ශිෂ්යත්ව විභාගය: සෞඛ්ය ආරක්ෂාව – ප්රවාහන සේවා ඇතුළු පහසුකම් සූදානම්
- RSL
- October 10, 2020
- පුවත් සහ වාර්තා
- featured
- 0 Comments
පහ ශ්රේණිය ශිෂ්යත්ව විභාගයට මුහුණ දෙන දරුවන්ගේ ආරක්ෂාව සදහා සියලු පහසුකම් සපයා ඇති බවත් අදාළ විභාගය දිවයිනේ සියලු දිස්ත්රික්කවල නියමිත පරිදි පැවැත්වීමට රජය විධි විධාන යොදා ඇති බවත් අධ්යාපන ඇමැති මහාචාර්ය ජී.එල්. පීරිස් මහතා පැවසුවා.
අද පෙරවරුවේ (10) මාළඹේ ශ්රී රාහුල බාලිකා මහ විද්යාලයේ නිරීක්ෂණ චාරිකාවකට පැමිණි අවස්ථාවේදී මාධ්ය හමුවේ අදහස් දක්වමිනුයි අධ්යාපන අමාත්යවරයා මේ බව පවසා සිටියේ.
සෞඛ්ය ආරක්ෂිත ක්රමවේදවලට අනුකූලව විභාග මධ්යස්ථාන සකස් කර ඇත්දැයි යන්න මෙහිදී අමාත්යවරයාගේ නිරීක්ෂණයට ලක්විය.
මේ අතර හෙට (11) දින ධාවනය වන දුම්රියවල ශිෂ්යත්ව විභායට සහභාගී වන දරුවන් සදහා පමණක් දුම්රිය මැදිරි දෙකක් වෙන් කර ඇති බව දුම්රිය දෙපාර්තමේන්තුව නිවේදනයක් නිකුත් කරමින් සදහන් කළා. එහි වැඩි දුරටත් සදහන් වුණේ උසස් පෙළ සහ ශිෂ්යත්ව විභාගය සඳහා සහභාගී වන සිසුන්ගේ ගමන් පහසුව සඳහා සෞඛ්යාරක්ෂිත දුම්රිය මැදිරි වෙන් කර දුම්රිය ධාවනය කිරීමට පියවර ගෙන තිබෙන බවයි.
විශේෂ නිවේදනයක් නිකුත් කරමින් ශ්රී ලංකා ගමනා ගමන මණ්ඩලය කියා සිටින්නේ ශිෂ්යත්ව විභාගයට පෙනී සිටින දරුවන් සදහා සිසුසැරිය බස් රථ දිවයින පුරාම ධාවනය කිරීමට ශ්රී ලංකා ගමනා ගමන මණ්ඩලය සියලු කටයුතු සංවිධානය කර ඇති බවයි.
හෙට දින පැවැත්වෙන ශිෂ්යත්ව විභාගය හා සම්බන්ධ ආරක්ෂක කටයුතු ගැන නිවේදනයක් නිකුත් කරමින් පොලිස් මාධ්ය ප්රකාශකවරයා කියා සිටියේ ශිෂ්යත්ව විභාගයට පෙනී සිටින දරුවන් සමග මවට හා පියාට ගමන් කළ හැකි බවයි.
විභාගය අවසන් වූ විට එකිනෙකා රැස්වී කටයුතු නොකරන ලෙස ද පොලිස් මාධ්ය ප්රකාශකවරයා දෙමාපියන්ගෙන් විශේෂ ඉල්ලීමක් ද කළා.
