අඛණ්ඩ දීප ව්යාප්ත වෘත්තීය ක්රියාමාර්ගයකට එළැඹීමට GMOA සූදානම් වෙයි
- Editor
- January 14, 2026
- Uncategorized
- news
- 0 Comments
නිදහස් සෞඛ්ය සේවාවේ සහ වෛද්යවරුන්ගේ ගැටලු විසඳීමට සෞඛ්ය අමාත්යවරයා ලබා දුන් එකඟතා ක්රියාත්මක කිරීමට අපොහොසත් වන්නේ නම් අඛණ්ඩව දීපව්යාප්ත වෘත්තීය ක්රියාමාර්ගයකට එළැඹෙන බව රජයේ වෛද්ය නිලධාරීන්ගේ සංගමය පවසයි.
ඊයේ (13) දින පැවැති රජයේ වෛද්ය නිලධාරීන්ගේ සංගමයේ විධායක සභා රැස්වීමේ දී දීර්ඝ ලෙස පවතින ප්රවණතාවයන් සම්බන්ධයෙන් සාකච්ඡාවට ලක්වූ බවත් එකඟතා ක්රියාත්මක කරමින් ගැටලු විසඳීම සඳහා ඉදිරි දින 10ක කාලයක් සෞඛ්ය අමාත්යවරයාට සහ සෞඛ්ය අමාත්යාංශයට ලබා දීමට තීරණය කළ බවත් රජයේ වෛද්ය නිලධාරීන්ගේ සංගමය වැඩි දුරටත් පැවසුවේය.
ඒ අනුව එම කාල රාමුව තුළදී ගැටලු විසඳීමට අමාත්යාංශය අපොහොසත් වන්නේ නම් එළැඹෙන 23 වැනි දින සිට දීපව්යාප්ත අඛණ්ඩ වෘත්තිය ක්රියාමාර්ගයක් ආරම්භ කිරීමට විධායක කමිටුව ඒකමතිකව තීරණය කළ බවත් එම සංගමය වැඩිදුරටත් සඳහන් කළේය.
පසුගිය නොවැම්බර් මාසයේදී ජනාධිපතිවරයා විසින් ඉදිරිපත් කරන ලද 2026 වර්ෂය සඳහා වන අයවැය යෝජනාවලිය තුළ මෙරට සෞඛ්ය සේවයේ සහ වෛද්යවරුන්ගේ සැබෑ ගැටලුු හඳුනාගනිමින් ඒවාට විසඳුම් ලබා දීම සඳහා අවශ්ය කෙටි කාලීන සහ දීර්ඝ කාලීන ප්රතිපත්ති හෝ ක්රියාමාර්ග කිසිවක් අන්තර්ගත නොවීම තුළ සෞඛ්ය පද්ධතිය සහ සෞඛ්ය සේවකයින් තුළ බරපතළ නොසන්සුන්තාවයක් හටගත් බව ද රජයේ වෛද්ය නිලධාරීන්ගේ සංගමය පවසයි.
