් වන තොරතුරුවල සදහන් වන්නේ මාදිවෙල පිහිටි මන්ත්රී නිල නිවස පොලීසිය විසින් සෝදිසි කළ අවස්ථාවේ එහි තිබූ බලපත්‍ර නොමැති නයින් එම්ගඑම්ග වර්ගයේ පිස්තෝලයක්, එම උණ්ඩ 118ක් සහ රජයට අපහාස කිරීමේ ප්‍රකාශ ඇතුළත් CD හා DVD තැටි කීපයක් හමුවී ඇති බවයි.
මෙම පිස්තෝලය රංජන් රාමනායක මහතා වෙත රජයෙන් නිකුත් කර තිබූ එකක් වුවද 2016 වර්ෂයේදී එහි බලපත්‍ර අහෝසි වී ඇතැයි පොලීසිය සදහන් කළා.
බලපත්‍රයක් නොමැතිව එම ගිනිඅවිය හා උණ්ඩ ළඟ තබාගැනීම සම්බන්ධයෙන් ඒවා පොලිස් අත්අඩංගුවට ගත් බවත් පොලිසිය සදහන් කරනවා.
සැකපිට අත්අඩංගුවට ගත් රන්ජන් රාමනායක මහතා කොළඹ දකුණ අපරාධ කොට්ඨාශයට රැුගෙන ගොස් ඇති බවත් ඔහු හෙට නුගේගොඩ මහේස්ත්‍රාත් අධිකරණයට ඉදිරිපත් කරන බවත් පොලිස් ආරංචි මාර්ග සදහන් කරනවා.
මේ අතර නුගේගොඩ මහේස්ත්‍රාත් අධිකරණයෙන් ලබාගත් සෝදිසි වරෙන්තුවකට අනුව අද පෙරවරුවේදී රන්ජන් රාමනායක මන්ත්‍රීවරය‍ාගේ මන්ත්රී නිල නිවස පරීක්ෂා කළ බව පොලිසිය කියනවා. රජය අපහසුතාවයට පත්වන අන්දමේ ප්‍රකාශ, දුරකතන සංවාද හා ඡායාරූප ඇතුළත් දෘඩ තැටියක් හමුවීමේ සිද්ධියක් සම්බන්ධයෙන් මෙම සෝදිසි කිරීම් කරන ලද බවයි පොලිසිය සදහන් කළේ.
මීට පෙර 2016 දී සිදු වූ රිය අනතුරක් සම්බන්ධයෙන් හිටපු අමාත්‍ය චම්පික රණවක මහතා ද ‘සුදුවෑන්’ සිද්ධිය සම්බන්ධයෙන් හිටපු අමාත්‍ය රාජිත සේනාරත්න මහතා ද අත්අඩංගුවට ගත්තා.
