ශ්රී ලංකා කණ්ඩායමේ හිටපු නායකයෙකු වන මාවන් අතපත්තුගේ කාමරයේ රුපියල් මිලියන එක හමාරක් තිබීම නිසා හොරා වෙන කිසිවෙකු නොව මාවන් අතපත්තු බව ද තිලංග සුමතිපාල මහතා මෙහිදී කියා සිටියා.
දේශීය සහ ජාත්යන්තර වශයෙන් දැඩි අවධානයට ලක්ව ඇති 2011 ලෝක කුලසාන අවසන් මහා තරගය පවා දුන්නේ යැයි හිටපු ක්රීඩා අමාත්යවරයෙකු වන මහින්දානන්ද අලුත්ගමගේ කළ ආන්දෝලනාත්මක ප්රකාශයේ තවත් පරිච්ඡේදයක් අද (24) නාවලපිටියේදී ලියවුණා. ඒ මහින්දා නන්ද අලුත්ගමගේ මහතා අද දින නාවලපිටිය මහින්දානන්ද පදනම් කාර්යයාලයේ පැවති විශේෂ මාධ්යය හමුවකදි කළ හෙළිදරව්වක් සමගයි.
මෙහිදී මාධ්ය හමුවේ අදහස් දක්වමින් මහින්දානන්ද අලුත්ගමගේ මහතා මෙසේ සදහන් කළා.
2011 ලෝක කුසලානය පවාදීමට අදාළ සියලු තොරතුරු භාර දුන්නා – මහින්දානන්ද
‘2011 ලෝක කුසලාන අවසන් මහා තරගය පවා දිම සම්බන්ධයෙන් මම කළ හෙළිදරව්වට අදාළ පිටු හයකින් සමන්විත පැමිණිල්ලක් අද දින පොලිස් විශේෂ විමර්ෂණ අංශයට භාර දුන්නා. පොලිස් විශේෂ විමර්ෂණ අංශයේ නිලධාරින් පිරිසක් අද දින උදැසන නාවලපිටිය මගේ කාර්යාලයට ඇවිත් මේ පැමිණිල්ල සටහන් කරගෙන ගියා. ඒ වගේම එම පැමිණිල්ලට අදාළ ලියකියවිලි අටක්ද පොලිස් විශේෂ විමර්ෂණ අංශයට මම භාර දුන්නා‘
‘ලෝකයේ ටෙස්ට් ක්රීඩා කරන රටවල් 12 අතර තරග පවාදිම සම්බන්ධයෙන් ශ්රි ලංකා ක්රිකට් කණ්ඩායමේ නමද ඇතුලත් වෙලා තිබෙනවා. මේ සම්බන්ධයෙන් පරික්ෂණයක් පවත්වන ලෙස හිටපු ක්රීඩා අමාත්යය හරින් ප්රනාන්දු මහතාට අන්තර්ජාතික ක්රිකට් කම්ටුව විශේෂ ලිපියක් එවා තිබුණා‘
මෙහිදී මහින්දා නන්ද අලුත්ගමගේ මහතා ජනමාධ්ය වෙතින් ඉල්ලා සිටියේ එම තරග පවාදිම සම්බන්ධයෙන් පවතින සැකය සම්බන්ධයෙන් දැනට පොලිස් විශේෂ විමර්ෂණ අංශය මගින් විමර්ෂණයක් ආරම්භ කර ඇති නිසා තවදුරටත් ඒ පිළිබදව කතා නොකරන ලෙසයි.
මහේල ජයවර්ධනට මුල මතක නැහැ – තිලංග සුමතිපාල
මේ අතර 2011 ලෝක කුසලානය අවසන් මහා තරගය පවා දුන්නේ යැයි හිටපු ක්රීඩා අමාත්යවරයෙකු වන මහින්දානන්ද අලුත්ගමගේ මහතා කළ හෙළිදරව්වට ප්රතිචාර දක්වමින් ක්රිකට් පාලක මණ්ඩලයේ හිටපු සභාපතිවරයෙකු සහ ශ්රී ලංකා නිදහස් පක්ෂයේ උප සභාපතිවරයෙකු වන තිලංග සුමතිපාල මහතා අද (24) ‘හරි‘ අන්තර්ජාල නාළිකාව සමග ප්රකාශ කළා. එහිදී තිලංග සුමතිපාල මහතා කියා සිටියේ 2011 ලෝක කුසලානය තරග තරග පාවා දීම සඳහා පස් දෙනෙක් සිටි බව ප්රමෝද්ය වික්රමසිංහ විසින් නම් කර තිබූ බවයි.
ශ්රී ලංකා කණ්ඩායමේ හිටපු නායකයෙකු වන මාවන් අතපත්තුගේ කාමරයේ රුපියල් මිලියන එක හමාරක් තිබීම නිසා හොරා වෙන කිසිවෙකු නොව මාවන් අතපත්තු බව ද තිලංග සුමතිපාල මහතා මෙහිදී කියා සිටියා.
‘මම එදා ශ්රී ලංකා ක්රිකට් පාලක මණ්ඩලයේ හිටියේ නැතිනම් මුරලිදරන් කෙනකු නැහැ. ඒ වගේම තමයි ‘ලක්බිම’ කියා බැට් එකේ අලවාගෙන ක්රිකට් පිටියට ආ පුංචි කොල්ලාට (සුමතිපාල මහතා මේ කියන්නේ මහේල ජයවර්ධන ගැන වන අතර ආරම්භක යුගයේදී මහේල ජයවර්ධනට ක්රිකට් ක්රීඩාව සදහා අනුග්රහය දැක්වූයේ ලක්බිම පුවත්පත් ආයතනයයි) දැන් මුල මතක නැහැ‘
සටහන – තීක්ෂණ වෙළෙන්එගොඩ
