මම මේ කථා කරන්නේ ප්‍රතිපත්තියක් ගැන. මට මෛත්‍රී එක්කවත්, දයාසිරි එක්කවත් පුද්ගලික තරහක් නෑ. මට තියෙන්නේ බයක්. මම ඒ අවධානම රටට කිව්වා. නායකයන්ට කිව්වා. දැන් රට දැනුවත්. නායකයන් දැනුවත්. මම මගේ යුතුකම කළා. දැන් ඉතිං තීන්දුව තියෙන්නේ ජනතාව අතේ”. ප්රසන්න කීවේය
සටහන – ගජබා නාගහවත්ත
ඇමති ප්රසන්න පසුගිය සතියේ සිකුරාදා උදෑසන ම තංගල්ල කාල්ටන් නිවස බලා ගියේය. ඒ අගමැති මහින්දගේ විශේෂ ඉල්ලීමකට අනුවය. ‘හම්බන්තොට ඇවිත් රැස්වීම් කීපයක කථා කරලා යන්න’ මහින්ද ප්‍රසන්නගෙන් ඉල්ලා තිබිණි. මහින්දගේ ඉල්ලීම පිළිගත් ප්රසන්න ද රැස්වීම් සංවිධායකවරුන්ට කථා කර ඉල්ලීමක් කළේය.
“ මට මහින්ද මහත්තයා එන්න ඉස්සෙල්ලා රැස්වීම් වල කථා කරන්න ඕනේ. මොක ද මහින්ද මහත්තයා වේදිකාවේ ඉන්නකොට මට කියන්න ඕන ඒවා කියන්න බෑ. ඒ හින්දා මහින්ද මහත්තයා නැති වෙලාවට මට කථා කරන්න දෙන්න”. ප්රසන්න කිවේය.
ඊට සංවිධායකවරු එකගතාවය පළ කළහ.
උදෑසන කාල්ටන් නිවසට ප්රසන්න යන විට එහි විශාල පිරිසක් රැදී සිටියහ. අගමැති මහින්ද ඒ වන විට වරාය වෘත්තිය සමිති සමග සාකච්ඡාවක නිරතව සිටියේ ය. ඒ නිසා ප්රසන්න මහින්ද සිටි කාමරයට ගියේ නැත.
ප්රසන්න දුටු බොහෝ දෙනෙකු ඔහු ළගට ගොස් ඔහුට සුබ පැතුවේය. සුබ පතන අතර “අර කථාව නම් මරේ මරු සර්…” යැයි කිවේය. ඒ මේ දිනවල මෛත්‍රීට එරෙහිව ප්රසන්න කරන කථාව ගැනය.
ඔයාගේ විග්‍රහය හරියට ම හරි. මම දැක්කා ඔයා කියලා තියෙනවා මන්ත්‍රීධූර 10 ක් මෛත්‍රීගේ කට්ටිය ගත්තොත් ඒ අය මොන මොන කොන්දේසි දායි ද දන්නේ නෑ කියලා. ඒක හරියටම හරි කථාවක්.
ප්රසන්න දුටු ජි.එල් ද ඔහු ළගට ආවේ “ ඔබතුමාගේ ඇටෑක් එක නම් හරියටම හරි”. කියමිනි.
“ මම කියන්නේ බොරු නෙමෙයිනේ සර්. මට නම් මෛත්‍රීව ෂුවර් නෑ”. ප්රසන්න කීවේය.
“නෑ. නෑ. ඔයාගේ විග්‍රහය හරියට ම හරි. මම දැක්කා ඔයා කියලා තියෙනවා මන්ත්‍රීධූර 10 ක් මෛත්‍රීගේ කට්ටිය ගත්තොත් ඒ අය මොන මොන කොන්දේසි දායි ද දන්නේ නෑ කියලා. ඒක හරියටම හරි කථාවක්….” ජි.එල් කිවේය.
පක්ෂයට විතරක් මොක ද? අපිට නම් ආරංචි මේ පාර ඔයත් මනාප වලින් රෙකෝඩ් එකක් තියනවා කියලයි. මනාප වලින් ලොකු ගැප් එකක් තියලා ඔයා දිනනවා කියලයි රිපෝට්ස් වල තියෙන්නේ ”. මහින්ද කීවේය.
වෘත්තීය සමිති සාකච්ඡාව අවසන් වීමෙන් පසු නිළ කාමරයෙන් එළියට පැමිණි මහින්ද ප්රසන්න දුටුවේය.
“ආ… මේ ඉන්නේ මේ දවස්වල වේදිකාවේ වීරයා….” මහින්ද ප්රසන්න ව පිළිගත්තේ එලෙස කියමිනි.
“අපිට ආරංචියි ගම්පහ ඡන්ද වැඩේ හොදටම යනවා කියලා…” මහින්ද කීවේය.
“කරගෙන යනවා සර්…..මිනිස්සු උනන්දුයි ඡන්දෙට…” ප්රසන්න කීවේය.
“ඔව්. ඔව්. අපිට ආරංචියි ප්රසන්න මේ පාරත් රෙකෝඩ් එකකට ලෑස්තියි කියලා…” මහින්ද කීවේ සිනාසෙමිනි.
“මම ඉතිං මගේ වැඩේ කරනවා. පක්ෂයට නම් ලක්ෂ 05ක වැඩි ඡන්ද අරන් දෙනවා. ඒක ෂුවර්”. ප්රසන්න කීවේය.
“පක්ෂයට විතරක් මොක ද? අපිට නම් ආරංචි මේ පාර ඔයත් මනාප වලින් රෙකෝඩ් එකක් තියනවා කියලයි. මනාප වලින් ලොකු ගැප් එකක් තියලා ඔයා දිනනවා කියලයි රිපෝට්ස් වල තියෙන්නේ ”. මහින්ද කීවේය.
“යමු රැස්වීම් වලට මාත් එක්ක”. මහින්ද ප්‍රසන්නට ආරාධනා කළේය.
“සර්..ඇමතිතුමා එනකොට ම ආවේ සර්ට කලින් රැස්වීම් වල කථා කරන්නම් කියලා. සර් වේදිකාවේ ඉන්නකොට මෙතුමාට කියන්න තියෙන දේවල් කියන්න බැරිලු….” මහින්දගේ ළගසිටි අයෙකු කීවේය.
“එහෙනම් සැරට දෙන්න වගේ හදන්නේ. ඔයැයිට මිනිස්සු ආදරේ ඕක තමයි. කියන දේ කෙළින් කියන නිසා….” මහින්ද කීවේ සිනාසෙමින් ප්‍රසන්නගේ පිටට තට්ටුවක් ද දමිමිනි.
ප්රසන්න සහභාගි වූ පළමු රැස්වීම පැවැත්වුණේ බෙලිඅත්තෙදී ය. මහින්දට පෙර එතනට ගිය ප්රසන්න සුපුරුදු පිරිස මෛත්‍රීට ගෑවුණු එකෙකුටවත් ඡන්දය දෙන්න එපා යැයි කීවේය. “මෙහෙත් ඉන්නවා එක්කෙනෙක් පොහොට්ටුවේ පාට ඇන්දාට පොහොට්ටුවේ ලකුණ ගැහුවට එයාලා පොහොට්ටුවේ නෙමෙයි මෛත්‍රීගේ. මෛත්‍රී මොකාට එනවාද ෂුවර් නෑ. ඒ නිසා මෛත්‍රීට ගෑවුණු එකෙකුටවත් ඡන්දය දෙන්න එපා” ප්රසන්න කීවේය.
ප්රසන්න හම්බන්තොට ජනතාවට ප්‍රතිඥාවක් දුන්නේය. ඒ නාමල්ට ඇමතිකමක් ලබා දීම වෙනුවෙන් මැදිහත් වන බවටය. “හම්බන්තොට කැබිනට් ඇමතිධූර දෙකක් තියෙනවා. අපි මේ පාරත් ඉල්ලීමක් කළා නාමල් මල්ලීට ඇමතිකමක් දෙන්න කියලා. නාමල් මල්ලී තමයි බෑ කිව්වේ. එයා කිව්වා මහ මැතිවරණයෙන් පස්සේ බලමු කියලා. අපි මේ පාර නම් ඒ වෙනුවෙන් පෙනී ඉන්නවා”. ප්රසන්න කීවේය.
රැස්වීමේ දී ප්රසන්න තවත් කථාවක් කීවේය. ඒ ශ්‍රී ලංකා නිදහස් පක්ෂය හා පොහොට්ටුව අතර ඇති සන්ධානය ගැනය. ඔහු කීවේ පොහොට්ටුවත් ශ්‍රිලනිපයත් සමග තව දුරටත් සන්ධානයක් නැති බවය. “ඒක ගැහුවේ ජනාධිපතිවරණයට ඒක ඉවරයි. මහ මැතිවරණයට අපි සන්ධාන ගැහුවේ නෑ”. ප්රසන්න කීවේ ය.
රැස්වීම අවසන් කර ප්රසන්න ඩි.වි. චානක මන්ත්‍රිවරයා සමග දිවා ආහාරය ගනිමින් සිටින විට හදිසි දුරකථන ඇමතුමක් ආවේය. ඒ ඇමති මහින්ද අමරවීරගෙනි.
මම බොරු කිව්වේ නෑනේ ඇමතිතුමා. මම කිව්වේ ඇත්තනේ. මම කිව්වේ මෛත්‍රීට ගෑවුණු එකෙකුටවත් ඡන්දය දෙන්න එපා කියලනේ. එහෙම ගෑවිලා නැති අයට ප්‍රශ්නයක් නෑනේ…” ප්රසන්න ඇඟට පතට නොදැනී කීවේය.
“මොනවද ඇමතිතුමා. ඔබතුමා අපේ ගමට ඇවිත් ඔහොම ගහනකොට කොහොමද අපි දේශපාලනය කරන්නේ”. අමරවීර ප්‍රසන්නගෙන් ඇසුවේය.
“මම බොරු කිව්වේ නෑනේ ඇමතිතුමා. මම කිව්වේ ඇත්තනේ. මම කිව්වේ මෛත්‍රීට ගෑවුණු එකෙකුටවත් ඡන්දය දෙන්න එපා කියලනේ. එහෙම ගෑවිලා නැති අයට ප්‍රශ්නයක් නෑනේ…” ප්රසන්න ඇඟට පතට නොදැනී කීවේය.
“ඒ වුණාට එහෙම කරන එක හොද නෑනේ. මම මහින්ද මහත්තයාටයි, ගෝඨාභය මහත්තයාටයි කරපු දේවල්. ඒ දෙන්නම දන්නවා. ඒ අය නම් ඔහොම කියන්නේ නෑ.. “ අමරවීර කීවේය.
දුරකථන ඇමතුම අවසන් වීමෙන් පසු ප්‍රසන්නට ඩී.වී ට කථා කළේ කවුදැයි කීවේය. “මහින්ද මහත්තයටයි, ගෝඨාභය මහත්තයටයි එයා හුගක් උදව් කළාලු. ඒක ඒගොල්ගෝ දන්නවා කියලා කිව්වේ”. ප්රසන්න ඩී.වි ට කීවේය.
“මමත් දන්නවා එයා මහින්ද මහත්තයාට උදව් කරපු හැටි. ඕනනම් මටත් සාක්ෂිත් එක්කම දෙන්න පුළුවන්”. ඩි.වී ඊට උත්තර දෙමින් කීවේය.
ප්රසන්න දිගින් දිගටම මෛත්‍රීට ගෑවුණු එකෙකුට ඡන්දය දෙන්න එපා යැයි කියන එක ගැන දයාසිරි සිටියේ දැඩි කේන්තියකිනි. දයාසිරි පහුගිය සිකුරාදා කුරුණෑගල දි ප්‍රසන්නට උත්තර දුන්නේ ඒ නිසාය.
“කද බඩ මහත මොළේ නැති ගම්පහ රණතුංග කියනවා මෛත්‍රීට ගෑවුණු එකෙකුටවත් ඡන්දය දෙන්න එපා කියලා. ඔය කරන්නේ ඩීල් එකක්. ප්රසන්න රණතුංග මොනවද දන්නේ?.. “ දයාසිරි කීවේය.
දයාසිරිගේ මේ කථාවට පසුදා ප්රසන්න අත්තනගල්ල පොදුජන පෙරමුණු බල මණ්ඩලයට ගියේය. ඒ ඩෙනිමක් සහ ටී ෂර්ට් එකක් ඇඳගෙනය.
“2015 ජනාධිපතිවරණයේ දී මෛත්‍රීට සිරා සිරා කියපු කුරුණෑගල සිරි ඊට පස්සේ පොළොන්නරුවේ සිරි ගාව දණ ගැහුවා. මගේ කද බඩ මහතයි කියලා එයා ඊයේ කිවුවා. ඒ හින්දා අද මම ඩෙනිමක් ඇඳගෙන ටි ෂර්ට් එක්ක ඇඳගෙන ආවා කොල්ලෙක් වගේ”. ප්රසන්න රැස් ව සිටි පිරිස සිනාගන්වමින් කීවේය.
ප්රසන්න මෙහි දී දයාසිරිට අභියෝගයක් ද කළේය. ඒ දයාසිරි කුරුණෑගලින් ගන්නා ඡන්දවලට වඩා එක් ඡන්දයක් හෝ තමන් ගම්පහින් ගන්නා බව කියමිනි. “හැකිනම් තමන්ට වඩා එක් ඡන්දයක් හෝ කුරුණෑගලින් ගෙන පෙන්නන්නැයි” ප්රසන්න දයාසිරිට මෙහි දී අභියෝග කළේය.
මේ අභියෝගය මාධ්‍ය ඔස්සේ පළ වුයේ එදිනම රාත්‍රියේ ය. පසුදින උදෑසන ම ඇමති ජොන්ස්ටන් ප්‍රසන්නට කථා කළේය. “ මම දැක්කා ඊයේ ඔබතුමා දයාසිරිට සැරටම ගහනවා. මේ පාර මිනිහට බෝඩ් වෙන්නත් බැරිවෙයි වගේ”. ජොනී කීවේය.
“ඔබතුමාට පොඩි වැඩක් කරන්න බැරි ද? ” ජොනි ඇසුවේය.
“මොකක්ද ඇමතිතුමා? ” ප්රසන්න පෙරළා ඇසුවේය.
“ පොඩ්ඩකට කුරුණෑගලට ඇවිත් රැස්වීම් දෙක තුනක කථා කරලා යන්න. එතකොට ඔය සිරිට තියෙන ටිකත් නැති වෙයි. “ ජොනී ප්‍රසන්නට කීවේය.
ප්‍රසන්නගේ මේ ප්‍රහාරය ශ්‍රී ලංකා නිදහස් පක්ෂ ප්‍රධානීන්ට ඇල්ලුවේ ම නැත. ඔවුන් එක් පැත්තකින් ප්‍රසන්නට පහර දෙන අතර ප්‍රසන්නගේ හඬ නිහඬ කරන්නට වෙනම සංවිධානාත්මක මෙහෙයුමක් ඇරඹුවේය. ඒ අනුව ජනාධිපති ගෝඨාභය අපේක්ෂකයන්ගේ ජයග්‍රහණය වෙනුවෙන් යන රැස්වීම් වල දී මෛත්‍රීට බනින්නට එපා යැයි කියන්නට වෙන ම කණ්ඩායමක් දැමුවේය. පොළොන්නරුවේ මෛත්‍රීගේ රැස්වීමේදීත් අරුන්දිකගේ පුත්තලමේ රැස්වීමේදීත් මේ ඉල්ලීම් ඉදිරිපත් වුයේ ඒ අනුවය.
මේ අතර ප්‍රසන්නගේ හා දයාසිරිගේ වාදය දිගින් දිගමට ඇදෙමින් තිබුණි. දයාසිරි ප්‍රසන්නව දැඩිලෙස විවේචනය කරද්දී නාලක ගොඩහේවා, සරත් කුමාර ගුණරත්න වැනි අය ද දයාසිරිට වාසි වෙන අන්දමේ ප්‍රකාශ කරනු දක්නට ලැබුණි. ප්‍රසන්නගේ සහායට ආවේ ෂෙහාන් සේමසිංහ, එස්.එම්.චන්ද්‍ර සේන වැනි ඇමතිවරුන්ය. ෂෙහාන්ලා, චන්ද්‍රසේනලා කොහොමත් මහින්ද වෙනුවෙන් දිගින් දිගටම ප්රසන්න සමග එක් ව සටන් කළ අය වූහ.
පසුගිය බදාදා කැබිනට් මණ්ඩලයේත් ප්රසන්න – දයාසිරි වාදය පිළිබද මැති ඇමතිවරු අතර කථාබහක් ඇති වූයේ ඒ තරමට මේ වාදය උණුසුම් වූ නිසාය.
ඇමතිතුමාගේ කටේ මසුරන් දාන්න වටිනවා ඒ කියපු කථාවට” එස්.එම් කිවේය
“ඇමතිතුමාගේ කටේ මසුරන් දාන්න වටිනවා ඒ කියපු කථාවට” එස්.එම් කිවේය.
“මම කිව්වේ ඇත්තනේ. බොරු නෙමේ. මට නම් ලොකු අවධානමක් දැනෙනවා. නිකමට හිතන්නකෝ අපිට මන්ත්‍රීධූර හම්බවෙන්නේ 120 කියලා. ඒ 120 ඇතුළේ 10 ක් මෛත්‍රී ගේ අය ආවොත් ඒ අය අපිට ආණ්ඩුවක් හදන්න එක එක කොන්දේසි දායි. අගමැතිකම වුණත් ඉල්ලන්න බැරිකමක් නෑනේ”. ප්රසන්න කීවේය.
“ඔව්. ඔව්. ඒකනම් ඇත්ත තමයි”. කීවේ ගාමිණි ලොකුගේ ය.
“තව එකක් මේ මොහොතේ ඒ අය අපි එක්ක ආණ්ඩුව හැදුවා කියලා හිතන්නකෝ. අවුරුද්දක් දෙකක් යනකොට තමයි ආණ්ඩුවට විරුද්ධ රටේ මතවාද හැදෙන්නේ. ඕනම ආණ්ඩුවකට එහෙමයි. ඒ වගේ වෙලාවක විපක්ෂය ප්‍රබල වෙලා නැවත අවිනිශ්චිත තත්ත්වයක් ආවොත් මේ ශ්‍රී ලංකා එකෙන් එන අය විපක්ෂයට සහාය නොදෙයි කියන්න අපිට තියෙන සහතිකේ මොකක්ද? ” ප්රසන්න ප්‍රශ්න කළේය.
“ඒ කථාව ඇත්ත තමයි”. එස්.එම්. කීවේය.
“මම මේ කථා කරන්නේ ප්‍රතිපත්තියක් ගැන. මට මෛත්‍රී එක්කවත්, දයාසිරි එක්කවත් පුද්ගලික තරහක් නෑ. මට තියෙන්නේ බයක්. මම ඒ අවධානම රටට කිව්වා. නායකයන්ට කිව්වා. දැන් රට දැනුවත්. නායකයන් දැනුවත්. මම මගේ යුතුකම කළා. දැන් ඉතිං තීන්දුව තියෙන්නේ ජනතාව අතේ”. ප්රසන්න කීවේය.
