ශ්‍රී ලංකාවෙන් වාර්තා වන කොවිඩ්-19 ආසාදිත 09 වැනි මරණ අද දින (5) දහවල් වාර්තා වූ බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා විසින් තහවුරු කළ බව රජයේ ප්‍රවෘත්ති දෙපාර්තමේන්තුව විසින් නිකුත් කළ මාධ්‍ය නිවේදනයක සදහන් වෙනවා.
මියගොස් ඇත්තේ අයි.ඩී.එස්. රෝහලේ ප්‍රතිකාර ලබමින් සිටි 52 හැවිරිදි කාන්තාවක් වන අතර ඇය කොළඹ 15 හි පදිංචිකාරියක බවයි එම වාර්තාවේ සදහන් වන්නේ.
මේ අතර ශ්‍රී ලංකාවේ කොව්ඩි-19 ආසාදිතයින් සංඛ්‍යාව 755 දක්වා වර්ධනය වී ඇති අතර සෞඛ්‍ය ප්‍රවර්ධන කාර්යාංශය විසින් අද (5) දින ප.ව 14.05ට සිදුකළ නව යාවත්කාලීන කිරීම් අනුව නව ආසාදිතයින් 04 දෙනකු වාර්තා වී තිබෙනවා.
