Covid-19 බලපෑමට ලක් වූ ‘පුද්ගලික අංශයේ වැටුප්’ ගෙවන්න එකගත්වයක්
- RSL
- October 27, 2020
- පුවත් සහ වාර්තා
- featured
- 0 Comments
පෞද්ගලික අංශයේ ආයතනවල වැඩ නොමැතිකම හේතුවෙන් සේවකයින් නිවෙස්වල නැවැත්වීමේ අවශ්යතාවයක් මතුවෙලා තියෙනවා නම්, අවසානවරට ගෙවපු මූලික වැටුපෙන් සියයට 50ක් හෝ රුපියල් 14,500 කියන මුදලෙන් දෙකෙන් වැඩි එක නිවසේ රඳවා සිටින සේවකයින්ට ගෙවීමට‘
පුද්ගලික අංශයේ සේවකයින්ට වැටුප් ගෙවීම සම්බන්ධයෙන් කාර්ය සාධක බලකාය තීරණය කර තිබෙන බව අද (27) පැවති අමාත්ය මණ්ඩල තීරණ දැනුම්දීමේ මාධ්ය හමුවේ දී අමාත්ය උදය ගම්මන්පිල මහතා පැවසීය.
මෙහිදී අමාත්යවරයා පැවසුවේ කොරෝනා වසංගත තත්ත්වය හේතුවෙන් ඇතිවී ඇති අර්බුදය හමුවේ පුද්ගලික අංශයේ සේවකයින්ට වැටුප් ගෙවීම සම්බන්ධයෙන් කාර්ය සාධක බලකායක් පත්කර තිබෙන බවත් සේවා යෝජකයින්, සේවක වෘත්තීය සමිති, ජාතික කම්කරු උපදේශක සභාව, කම්කරු අමාත්යාංශය සහ කම්කරු දෙපාර්තමේන්තුව නියෝජනය කරමින් එය පත්කර ඇති බවත්ය.
මෙහිදී එහිදී ගත් තීරණය පිළිබදව වැඩි දුරටත් කරුණු පැහැදිලි කළ අමාත්යවරයා,
‘ කොරෝනා වසංගත තත්ත්වය හේතුවෙන්, පෞද්ගලික අංශයේ වැටුප් ගෙවීම් හමුවේ මතුවී ඇති අර්බුදය පිළිබඳ කාර්ය සාධක බලකායක් පත්කර තිබෙනවා. මේ කාර්ය සාධක බලකාය සදහා සේවා යෝජකයින්, සේවක වෘත්තීය සමිති, කම්කරු උපදේශක සභාව, කම්කරු අමාත්යාංශය සහ කම්කර් දෙපාර්තමේන්තුව සිය නියෝජනය ලබා දෙනවා.
පසුගිය 2020 මැයි සිට සැප්තැම්බර් මාසය දක්වා පෞද්ගලික අංශයේ සේවකයන්ගේ වැටුප් ගෙවීම සම්බන්ධයෙන්, කාර්ය සාධක බලකාය එකගතා කිහිපයක් ඇතිකර ගෙන තිබෙනවා. එහි, පළමු දෙය තමයි, කොවිඩ් – 19 වසංගත තත්ත්වය හේතුවෙන් වැඩ නවත්වන ලද ආයතනවල ඒ වන විට සේවය කරමින් සිටි සේවකයින්ගේ රැකියා අහිමි නොකර ඔවුන්ව පවත්වා ගෙන යෑම.
දෙවැනි කාරණය, සමාජ දුරස්ථභාවය පවත්වා ගැනීමේ අවශ්යතාවය මත සේවකයන්ගේ යම් ප්රතිශතයක් නම් සේවයට කැඳවන්නේ, ඒ සේවයට කැඳවන සේවකයින්ව සාමානුපාතිකව සේවයේ යෙදීමට සුදුසු ක්රමවේදයක් සකස් කරගැනීම.
තෙවැනි කරුණ තමයි වැඩ නොමැතිකම සේවකයින් නිවෙස්වල නැවැත්වීමේ අවශ්යතාවයක් මතුවෙලා තියෙනවා නම්, අවසානවරට ගෙවපු මූලික වැටුපෙන් සියයට 50ක් හෝ රුපියල් 14,500 කියන මුදලෙන් දෙකෙන් වැඩි එක නිවසේ රඳවා සිටින සේවකයින්ට ගෙවීම. ඒ ගෙවන මුදලට අවශ්ය සේවක නියුක්ති භාරකාර අරමුදට හා සේවක අර්ථ සාධක අරමුදලට අවශ්ය ගෙවීම් සේවා යෝජකයන් විසින් සිදුකිරීම.
කොවිඩ් වසංගතය මේ වන විටත් රටපුරා පැතිරෙමින් තිබෙන නිසා, 2020 දෙසැම්බර් දක්වාම මේ එකගතා ක්රියාත්මක කිරීමට කාර්ය සාධක බලකාව තීරණය කර තිබෙනවා‘ යැයි ද අමාත්යවරයා සදහන් කළේය.
