Body Bags 1000 ලබාගැනීම ගැන සෞඛ්ය සේවා අධ්යක්ෂ ජනරාල් කරුණු පැහැදිලි කරයි
- RSL
- April 27, 2020
- උණුසුම් පුවත්, පුවත් සහ වාර්තා
- featured
- 0 Comments
මෘත ශරීර බහාලන බෑග් (Body Bags) 1000 ජාත්යන්තර රතු කුරුස කමිටුවෙන් (ICRC) ලබාගැනීම සඳහා සෞඛ්ය අමාත්යාංශය සිදු කල ඉල්ලීම පිළිබඳව සෞඛ්ය සේවා අධ්යක්ෂ ජනරාල්වරයා කරුණු පැහැදිලි කරයි.
මෘත ශරීර බහාලන බෑග් 1000 ක ප්රමාණයක් ජාත්යන්තර රතු කුරුස කමිටුවෙන් ඉල්ලා සිටියේ කොවිඩ් -19 ආසාදනයෙන් එතරම් මරණ සංඛ්යාවක් සිදුවෙතැයි බලාපොරොත්තුවෙන් නොවන බව සෞඛ්ය සේවා අධ්යක්ෂ ජනරාල් විශේෂඥ වෛද්ය අනිල් ජාසිංහ මහතා අවධාරණය කරයි.
දැනට ශ්රී ලංකාවේ ක්රියාත්මක සාර්ථක කොවිඩ් -19 ව්යාප්තිය පාලනය කිරීමේ වැඩපිලිවෙල අනුව එබඳු අවාසනාවන්ත තත්වයක් කිසිසේත්ම ඇතිවිය නොහැකිය. ශ්රී ලංකාවේ, කොවිඩ් -19 නිසා සිදුවන මරණ අනුපාතය ඉතාම අඩුය. රෝගීන් ප්රමාණයද අඩුය. මේ දක්වා දිවයිනේ විවිධ ප්රදේශවල මතුවූ කොවිඩ් -19 පොකුරු වලින් තවදුරටත් රෝගය ව්යාප්ත නොවීමට අවශ්ය සාර්ථක ක්රියාමාර්ග ගෙන තිබේ.
එහෙත් මෘත ශරීර බහාලන බෑග් පමණක් නොව සෞඛ්ය අමාත්යාංශයේ වෛද්ය සැපයුම් අංශය විසින් ඖෂධ වර්ග සහ වෛද්ය උපකරණ තොග යම් නිශ්චිත ප්රමාණයකින් පවත්වාගෙන යයි. එය තාක්ෂණික අවශ්යතාවකි.
මේ අතර එම තොග තත්වය අඩු නොවී පවත්වා ගැනීමට අනගි අවස්ථාවක් ජාත්යන්තර රතු කුරුස කමිටුවේ සම්බන්ධීකරණයෙන් අපවෙත ලැබී තිබේ. එම අවස්ථාව ප්රයෝජනයට ගැනීම පමණක් මෙහිදී සිදුව තිබේ.
එසේම කොවිඩ් -19 නිසා සිදුවන මරණවලදී පමණක් නොව විවිධ විශේෂිත තත්ව හා ආපදා අවස්ථා වලදී මෘත ශරීර සම්බන්ධ අවසන් කටයුතු කිරීම දක්වාම විශේෂිත බෑග් වල බහා තැබීම අලුත් කරුණක් නොවේ. උදාහරණ ලෙස පාස්කු දින ප්රහාරයෙන් මියගිය අයගේ දේහද මෙසේ තැන්පත් කර තිබිණි. මෙය ජාත්යන්තර වශයෙන් අනුගමනය කරන විශේෂිත ක්රමවේදයකි.
කරුණු මෙසේ වනහෙයින් මෙම සිදුවීමට අදාලව අනවශ්ය බියක් ඇතිකරගත යුතු නැතැයි සෞඛ්ය සේවා අධ්යක්ෂ ජනරාල් විශේෂඥ වෛද්ය අනිල් ජාසිංහ මහතා පෙන්වා දෙයි
