Covid-19 ආසාදිතයින් 11 දෙනකු ඊයේ (8) වාර්තා වූ බවත් ඒ අනුව ලංකාවේ සමස්ත කොවිඩ්-19 ආසාදිතයින් සංඛ්‍යාව අද (9) දින පෙ.ව 06.05 වන විට 835 දක්වා වර්ධනය වී ඇතැයි සෞඛ්‍ය ප්‍රවර්ධන කාර්යංශයේ කොවිඩ්-19 තත්ත්ව වාර්තාවේ සදහන් වෙයි.
ඒ අනුව දැනට ප්‍රතිකාර ලබන රෝගීන් සංඛ්‍යාව 586ක් වන අතර නිමර්ශනය යටතේ සිටින පුද්ගලයින් සංඛ්‍යාව 135කි. 240 දෙනකු ප්‍රතිකාර ලබා පිටව ගොස් ඇති අතර මරණ සංඛ්‍යාව 09කි.
මේ අතර ගෝලීය කොවිඩ්-19 ආසාදිතයින් ගැන නිල වාර්තාව ඉදිරිපත් කරන ජෝන්ස් හොප්කින් විශ්වවිද්‍යාලයේ වාර්තා අනුව ඊයේ දිනය අවසාන වන විට ගෝලීය වශයෙන් වාර්තා වූ කොවිඩ්-19 ආසාදිතයින් සංඛ්‍යාව 3,938,080ක් දක්වා වර්ධනය වී ඇති අතර මරණ සංඛ්‍යාව 274,898කි. ඇමෙරිකා එක්සත් ජනපදයේ මරණ සංඛ්‍යාව 77,180ක් වන අතර ආසාදිතයින් සංඛ්‍යාව 1,283,929කි.
කොවිඩ්-19 ආසාදිතයින් හා මරණ වැඩි රාජ්‍යයන්
ස්පාඤ්ඤය – 222,857 – මරණ – 26,299
ඉතාලිය – 217,185 – මරණ – 30,201
එක්සත් රාජධානිය – 212,629 – මරණ – 31,316
රුසියාව – 187,859 – මරණ – 1723
ප්‍රංශය – 176,202 – මරණ 26,233
ජර්මනිය – 170,588 – මරණ -7510
බ්‍රසීලය – 146,894 – මරණ – 10,017
තුර්කිය – 135,569 – මරණ – 3689
ඉරානය – 104,691 – මරණ – 6541
චීනය – 83,976 – මරණ – 4637
කැනඩාව – 67,674 – මරණ – 4697
පීරු – 61,847 – මරණ -1714
ඉන්දියාව – 59,695 – මරණ 1985
බෙල්ජියම -52,011 – මරණ – 8521
මේ අතර ශ්‍රී ලාංකික ශ්‍රමිකයින් ලක්ෂ සංඛ්‍යාත පිරිසක් රැකියා කරන අරාබි රටවල් රැසක් ද කොවිඩ්-19 අවදානමට ලක්ව සිටිනවා. ඒ අතර
සෞදි අරාබිය තුළ ආසාදිතයින් 35,432ක් වාර්තා වන කටාර් 20,201ක්, එක්සත් අරාබි එමීර් 16,693ක්, ක්වේටට් 7207ක් බහරේන් 4444ක් ඕමාන් 3112ක්, වශයෙන් ආසාදිතයින් වාර්තා කර තිබෙනවා.
