බොදු බල සේනා සංවිධානයේ මහලේකම් පූජ්‍ය ගලබොඩඅත්තේ ඥානසාර හිමි රුපියල් 50,000කය මුදල් ඇපයක් සහ රුපියල් ලක්ෂ පහක ශරීර ඇප දෙකක් මත නිදහස් කිරීමට අභියාචනාධිකරණය අද (18) නියෝග කළේය.
මුස්ලිම් ප්‍රජාවගේ ආගමික විශ්වාසයන්ට අපහාස කරමින් ද්වේෂ සහගත ප්‍රකාශයක් සිදුකිරීම සම්බන්ධයෙන් පසුගිය මාර්තු 28 වැනිදා ඥානසාර හිමියන්ට කොළඹ මහාධිකරණය වසර 4ක බරපතල වැඩ සහිත සිරදඬුවම් නියම කළේය.
කොළඹ මහාධිකරණය මීට පෙර ඥානසාර හිමියන් වෙනුවෙන් ඉදිරිපත් කළ ඇප ඉල්ලීම ප්‍රතික්ෂේප කර තිබුණි. ඒ ඥානසාර හිමියන් ඇප මත මුදා හැරීමට අධිකරණය හමුවේ කිසිදු සුවිශේෂී තත්ත්වයක් අනාවරණය වී නොමැති බව පවසමින්ය.
