සටහන – ගජබා නාගහවත්ත
එ.ජා.ප ඡන්ද සටන බිම් මට්ටමේ ක්රියාත්මක වීම ඇරඹූවේ නායකයා ගේ පන්සල් වන්දනාව සමගිනි. මුස්ලිම් නායකයින් බහුතරයක් සජිත් පිල හා එකතුවීම හේතුවෙන් බොහෝ පන්සල් හා නාහිමිවරුන් එ.ජා.ප ය සමග අත්වැල් බැද ගැනීමේ දැඩි ප්රවණතාවක් පවතී. එ.ජා.ප මැතිවරණ සටන මෙහෙයවීමට සාගල, අස්මිතා අෂිම්, ශමල් සෙනරත් ඇතුළු ඒකකයක් පත් කොට තිබේ. මහ පොලොවේ සැලසුම් සදහා එක් කණ්ඩායමක් ද, ජනමාධ්ය සහ සමාජ මාධ්ය ඇතුළු සෙසු කටයුතු සදහා තවත් කණ්ඩායමක් වශයෙන් වර්ග කිරිමක් ද සිදුකොට තිබේ.
බ්රහස්පතින්දා පෙරවරුවේ එ.ජා.ප නායකයාගේ නිවසට පැමිණි පිරිස් සමග කතා බහ කරන විට මහනුවර දිසාවට තරඟ වදින මාධ්යවේදි මහේෂ් සේනානායක විමසූවේ “අකිල මහලේකම්තුමා මේ මෙහෙයුමට සම්බන්ධ වෙන්නේ කොහොමද” කියායි.
රැස්විම් තිබ්බොත් ගෙන්න ගන්න පුළුවන් වන සිය දෙනා යු.එන්.පි අය. එයාලට නෙවෙයි කතා කරන්න ඕනෑ. ඒකයි අලුත් උපක්රම පාවිච්චි වෙන්න ඕනේ.” එ.ජා.ප නයකයා කීවේය.
රටපුරා ෆයිට් කරන හැටි එජාප නායකයා පැහැදිලි කරයි
“අකිලට කුරුණෑගල වැඩි ආසන ගාණක් දිනාගන්න සටනක් තියෙනවා. මෙතනදි ඔහුගේ වැඩි බර ඒකට දාන්න ඕනේ. ගම්පහ රුවන් විජයවර්ධන, අර්ජුන, කිත්සිරි මංචනායක, වරුණ ලා ලොකු ෆයිට් එකක් දෙනවා. කොළඹ මම රවි, දයා ලා ඇතුළු කණ්ඩායම වෙනමම බැහැලා කරනවා. අනිත් හැම දිස්ත්රික්කයකම අපේ කටයුතු ඉතා හොදින් ශක්තිමත්ව කෙරෙනවා.” එ.ජා.ප නායකයා කීවේය.
“සජිත් මේ පාර රැස්විම් දාහකට යනවා කියලා කියන්නේ. තව දින හතලිස් ගානයි තියෙන්නේ. එහෙම නම් දවසකට රැස්විම් විසි පහකට වඩා යන්න වෙනවා. දවසට පැය 24 යි නේ තියෙන්නේ රැස්විම් කොහොම ද එච්චර කරන්නේ. ජනාධිපතිවරණයේත් අවුල් කර ගත්තේ කට නිසා කියලා රංගේ බණ්ඩාර කිව්ව කතාව ඇත්ත.” රවි කරුණානායක කීවේ උපහාසාත්මකව ය.
“ජ.වි.පෙ, පොහොට්ටු කැම්පේන් තාම හරියට නෑ. අපට ජනතාවට දෙන්න පණිවිඩයක් තියෙනවා. ඒකට විවිධ උපක්රම පාවිච්චි කරනවා. රැස්විම් තිබ්බොත් ගෙන්න ගන්න පුළුවන් වන සිය දෙනා යු.එන්.පි අය. එයාලට නෙවෙයි කතා කරන්න ඕනෑ. ඒකයි අලුත් උපක්රම පාවිච්චි වෙන්න ඕනේ.” එ.ජා.ප නයකයා කීවේය.
“බොහෝ ජනමාධ්ය එක පැත්තකටයි දැන් තියෙන්නේ. මැතිවරණ කොමිසමත් එක්ක මේ ගැන කතා කළේ නැද්ද?” මහේෂ් සේනානායක විමසුවේය.
“ජනමාධ්යයේ කාටත් සමබර ඉඩක් ලබාදීමට මැදිහත්විම කොමිසමේ වගකීමයි. අපි ඒක ඉල්ලලා තියෙනවා.” නායකයා පිළිතුරු දුන්නේය.
89 ය භීෂණ කාලෙත් එ.ජා.ප ය ඡන්ද කලා. ගමේ ඇතැම් දූෂිත අය වෙනුවට අලුත් තරුණ පරම්පරාවක් පත්වෙලා නිසා ඒ අය ගම හොදට බැලන්ස් කරනවා.” නවීන් දිසානායක කිවේය
“89 ය භීෂණ කාලෙත් එ.ජා.ප ය ඡන්ද කලා. ගමේ ඇතැම් දූෂිත අය වෙනුවට අලුත් තරුණ පරම්පරාවක් පත්වෙලා නිසා ඒ අය ගම හොදට බැලන්ස් කරනවා.” නවීන් දිසානායක කිවේය.
“කාටත් දැන් තියෙන ප්රශ්නය කොවිඩ් නැතුව ජිවත් විමයි. වැටුප් හා රැකියා නැතුව ජිවත්වීමේ ප්රශ්නයයි. ප්රජාතන්ත්රවාදය ගැන ප්රශ්නයත් මතු වෙනවා. අපට මිනිස්සු ළගට යන්න වෙලා තියෙන්නේ ඒ වගේ දුෂ්කර පරිසරයකයි.” දයා ගමගේ ගේ අදහස සියළු දෙනා අනුමත කළහ.
“කොවිඩ් වලින් ගොඩ ආපු බොහෝ රටවල දෙවෙනි ව්යාප්තිය ඇති වෙලා. ලංකාවේත් එහෙම අභියෝගයක් ආවොත් ඒකට මුහුණ දීමත් අපට ලොකු ප්රශ්නයක් වෙනවා.” වජිර අබේවර්ධන ගේ අදහසට ද කාගේත් අවධානය යොමුවිය.
ජනපති මහ බැංකු සහ මහජන බැංකු නිලධාරින් මුදල් ඇමති නොමැතිව කැදවා දැඩි දෝෂාරෝපණයක් සිදු කිරිම ගැන ද එහිදි අවධානය යොමු විය.
“මාස 8 ක් ආර්ථික පැත්තේ මුකුත් කර ගන්න බැරුව මේ ආණ්ඩුව අසරණ වෙලා ඉන්නේ. විනයක් නැතුව කෝටි 600 ක් බදු සහන ලෙස යාළුවන් ට ලබා දීමත් ආණ්ඩුවේ මූල්ය විනය හා කළමනාකරණය නොමැතිවීමත් මේ ගැටළුවට මුලයි. අපේ කාලේ ඩොලර් බිලියන 10 ක සංචිත අපි රදවා ගත්තා. ඒත් දැන් ඒක ඩො. බි. 5 – 6 ට බැහැලා. ඒකෙනුත් ඩො. බිලියනයක් මේ වසරේ ණය සහ පොලී ගෙවන්න වෙනවා. මේ රටේ මිනිස්සුන්ට මහා අභාග්යමත් කාලයක් මේ ආණ්ඩුව දිනුවොතින් ඇති වේවි.” එ.ජා.ප නායකයා කළ විග්රහය එසේය.
පාස්කු ප්රහාරය ගැන මට හෝ අගමැතිට අදාල අය දැන්නුවේ නැති නිසා අපි දෙන්නටම ඒ ගැන වගකිමක් පවරන්න එපා කියලා හිටපු ජනපති මෛත්රි බි.බි.සි එකට කිව්වා.” අකිල විරාජ් කීවේය.
“පාස්කු ප්රහාරය ගැන මට හෝ අගමැතිට අදාල අය දැන්නුවේ නැති නිසා අපි දෙන්නටම ඒ ගැන වගකිමක් පවරන්න එපා කියලා හිටපු ජනපති මෛත්රි බි.බි.සි එකට කිව්වා.” අකිල විරාජ් කීවේය.
“මටවත් මගේ සිකියුරිටි එකටවත් කව්රුවත් දැන්නුවේ නැහැ. හැබැයි හිටපු ජනාධිපතිතුමාට වගේම හිටපු විපක්ෂ නායක මහින්දලට නම් දැන්නුවා කියලා තමයි අදාල කට්ටිය කියන්නේ.” එ.ජා.ප නායකයා එසේ කියා ඉවත බලා ගත්තේය.
“ආණ්ඩුවේ ආර්ථික සැලැස්ම මොකක්ද කියලා ආණ්ඩුවවත් දන්නේ නැති හැඩයි. ඡන්දෙන් පස්සේ ඇමරිකන් එම්.සි.සි ගිවිසුම් අත්සන් කරනවා කියලා ඇමරිකන් තානාපතිනිය පැහැදිලිවම දැන් කියනවා.” රවි කරුණානායක පැවසීය.
“ඡන්දය නිසා ආපහු බැදුම්කරෙයි, අර්ජුන් මහේන්ද්රනුයි ආණ්ඩුව වලෙන් ගොඩදාගෙන දගලනවා. මෛත්රි ජනාධිපතිවත්, මේ ආණ්ඩුවත් බැදුම්කරයට අදාළව නඩු දාන්නේ නැහැ. ඒ ඇයි? පොලිසියේ කටයුතු හමාරයි නිතිපති එකේ දැන් ලියවිලි තියෙන්නේ. ඡන්දය අල්ලලා බොරු මඩ ප්රචාර නොදා නඩු දාන්න කියලායි අපි කියන්නේ.” චම්පිකා ප්රේමදාස කිවේ සිනා මැදය.
සමගි ජන බලවේගයේ නායකයෝ පන්සල් වන්දනාවේ
සජිත් ප්රේමදාසගේ ප්රධානත්වයෙන් සමගි ජන බලවේගය ද සිය මැතිවරණ සටන ආරම්භ කළේ විහාර රාශියක් වන්දනා මාන කරමිනි. පසුගිය දා ඔහු සහ පාඨලි චම්පික රණවක පන්නිපිටියේ විහාරස්ථානයකට ද පැමිණියහ.
එහිදි එම ගම්වාසීන් සහ භික්ෂූන් වහන්සේලා ඇතුළු අති විශාල පිරිසකගේ දැඩි ප්රතිචාර සජිත් සහ චම්පිකට හිමිවිය.
“ඡන්දය අගෝස්තු 05 දායි. චම්පික ඇමතිතුමාගේ උපන් දිනය කලින් දිනයේ නේද? ආණ්ඩු හදලා උපන් දිනය සමරන්න උත්සාහ කරන්න.” රොඩ්නි ප්රෙෂර් කීවේය.
සමගි බලවේගයේ කාන්තා සහ තරුණ සම්මේලන පිහිටුවීම ද පසුගිය දා උත්කර්ෂවත් ලෙස සිදුවු අතර සජිත් තම මැතිවරණ කටයුතු ඇරඹුවේ ගම්පහ සහ ගාල්ල දිස්ත්රික්ක වලිනි.
2001 දි හා 2015 දි අපි එ.ජා.ප යට ආණ්ඩු අරන් දුන්නා. ඒත් ඒවා රැක ගන්න ඒ නායකයන්ට බැරිවුනා. ඒකෙන් අසාධාරණය වුනේ පාක්ෂිකයන්ටයි.
ඒ අතරේ මහනුවර දිසාවේ දුරකතනයට නායකත්වය දෙන ලක්ෂ්මන් කිරිඇල්ල ඇතුළු කණ්ඩායමද ඉතා ප්රබල මැතිවරණ ව්යාපාරයක් දියත් කොට තිබේ.
“2001 දි හා 2015 දි අපි එ.ජා.ප යට ආණ්ඩු අරන් දුන්නා. ඒත් ඒවා රැක ගන්න ඒ නායකයන්ට බැරිවුනා. ඒකෙන් අසාධාරණය වුනේ පාක්ෂිකයන්ටයි. ඒ වගේම මේ ආණ්ඩුව කියන කොරෝනා සංඛ්යා ලේඛන අපට සැකයි. මහජන සෞඛ්ය පරික්ෂකවරුන්ගේ සංගමයත් මේ සැකය මතු කළා. ආණ්ඩුවට මේ ඡන්දයෙන් 113 ගන්න බෑ. අපි සජිත්ගේ නායකත්වයෙන් ආණ්ඩුව හදලා මේ ආණ්ඩුව තම නොහැකියාව නිසා වැනසු ආර්ථිකය විදිමත් කරලා බඩු මිලත් අඩු කරලා ජනතාවට උපරිම සහන දෙනවා.” ලක්ෂ්මන් කිරිඇල්ල ජනතාවට ලබාදෙන පණිවුඩයේ මූලික හරය එය විය.
දැක්කද හර්ෂණ, අපි කියන කතාව තමයි හැම තැනම කියන්නේ. මෙදා පාර රනිල්ගේ දේශපාලන පරිණතභාවය, කපටිකම් ඒවා සේරම කොළඹදී හේදිලා යනවා‘ ජෝර්ජ් පෙරේරා කීවේය.
මේ අතර සමගි බලවේගයේ ගම්පහ දිස්ත්රික් අපේක්ෂකයෝ එකාවන්ව සහයෝගයෙන් කටයුතු කරන ආකාරයක් පැහැදිලිව දැකිය හැකිය. සමගි බලවේගයෙන් ගම්පහ දිස්ත්රික්කයට ඉදිරිපත්ව සිටින ජනතාව විසින් ‘ලෙන්ගතු මිනිසා‘ ලෙස හදුන්වන ජනප්රිය නායකයෙකු වන යූ. ජෝර්ජ් පෙරේරා මේ අතර ඉදිරියෙන්ම සිටී. ජෝර්ජ් තම බල ප්රදේශය මහරදී නිරෝෂා අතුකෝරාළ සමග ද දොම්පේ ආසනයේදී තරුණ නායකයෙකු වන හර්ෂණ රාජකරුණා සමග ද මනා සහයෝගයෙන් කටයුතු කරන අතර ඔවුන් අතර මනාප පොරය වෙනුවට ඇත්තේ අනෝන්ය සහයෝගයයි.
මේ අතර දොම්පේ පැවැති ජනහමුවකදී හර්ෂණ සහ ජෝර්ජ් සුපුරුදු ලෙස වත්මන් දේශපාලන ප්රවණතා ගැන කතා කරමින් සිටි විට දොම්පේ ප්රාදේශීය සභාවේ හිටපු මන්ත්රීවරයෙක් ජෝර්ජ්ගෙන් ප්රශ්නයක් ඇසුවේය.
‘සර්, රනිල් මහත්තයයි අපේ නායකයා සජිත් මහත්තයි දෙන්නම තරග කරන්නේ කොළඹ දිස්ත්රික්කයෙන්. ඉස්සර මේ දෙන්නා හිටියේ දිස්ත්රික්ක දෙකක නිසා අපිට ඇත්ත ශක්තිය දැක ගන්න බැරි වුණා. මේ පාර මොකක් වෙයිද ?‘
හර්ෂණ සහ ජෝර්ජ් එකිනෙකාගේ මුහුණ බලාගෙන මොහොතක් කල්පනා කළ අතර කිසියම් එකගතාවකට පැමිණි අයුරින් ජෝර්ජ් ප්රශ්නය යොමු කළ තරුණ මන්ත්රීවරයා දෙස බලා සිටියේය.
‘හොදයි, මල්ලිම කියන්නකෝ මොකද වෙන්නේ කියලා. මොකද ඔයාලා තමයි බිම් මට්ටමේ ජනමතය හරියට දන්නේ ‘ ජෝර්ජ් කීවේය.
‘මොනවා කියන්නද සර්, අපේ සජිත් මහත්තයා එක්ක හැරෙන්න රනිල් මහත්තයට බෑ. මං හිතන්නේ සජිත් මහත්තයා ගන්න මනාපවලින් භාගයක් වත් රනිල් මහත්තයට ගන්න බැහැ. ඇත්ත තත්ත්වේ ඒකයි‘ තරුණ මන්ත්රීවරයා කීවේය.
‘මල්ලී හිතන විදිහට හේතුව මොක්කද ?‘ ජෝර්ජ් යළි විමසුවේය.
‘වෙන මොකවත් නෙමෙයි රනිල් මහත්තයා කියන්නේ ජනතාවට, පාක්ෂිකයින්ට කිසිම සමීප බවක් නැති නායකයෙක්. පොඩි මිනිස්සු ගැන මෙලෝ හසරක් නොදන්න නායකයෙක්. එයාට කළේ එයාගේ පන්තියේ යාළුවන්ටයි තවත් අයටයි විතරයි. පාක්ෂිකයෝ වෙනුවෙන් අබමල් රේණුවක දෙයක් එයා කළේ නැහැ‘ ප්රාදේශීය සභා මන්ත්රීවරයා දීර්ඝ පැහැදිලි කිරීමක් කළේය.
‘දැක්කද හර්ෂණ, අපි කියන කතාව තමයි හැම තැනම කියන්නේ. මෙදා පාර රනිල්ගේ දේශපාලන පරිණතභාවය, කපටිකම් ඒවා සේරම කොළඹදී හේදිලා යනවා‘ ජෝර්ජ් පෙරේරා කීවේය.
