ඉන්දියාවේ ඉහළම ව්‍යවස්ථාපිත ධූරයට තමා ඔසවා තැබීමට හේතු වූයේ ජවසම්පන්න ප්‍රජාතන්ත්‍රවාදී ආයතනවල බලය නිසා බව ඉන්දීය ජනාධිපති ධුරය නිමවා නික්ම යන ජනාධිපති රාම් නාත් කෝවින්ද් පැවසීය.
ඉන්දියාවේ පළමු ගෝත්‍රික ජනාධිපතිවරයා ලෙස ද්‍රෞපදී මුර්මු සඳුදා දිවුරුම් දුන්නාය.ඇය ජනාධිපතිවරණයෙන් පහසු ජයග්‍රහණයක් වාර්තා කළාය
සිය සමුගැනීමේ දේශනයේදී නික්ම යන ජනාධිපති කෝවින්ද් ප්‍රකාශ කළේ වසර පහකට පෙර, ජනතාව තමා කෙරෙහි ඉමහත් විශ්වාසයක් තැබූ බවත්, ජනතාව තෝරා පත් කරන ලද නියෝජිතයන් විසින් ඉන්දියාවේ ජනාධිපතිවරයා ලෙස තමා තෝරා පත් කරගන්නා ලද බවත් ය.
සමාජයේ විවිධ තරාතිරම්වල පුද්ගලයින් සමඟ ඔහු කරන ලද අන්තර් ක්‍රියා තමාට ආශ්වාදයක් සහ ශක්තියක් ලබා දුන් බවත් ඔහු පැවසීය. එමෙන්ම තමාට සිය ධූර කාලය තුළදී සියලු දෙනාගේ පූර්ණ සහයෝගය සහ ආශිර්වාදය තමාට ලැබුණු බවත් ඔහු පැවසීය.
ත්‍රිවිධ හමුදාවේ, පැරාමිලිටරියේ සහ පොලිසියේ අභීත සාමාජිකයින් හමුවීමට තමාට අවස්ථාව ලැබෙන කාලය අගය කරන බව ජනාධිපතිතුමා පැවසීය. ඔහුගේ විදේශ සංචාර සම්බන්ධයෙන් ඔහු පැවසුවේ ඉන්දියානු ඩයස්පෝරාව ඉන්දියාව කෙරෙහි දක්වන ආදරය හා ගෞරවය තමා සංවේගජනක කළ බවයි.
සියලු ළමා කාලය පිළිබඳ අත්දැකීම් සහ මතකයන් ආවර්ජනය කරමින් ඔහු පැවසූයේ තමා කුඩා ගමක ළමා කාලය ගතකළ බවයි.තමාගේ කුඩා කාලය ඉන්දීය ජාතික සටනේ ජයග්‍රහණ පිළිබඳ නැවුම් ආශ්වාදයෙන් පිරි සමයක් වූ බව හෙතෙම පැවසීය. ජාතිය ගොඩනැගීමේ ව්‍යායාමයට අර්ථවත් ලෙස සහභාගි වීමට තමාට සිහිනයක් තිබූ බව ඔහු පැවසීය. එනමුත් ජනරජයේ උත්තරීතර ව්‍යවස්ථාපිත තනතුර හෙබවීමට මඩ ගෙදරක උපන් තරුණ පිරිමි දරුවකු ලෙස තමනට කිසිදු අදහසක් නොතිබූ බවද ඔහු වැඩිදුරටත් පැවසීය.
අද පරවුන්ක් ගම්මානයේ රාම් නාත් කෝවින්ද් ඔබ අමතන්නේ නම්, එය තනිකරම. අපගේ ජවසම්පන්න ප්‍රජාතන්ත්‍රවාදී ආයතනවල නෛසර්ගික බලයට ස්තුතිවන්ත විය යුතුය යැයි කෝවින්ද් පැවසීය.
කෝවින්ද් සිය කතාවේදී දේශගුණික විපර්යාස පිළිබඳ මාතෘකාව ආවරණය කළේය. අපේ දරුවන් වෙනුවෙන් අපේ භූමිය, වාතය, ජලය ඇතුළු පරිසරය ආරක්ෂා කර ගත යුතු බව ඔහු පැවසීය.එමෙන්ම සොබා දහම මාතාව දැඩි වේදනාවකින් පසුවන බවත් දේශගුණික අර්බුදය ලෝකයේ අනාගතයට තර්ජනයක් විය හැකි බවත් ඔහු ප්‍රකාශ කළේය.
ඉන්දියාවේ නිර්මාතෘවරුන් සහ පූර්වගාමීන් යුක්තිය, නිදහස, සමානාත්මතාවය සහ සහෝදරත්වයේ වටිනාකම් ඔවුන්ගේ නොපසුබට උත්සාහය සහ සේවා ආකල්ප තුළින් පෙන්නුම් කළ බව කෝවින්ද් අවධාරණය කළේය. ඔවුන්ගේ අඩිපාරේම ජාතිය ඉදිරියට යා යුතු බව ඔහු සඳහන් කළේය.තමාගේ වසර පහක පාලන කාලය තුළ තම රාජකාරිය හැකිතාක් කාර්යක්ෂමව ඉටු කළ බව ද ජනාධිපතිවරයා ප්‍රකාශ කළේය.
ඉන්දියා නිවුස් නෙට්වර්ක්ස්
