දකුණු නයිජීරියාවේ කඳුකරයේ දුර්ලභ ගෝරිල්ලන් සමූහයක් පෙන්වන ඡායාරූප වසර ගණනාවකට පසු පළමු වරට නිකුත් කර ඇති බව සංරක්ෂණවේදීන් පවසයි. ජාත්‍යන්තර රාජ්‍ය නොවන සංවිධානයක් වන නයිජීරියාවේ ඩබ්ලිව්සීඑස් පැවසුවේ එම්බේ කඳුකරයේ කැමරා උගුල් මගින් මෙම ඡායාරූප ලබා ගත් බවයි.
ක්‍රොස් රිවර් ගෝරිල්ලන් (Cross River gorillas) 300 ක් පමණක් මේ වන විට නයිජීරියාව තුළ ජීවත් වන අතර ඔවුන් වඩාත් වඳවීමේ තර්ජනයට ලක්ව ඇති උප විශේෂයන් බවට පත්ව ඇත.
නමුත් වනජීවී සංරක්ෂණ සංගමය (WCS) පවසන්නේ මෙම දර්ශන මගින් වඳවීමේ අවදානමට ලක්ව ඇති ක්‍රොස් රිවර් ගෝරිල්ලන් සැබවින්ම ප්‍රජනනය කරනු ඇතැයි යන බලාපොරොත්තුව මතු කරන බවයි.
මෙම වසර මුලදී ගත් ඡායාරූප වල ළදරු ගෝරිල්ලන් ගණනාවක් දැකිය හැකිය.
‘මිනිසුන්ගෙන් පරිස්සම් වන්න’
ක්‍රොස් රිවර් ගෝරිල්ලන් යනු ලොව දුර්ලභ මහා වානරයා බව ‘සොබාදහම සදහා වූ ලෝක ව්‍යාප්ත අරමුදල’ The World Wide Fund for Nature (WWF) says පවසයි.
කදුකර ගෝරිල්ලන් නයිජීරියාවේ සහ අසල්වැසි කැමරූන් හි සමහර කඳුකර ප්‍රදේශවල ජීවත් වන බව දන්නා නමුත් කලාතුරකින් දක්නට ලැබේ. ඩබ්ලිව්සීඑස් පවසන්නේ ප්‍රජා සංවිධාන, එම්බී කඳුකරයේ සංරක්ෂණ සංගමය මෙන්ම නයිජීරියාවේ ක්‍රොස් රිවර් ප්‍රාන්තයේ බලධාරීන් සමඟ සමීපව කටයුතු කරමින් මෙම ගෝරිල්ලන් ආරක්ෂා කිරීමට පියවර ගන්නා බවයි.
බී.බී.සී. වාර්තාවක් අසුරිණි – සැකසුම – තුෂාල් විතානගේ
