එක්සත් ජනපද ජනාධිපති ඩොනල්ඩ් ට්රම්ප් කියා සිටියේ කොවිඩ් -19 වළක්වා ගැනීම සඳහා හයිඩ්රොක්සික්ලෝරොක්වීන් hydroxychloroquine භාවිතයට තමා දිගින් දිගටම අනුබල දෙන බවයි
කොරොන වයිරසයට කළ හැකි ප්රතිකාරයක් ලෙස මැලේරියාවට භාවිත කළ සාර්ථක ඖෂධයක් වන හයිඩ්රොක්සික්ලෝරොක්වීන් hydroxychloroquine පිළිබද පරීක්ෂා කිරීම නවතා දමා ඇති බව ලෝක සෞඛ්ය සංවිධානය පවසයි. පූර්වාරක්ෂාවක් ලෙස රටවල් කිහිපයක හයිඩ්රොක්සික්ලෝරොක්වීන් “තාවකාලිකව” අත්හිටුවා ඇති බවයි එහිදි වැඩිදුරටත් සදහන් වුණේ.
හයිඩ්රොක්සික්ලෝරොක්වීන් මගින් කොවිඩ් -19 ආසාදිතයින් මියයාමේ අවදානම වැඩි කළ හැකි බව මෑතකදී කළ වෛද්ය අධ්යයනයකින් පසුව මෙම තීරණය ගත් බවයි ලෝක සෞඛ්ය සංවිධානය ප්රකාශ කළේ.
එහෙත් ලෝක සෞඛ්ය සංවිධානයේ මතයට පටහැනිව ජනාධිපති ඩොනල්ඩ් ට්රම්ප් පවසා ඇත්තේ කොවිඩ්-19 වෛරසය වළක්වා ගැනීම සඳහා තමා මෙම ඖෂධය භාවිතයට ගන්නා බවයි.
මැලේරියාවට එරෙහිව යොදා ගන්නා මෙම ඖෂධය කොරෝනා රෝගය සදහා භාවිතයෙන් හෘදයාබාධ ඇතිවිය හැකි බවට සෞඛ්ය බලධාරීන් විසින් සිදුකර ඇති අනතුරු ඇඟවීම් නොතකා එක්සත් ජනපද ජනාධිපතිවරයා නැවත නැවතත් ප්රවර්ධනය කර තිබේ.
පසුගිය සතියේ වෛද්ය සඟරාවක් වන ද ලැන්සෙට් (The Lancet) හි කරන ලද අධ්යයනයකින් කියැවුණේ කොවිඩ්-19 ආසාදිතයින් හට හයිඩ්රොක්සික්ලෝරෝක්වීන් ප්රතිකාර කිරීමෙන් කිසිදු ප්රතිලාභයක් නොමැති බවත්, එය ගැනීමෙන් රෝගයෙන් මිය යන සංඛ්යාව පවා ඉහළ යා හැකි බවයි.
හයිඩ්රොක්සික්ලෝරොක්වයින් මැලේරියාව සඳහා පිළිගත් ඖෂධයක් වන අතර ආතරයිටීස් සදහා ද නිර්දේශ කර තිබෙන නමුත් කොවිඩ් -19 සඳහා ප්රතිකාර කිරීම පිළිබද සායනික අත්හදා බැලීම් කිසිවක් නිර්දේශ කර නොමැත. පර්යේෂකයන් පවසන්නේ කොවිඩ් -19 රෝගීන් සායනික අත්හදා බැලීම්වලින් බැහැරව හයිඩ්රොක්සික්ලෝරෝක්වින් භාවිතා නොකළ යුතු බවයි
කොවිඩ්-19 සදහා ප්රතිකාර කිරීමේදී ප්රයෝජනවත් විය හැකි තක්සේරු කිරීම සඳහා විවිධ ඖෂධවල සායනික අත්හදා බැලීම් කරන ලෝක සෞඛ්ය සංවිධානය, පුද්ගලයන් ස්වයං ඖෂධ ගැනීම පිළිබඳ වාර්තා පිළිබඳව මීට පෙර අවධානය යොමු කර තිබේ.
පසුගිය සඳුදා එක්සත් ජාතීන්ගේ සෞඛ්ය ඒජන්සියේ නිලධාරීන් පැවසුවේ ආරක්ෂිත තක්සේරුවක් සඳහා ඉතිරිව ඇති අත්හදා බැලීම්වලින් හයිඩ්රොක්සික්ලෝරොක්වීන් ඉවත් කරන බවයි.
ලැන්සෙට් අධ්යයනයට කොරොන වයිරස් රෝගීන් 96,000 ක් සම්බන්ධ වූ අතර, ඔවුන්ගෙන් 15,000 කට ආසන්න පිරිසකට තනිවම හෝ ප්රතිජීවක ඖෂධයක් සමඟ හයිඩ්රොක්සයික්ලෝරොක්වීන් හෝ ඊට සම්බන්ධ ක්ලෝරෝක්වීන් ලබා දී ඇත.
සංසන්දනාත්මක කණ්ඩායමක සිටින අනෙකුත් කොවිඩ් රෝගීන්ට වඩා රෝගීන් රෝහලේදී මියයාමට හා හෘද රිද්මයේ සංකූලතා ඇතිවීමට වැඩි ඉඩක් ඇති බව අධ්යයනයෙන් සොයාගෙන ඇත.
ප්රතිකාර කරන ලද කණ්ඩායම්වල මරණ අනුපාතය: හයිඩ්රොක්සික්ලෝරෝක්වින් 18%; ක්ලෝරෝක්වින් 16.4%; පාලන කණ්ඩායම 9%ක් විය. ප්රතිජීවක ඖෂධ සමඟ හයිඩ්රොක්සික්ලෝරොක්වීන් හෝ ක්ලෝරෝක්වීන් සමඟ ප්රතිකාර කළ අයට ඊටත් වඩා මරණ අනුපාතය තිබුණි.
මේ අනුව සායනික අත්හදා බැලීම්වලින් පරිබාහිරව හයිඩ්රොක්සික්ලෝරෝක්වින් භාවිතා නොකළ යුතු බව පර්යේෂකයෝ අනතුරු ඇඟවූහ.
මැයි 25 වැනි දින BBC health වාර්තාවක් ඇසුරිණි – සකස් කළේ – තුෂාධවි
