ලෝකෙට ලොක්කන් වූ ඇමෙරිකානු ජනපතිවරුන්ගේ ‘බලු සුරතල්’
හිටපු ජනපති ඩොනල්ඩ් ට්රම්ප් 100ක් පුරා ඇමෙරිකානු ජනාධිපතිවරුන් විසින් පවත්වා ගෙන ගිය සුන්දර සම්ප්රදායක් බිද දැමුවා. ඒ තමයි සුරතල් සතෙකු ඇති නොකිරීම. ට්රම්ප් ඇමෙරිකානු ජනතාව සහ ලෝකය, විශේෂයෙන් චීනය සමග සෙල්ලම් කළ නිසා සුරතල් සතෙක් අවශ්ය නොවන්න ඇති !
ඒත් නව ජනපති බිඩෙන් සුරතල් සතුන් එකෙක් නොව දෙන්නෙක්ම ධවල මන්දිරයට රැගෙන ආවා. මේ සමග ලෝකයේ අවධානය ධවල මන්දිරයේ සුරතල් සතුන් දෙස යොමු වුණා. ඒ නිසා බී.බී.සී ය 1922 සිට 2021 දක්වා ධවල මන්දිරයේ ජනප්රිය සුරතල් සතුන් ගැන ඡායාරූප විශේෂාගයක් පළ කළා. මේ ඒ ඡායාරූපමය විශේෂාංගය.
1922 දී ධවල මන්දිර උද්යානයේ වාර්ෂික පාස්කු සඳුදා ළමුන්ගේ බිත්තර පෙරළීම නරඹන ජනාධිපති වොරන් ජී හාඩිං සහ ආර්යව සමග ඔවුන්ගේ සුරතල් සුනඛයා වන ලැඩී බෝයි ද සිටී.
ලැඩී බෝයි 1921 ධවල මන්දිරයේදී උපන්දින කේක් රස විඳින අයුරු.
ජනාධිපති කැල්වින් කූලිජ්ගේ බිරිඳ වන ග්රේස් කූලිජ් ආර්යාව ඔවුන්ගේ සුරතල් රකූන් සමග.
ජනාධිපති ආර්යා ග්රේස් කූලිජ් සහ රෙබෙකා රකූන් 1927 අප්රියෙල් 18 වන දින ධවල මන්දිරයේ බිත්තර පෙරළීමේ උත්සවයේදී පෙනී සිටියි. පවුලේ අය ධවල මන්දිරයෙන් පිටව ගිය පසු රෙබෙකා සත්වෝද්යානයකට යවනු ලැබුවේ වෙනත් රකූන් සමඟ ජීවත් වීමටය.
ජනාධිපති කූලිජ් සහ ජනාධිපති ආර්යාව සුරතල් සුනඛයෙකු ද ඇති අතර ඔවුන් තිදෙනාම 1927 දී ධවල මන්දිරයෙන් පිටතදී දැකගත හැකි විය.
ජනාධිපති හූවර් ධවල මන්දිරයට තවත් අසාමාන්ය සුරතල් සතෙකු හඳුන්වා දුන්නේය. ඒ කැලෑ ඔපෝසම් සතෙකි. මෙම සත්වයා ධවල මන්දිරයේ පොලිස් නිලධාරියෙකු සමග
කෙනඩි පවුලේ සුනඛයන් වන චාලි සහ පුෂින්කා 1961 දී ඡායාරූප වෙනුවෙන් පෙනී සිටී
ජනාධිපති ජෝන් එෆ් කෙනඩි 1962 දී වර්ජිනියාවේ සිය බල්ලා චාලි සමඟ
කෙනඩි මහතාගේ දියණිය කැරොලයින්ට ලින්ඩන් බී ජොන්සන් විසින් මැකරෝනි නම් පොනියක් ලබා දෙන ලදී. ජනාධිපති, කැරොලයින් සහ මැකරෝනි 1962 දී ඕවල් කාර්යාලයෙන් පිටත.
ජනාධිපති ලින්ඩන් ජොන්සන් 1964 දී ධවල මන්දිරයේ මාධ්ය බලකායේ සාමාජිකයන් සමඟ කතා කරන විට ඔහුගේ සුරතල් සුනඛයා ද ප්රදර්ශනය කරයි.
ජනාධිපති ජොන්සන් 1965 දී ධවල මන්දිර ක්රීඩාංගණයේ දී මාධ්යවේදීන් සමඟ ඔහුගේ බල්ලන් හිම් (ඉදිරිපස වමේ) සහ බ්ලැන්කෝ (ඉදිරිපස දකුණේ) ඇවිද යයි.
ජනාධිපති ජොන්සන් 1967 දී සිය සුරතල් සුනඛයා වූ යූකි උකුලේ තබා ගෙන යමක් අත්සන් කිරීමට උත්සාහ කරයි. ජොන්සන් මහතාගේ දියණිය වන ලුසී 1966 දී ස්තුති දීමේ දිනයේදී යූකිව තම මව්බිම වන ටෙක්සාස්හි පෙට්රල් නැවතුම්පොළකදී සොයා ගත්තාය.
ජනාධිපති ජෙරල්ඩ් ආර් ෆෝඩ් 1975 දී ධවල මන්දිරයේ විධායක නිවාසයේ ලිබර්ටි නම් ඔහුගේ නව සුරතල් සුනඛයා සමග සෙල්ලම් කරයි.
ජනාධිපති රොනල්ඩ් රේගන් සහ බ්රිතාන්ය අගමැති මාග්රට් තැචර් 1985 දී ධවල මන්දිර තණබිම මත ‘ලකී‘ සමග
ජනාධිපති ආර්යාව බාබරා බුෂ් සහ ඇගේ මිණිබිරිය මාෂල් ලොයිඩ් බුෂ් 1989 දී බුෂ්ගේ සුරතල් සුනඛයා මිලී සහ ඇගේ පැටවුන් පැටවුන් දෙස බලයි.
ජනාධිපති බිල් ක්ලින්ටන් 1993 දී සොක්ස් සුරතල් බළලා සමඟ ඇවිද යයි.
(වමේ) ජනාධිපති බිල් ක්ලින්ටන්, ජනාධිපති ආර්යාව හිලරි ක්ලින්ටන් සහ ඔවුන්ගේ දියණිය චෙල්සි ක්ලින්ටන් 1998 දී ධවල මන්දිරයේ තණබිම මත බඩ්ඩි සමග ඇවිදින අයුරු. (දකුණේ) බඩි 1999 දී ක්ලින්ටන් මහතාට සුබ පතයි.
ජනාධිපති බැරැක් ඔබාමා සහ ජනාධිපති ආර්යාව වන මිෂෙල් ඔබාමා 2010 දී ධවල මන්දිරයේ තණබිම මත තම බල්ලා ‘බෝව‘ රැගෙන යති.
බෝ සුනඛයා 2009 දී මැසචුසෙට්ස් හි එයාර් ෆෝස් වන් නැවට ගොඩවීමට බලා සිටී.
ජනාධිපති බිඩන් සිය නව පරිපාලනය 2021 ජනවාරි මාසයේදී ආරම්භ කරන විට පළමු සුනඛ මේජර් ජර්මානු ෂෙපර්ඩ් චැම්ප් සමඟ ධවල මන්දිරයට පැමිණේ.
බී.බී.සී. වාර්තාවකි – සැකසුම – තීක්ෂණ වෙළෙන්එගොඩ
