පන්දුවාර විස්සයි-20 තරග 2 කට සහ එක්දින තරග 3 කට සහභාගිවීම සඳහා නවසීලන්ත ක්‍රිකට් කණ්ඩායම ලබන නොවැම්බර් මස 06 වැනිදා ශ්‍රී ලංකාවට පැමිණීමට නියමිිතය. සමස්ථ තරග 5 කින් සමන්විත මෙම තරගාවලියේ සියලුම තරග රංගිරි දඹුලු සහ පල්ලේකැලේ ජාත්‍යන්තර ක්‍රීඩාංගණයන්හිදී පැවැත්වේ.
නොවැම්බර් 09 වැනිදා පැවැත්වෙන පන්දුවාර විස්සයි-20 තරගයෙන් ආරම්භ වන දෙරට අතර තරගාවලිය පළමු එක්දින තරගය පැවැත්වෙන නොවැම්බර් 13 වැනිදා දක්වා වන තරග 3 රංගිරි දඹුලු ජාත්‍යන්තර ක්‍රීඩාංගණයේදීත් අනෙක් තරග දෙක පල්ලේකැලේ ජාත්‍යන්තර ක්‍රීඩාංගණයේදීත් පැවැත්වෙනු ඇත.
නොවැම්බර් මස 20 වැනිදා නවසීලන්ත කණ්ඩායම තරගාවලිය අහවර කොට සිය රට බලා යෑමට නියමිතය.
| දිනය | තරගය | ක්‍රීඩාංගණය |
| නොවැම්බර් 09 | පළමු විස්සයි-20 තරගය | රංගිරි දඹුල්ල |
| නොවැම්බර් 10 | දෙවැනි විස්සයි-20 තරගය | රංගිරි දඹුල්ල |
| නොවැම්බර් 13 | පළමු එක්දින තරගය | රංගිරි දඹුල්ල |
| නොවැම්බර් 17 | දෙවැනි එක්දින තරගය | පල්ලේකැලේ |
| නොවැම්බර් 19 | තෙවැනි එක්දින තරගය | පල්ලේකැලේ |
