එක්සත් ජාතීන්ගේ මහලේකම් ඇන්ටෝනියෝ ගුටරෙස් පැවසූයේ දේශගුණික කඩාකප්පල් කිරීම් සීමා කිරීම සහ බලශක්ති සුරක්ෂිතභාවය ඉහළ නැංවීම සඳහා පුනර්ජනනීය බලශක්තිය පිළිතුරක් බවයි. ඔහු මේ බව පැවසූයේ ඉන්දියාවේ පූර්ණ සූර්ය බලයෙන් ක්‍රියාත්මක වන ගම්මානය බවට පත්ව ඇති ගුජරාට් හි මෝදේරා හි සංචාරයකදීය.
සිය සංචාරයේ වීඩියෝවක් සමග ට්වීට්ර් පනිවුඩයක් නිකුත් කරමින් එක්සත් ජාතීන්ගේ මහලේකම්වරයා පැවසූයේ දේශගුණික කඩාකප්පල් කිරීම් සීමා කිරීමට සහ බලශක්ති ආරක්ෂාව ඉහළ නැංවීමට පිළිතුර පුනර්ජනනීය බලශක්තිය බවයි. එමෙන්ම 24 පැය පුරා සූර්ය බලශක්තිය ලබා ගත් ඉන්දියාවේ පළමු ගම්මානයේ ප්‍රජාව හමුවීමට ලැබීම ගැන සිය ප්‍රසාදය දක්වා තිබිණ.
24×7 සූර්ය බල සැපයුම මෝදරේ පුරාණ සූර්ය කෝවිල ද ආලෝකමත් කරයි.
එක්සත් ජාතීන්ගේ මහලේකම් ගුටරෙස් ගූජරාටයේ සූර්ය දේවමාළිගාවේ රැස්වීමක් අමතමින් ප්‍රකාශ කළේ වසර 1000 කට පෙර සූර්ය මාලිගාව ඉදිකරන ලද බවයි. එහි අද නව සූර්ය කෝවිලක් ඇත. එය සූර්ය ශක්තිය මත පදනම් වන ආලෝකමත් වේ යන්න යි.
සූර්ය බලශක්තිය මිනිසුන්ගේ ජීවිත පරිවර්තනය කරමින් එය වඩාත් සෞඛ්‍ය සම්පන්න කර ඔවුන්ට වැඩි සෞභාග්‍යයක් ලබා දේ යැයි එක්සත් ජාතීන්ගේ මහලේකම්වරයා පැවසීය. තවමත් පාලනයකින් තොරව ගමන් කරන දේශගුණික විපර්යාසයකින්” පෘථිවිය මුදා ගැනීමට දායක වූ බව ඔහු පෙන්වා දුන්නේය.
අග්‍රාමාත්‍ය නරේන්ද්‍ර මෝදි විසින් කෙවාඩියා හි එකමුතු ප්‍රතිමාව අසලදී තිරසාර ජීවන රටා පරිවර්තනය ප්‍රවර්ධනය කිරීමේ ලෝක ව්‍යාප්ත මහජන ව්‍යාපාරයක් වන මිෂන් ලයිෆ් දියත් කළ දිනක මෙම සංචාරය සිදු විය.
ඉන්දීය අග්‍රාමාත්‍ය මෝදි සමඟ පැවති සාකච්ඡාවේදී එක්සත් ජාතීන්ගේ මහලේකම්වරයා ඉන්දියාවේ අභිලාෂකාමී දේශගුණ ක්‍රියාකාරී සැලසුම් පිළිබඳ සිය ප්‍රසාදය පළ කළේය.
ඉන්දීය අග්‍රාමාත්‍යවරයා සහ එක්සත් ජාතීන්ගේ මහලේකම්වරයා යුක්රේනයේ පවතින තත්ත්වය ඇතුළු ගෝලීය සහ කලාපීය ගැටළු පිළිබඳව ද සාකච්ඡා කළ බව ඉන්දීය විදේශ කටයුතු අමාත්‍යාංශය පැවසීය.
සංවර්ධනය වෙමින් පවතින රටවල ප්‍රයෝජනය සඳහා තාක්‍ෂණ සහ මූල්‍ය හුවමාරුවට පහසුකම් සැලසීම සඳහා එක්සත් ජාතීන්ගේ පද්ධතිය ඉන්දියාව සමඟ එක්ව කටයුතු කරන බව එක්සත් ජාතීන්ගේ මහලේකම්වරයා අවධාරනය කළේය.ඔහු විසින් ඉන්දියාවේ එළඹෙන ජී-20 සභාපතිත්වය පිළිගත්තේය.
එක්සත් ජාතීන්ගේ මහලේකම්වරයා ඉන්දීය විදේශ කටයුතු අමාත්‍ය ආචාර්ය එස්. ජයශංකර් සමඟ පැවති සාකච්ඡාවකදී ජාත්‍යන්තර කරුණු කිහිපයක් සාකච්ඡා කළේය.
26/11 මුම්බායි ත්‍රස්ත ප්‍රහාරයෙන් විපතට පත් වූවන්ට ගෞරව දැක්වීමෙන් සහ ත්‍රස්තවාදය මැඩපැවැත්වීම පිළිබඳ ඔහුගේ ප්‍රබල පණිවිඩය පුද කරමින් සිය ඉන්දීය සංචාරය ආරම්භ කිරීම පිළිබඳව ඉන්දීය අගමැති මෝදි එක්සත් ජාතීන්ගේ මහලේකම් වෙත ස්තුතිය පුද කළේය.
ඉන්දියා නිවුස් නෙට්වර්ක්ස්
