කොමිෂන් සභා 4කට ජනපති යෝජනා කළ නම් පාර්ලිමේන්තු සභාවෙන් අනුමතයි
කථානායක මහින්ද යාපා අබේවර්ධන මහතාගේ ප්රධානත්වයෙන් අද (03) රැස් වූ පාර්ලිමේන්තු සභාව විසින් කොමිෂන් සභා 4 ක් සඳහා ජනාධිපතිවරයා විසින් ඉදිරිපත් කළ නම් සඳහා අනුමැතිය හිමිවී තිබේ.
එසේ අනුමැතිය හිමිවූ කොමිෂන් සභා වන්නේ ජාතික මැතිවරණ කොමිෂන් සභාව, පොලිස් කොමිසම, අල්ලස් කොමිසම සහ රාජ්ය සේවා කොමිෂන් සභාවයි.
ජනාධිපති ගෝඨාභය රාජපක්ෂ මහතා විසින් ජාතික මැතිවරණ කොමිෂන් සභාවේ සභාපති ලෙස නීතිඥ නිමල් ජී. පුංචිහේවා මහතාත්, රාජ්ය සේවා කොමිෂන් සභාව සඳහා විනිසුරු ජගත් බාලපටබැඳි මහතාත්, පොලිස් කොමිසම සඳහා හිටපු පොලිස්පති චන්ද්රා ප්රනාන්දු මහතාත්, අල්ලස් කොමිසම සඳහා විනිසුරු ඊවා වනසුන්දර මහත්මියත් නම් කරනු ලැබීය.
මානව හිමිකම් කොමිෂන් සභාවට සහ සීමා නීර්ණය කොමිෂන් සභාවට ඉදිරිපත් කළ නම් සඳහා ඉදිරියේදී අවශ්ය නිර්දේශ ඉදිරිපත් කිරීමට පාර්ලිමේන්තු සභාව බලාපොරොත්තු වන බව ද වාර්තා වේ.
