කොරෝනා වෛරස ව්‍යාප්තිය හේතුවෙන් ලබාදුන් සහන කාලයේ දී නොගෙවූ ණය වාරික සඳහා උපරිමය 7% කට යටත්ව අතිරේක පොලියක් අයකර ගැනීමට බැංකුවලට අවසර දුන් බව ශ්‍රී ලංකා මහ බැංකුව නව මූල්‍ය ප්‍රතිපත්ති විවරණය පිළිබඳව අදහස් පල කරමින් එහි ජ්‍යෙෂ්ඨ නියෝජ්‍ය අධිපති නන්දලාල් වීරසිංහ මහතා මේ බව සඳහන් කළේය.
කෙසේ නමුත් මෙම අතිරේක පොලිය අයකර ගැනීමට අවස්ථාව දී ඇත්තේ ගනුදෙනුකරුවන් සමග සාකච්ඡා කර ණය ගිවිසුම අලුත් කිරීමෙන් පසුව පමණක් යැයිද ඔහු වැඩි දුරටත් සදහන් කළේය.
මහ බැංකුවේ මෙම තීරණය සම්බන්ධයෙන් ගනුදෙනුකරුවන් අතර දැඩි ව්‍යාකූලත්වයක් සහ කෝපයක් වර්ධනය වෙමින් පවතින අතර ඔවුන් පෙන්වා දෙන්නේ ආර්ථික ක්‍රියාකාරීත්වය සහ ව්‍යාපාර කටයුතු තව දුරටත් දුර්වල තත්ත්වයක පවතින අවස්ථාවක මෙවැනි තීරණයක් ගැනීම තමන් කබලෙන් ලිපට වැටීමක් බවයි.
