Covid-19 Today Update : ලංකාවේ ආසාදිතයින් 771ක් – ලෝකය පුරා මරණ 252,346ක්
- RSL
- May 5, 2020
- CORONA: Covid 19, උණුසුම් පුවත්
- featured
- 0 Comments
ඉන්දියාවෙන් ආසාදිතයින් 46,476ක් සහ මරණ 1571ක් වාර්තා වී ඇති අතර ශ්රී ලාංකික ගෘහ සේවිකාවන් ලක්ෂ 03කට අධික පිරිසක් සේවය කරන සෞදි අරාබියෙන් ආසාදිතයින් 30,251ක් වාර්තා වන අතර එහි මරණ සංඛ්යාව 200ක්.
ශ්රී ලංකාවේ කොවිඩ්-19 ආසාදිතයින් සංඛ්යාව අද (5) දින ප.ව 20.05 වන විට 771 දක්වා ඉහළ ගිය බව සෞඛ්ය ප්රවර්ධන කාර්යාංශය විසින් අද දින ප.ව 20.05ට යාවත්කාලීන කරන ලද වාර්තාවල දැක්වෙනවා. එහි සදහන් වන්නේ ඒ වන විට නව ආසාදිතයින් 20 දෙනකු වාර්තා වී සිටි බවයි.
එම වාර්තාව අනුව රෝහල් තුළ ප්රතිකාර ලබන රෝගීන් සංඛ්යාව 540ක් වන අතර දැනට රෝහල්වල විමර්ශනය යටතේ සිටින පුද්ගලයින් සංඛ්යාව 145ක්. සුවය ලබා පිටව ගිය පුද්ගලයින් සංඛ්යාව 213ක් වන අතර මරණ සංඛ්යාව 09ක් බවට පත්ව තිබෙනවා.
කොවිඩ්-19 ගෝලීත යාවත්කාලීන කිරීම් කරන ජෝන්ස් හොප්කින්ස් විශ්වවිද්යාලයේ වාර්තා අනුව අද දිනය අවසානය වන විට ගෝලීය වශයෙන් කොවිඩ්-19 ආසාදිතයින් 3,610,006ක් සහ මරණ 252,346ක් වාර්තා වී තිබෙනවා. වැඩිම ආසාදිතයින් සංඛ්යාව 1,181,885ක් සහ මරණ 69,079ක් ඇමෙරිකා එක්සත් ජනපදයෙන් වාර්තා වී තිබෙනවා.
ඉතාලියෙන් ආසාදිතයින් 211,938ක් සහ මරණ 29,315ක් වාර්තා වී ඇති අතර ගෝලීය වශයෙන් වැඩිම මරණ සංඛ්යාවක් ඇති දෙවැනි රට බවට මහා බ්රිතාන්යය පත්ව තිබෙන්නේ අද දිනය අවසාන වන විට සමස්ත මරණ 28,809ක් වාර්තා කරමින්. එහි ආසාදිතයින් සංඛ්යාව 191,832 ක් දක්වා ඉහළ ගොස් තිබෙනවා.
ඉන්දියාවෙන් ආසාදිතයින් 46,476ක් සහ මරණ 1571ක් වාර්තා වී ඇති අතර ශ්රී ලාංකික ගෘහ සේවිකාවන් ලක්ෂ 03කට අධික පිරිසක් සේවය කරන සෞදි අරාබියෙන් ආසාදිතයින් 30,251ක් වාර්තා වන අතර එහි මරණ සංඛ්යාව 200ක්.
