මත්ද්‍රව්‍යවලට ඇබ්බැහිවූවන් පුනරුත්ථාපනය කරනු ලබන කන්දකාඩු පුනරුත්ථාපන මධ්‍යස්ථානයේ ඇති වී තිබෙන කොරෝනා පොකුරෙන් සමාජ සම්පේ‍්‍රශණයක් සිදුවීමට ඇති ඉඩකඩ ඉතා අඩු බව සෞඛ්‍ය සේවා අධ්යක්ෂ ජනරාල් විශේෂඥ වෛද්‍ය අනිල් ජාසිංහ මහතා අද (10) පැවැති මාධ්‍ය සාකච්ඡුාවකදී අවධාරණය කළේය.
එහිදී කන්දකාඩු කඳවුර තුළ ඇති වී තිබෙන තත්ත්වය ගැන මාධ්‍ය වෙත කරුණු පැහැදිලි කරමින් අනිල් ජාසිංහ මහතා කියා සිටියේ කන්දකාඩු කඳවුර තුළ ඇති වී තිබෙන තත්ත්වය වැලිසර නාවික හමුදා කඳවුරේ ඇති වූවාට වඩා ප්‍රබලත්වයෙන් අඩු එකක් බවයි.
මේ වන විටත් එමගින් සමාජ පැතිරීමක් වැළැක්වීම සඳහා අවශ්‍ය සියලූ ක්‍රියාමාර්ග ගෙන ඇති බවද ඔහු කියා සිටියේය.
මෙහිදී ජනතාව වෙත විශේෂ පණිවුඩයක් නිකුත් කරමින් සෞඛ්‍ය සේවා අධ්යක්ෂ ජනරාල්වරයා කියා සිටියේ මේ වනවිට පාලනය කළ තත්වයක් යටතේ ජනතාවට ලබා දී ඇති සෞඛ්‍ය මාර්ග උපදේශ විශාල ලෙස නොතකමින් කටයුතු කරන බව පෙනී යන බවයි.
‘සමාජය තුළ වෛරසය පැවතිය හැකි බැවින් එයින් ආරක්ෂා වීම සඳහා සියලු දෙනාම දෙනා මුඛ ආවරණ පැලදීම, සමාජ දුරස්ථභාවය රැකීම, නිතර අත් සේදීම යන ප්‍රධාන කාරණා තුන අනිවාර්යෙන්ම පිළිපැදිය යුතු බවද සෞඛ්‍ය සේවා අධ්යක්ෂ ජනරාල්වරයා යළිත් අවධාරණය කළේය.
