ශ්‍රී ලංකාවට එරෙහිව ටෙස්ට් තරගාවලියකට සහභාගිවීම සඳහා ඔස්ට්‍රේලියානු ක්‍රිකට් කණ්ඩායම 2025 වසරේ ජනවාරි මස ශ්‍රී ලංකාවට පැමිණෙනු ඇත. තරග 2 කින් සමන්විත මෙම ටෙස්ට් තරගාවලිය ගාල්ල ජාත්‍යන්තර ක්‍රීඩාංගණයේදී පැවැත්වෙනු ඇත.
අන්තර්ජාතික ක්‍රිකට් සභාව විසින් මෙහෙයවනු ලබන අයි.සී.සී. ලෝක ටෙස්ට් ශූරතාවලිය යටතේ පැවැත්වෙන මෙම තරග 2 කින් සමන්විත ටෙස්ට් තරගාවලියට අමතරව ඔස්ට්‍රේලියානු කණ්ඩායම එක් දිවා/රාත්‍රී එක්දින තරගයකටද සහභාගිවීමට නියමිතය. පෙබරවාරි මස 13 වැනිදා පැවැත්වීමට නියමිත එම තරගය පැවැත්වෙන ක්‍රීඩාංගණය පිළිබඳව මෙතෙක් අවසන් තීරණයක් ගෙන නොමැත.
මෙම තරගාවලියට සහභාගාවීම සඳහා ඔස්ට්‍රේලියානු ක්‍රිකට් කණ්ඩායම ජනවාරි මස 20 වැනිදා ශ්‍රී ලංකාවට පැමිණෙනු ඇත.
| දිනය | තරගය | ක්‍රීඩාංගණය |
| ජනවාරි 29 – පෙබරවාරි 02 | පළමු ටෙස්ට් තරගය | ගාල්ල |
| පෙබරවාරි 06-10 | දෙවැනි ටෙස්ට් තරගය | ගාල්ල |
| ජනවාරි 13 | එක්දින ජාත්‍යන්තර තරගය | ක්‍රීඩාංගණය තීරණය කොට නොමැත |
