ු‘ස්වයං-ලිහිසි කරන රබර් කිරි කොන්ඩම් – Self-lubricating condom සෑදීම සඳහා ක්‍රමයක් සොයාගෙන ඇති බව පර්යේෂණ කණ්ඩායමක් පවසයි.
‘සංසර්ග ක්‍රියාවලිය පුරාම පැවතිය යුතු විශේෂ කල් පවතින ආලේපනයකට ස්තූතිවන්ත වන බව. බිල් සහ මෙලින්ඩා ගේට්ස් පදනමේ සහාය ඇතිව පර්යේෂණවල නිරත වූ මෙම පර්යේෂකයින් කණ්ඩායම පවසයි.
ඔවුන් බලාපොරොත්තු වන්නේ තම සොයා ගැනීම මගින් කොන්ඩම් භාවිතය වඩාත් ආකර්ෂණීය කරවන අතර එමඟින් ලිංගිකව සම්ප්‍රේෂණය වන ආසාදන (ලිංගාශ්‍රිත රෝග) මෙන්ම අනවශ්‍ය ගැබ්ගැනීම් වලක්වනු ඇති බවයි.
ප්‍රමාණවත් ලිහිසිකරණයකින් තොරව ලිංගිකව හැසිරීම වේදනාකාරී විය හැකි අතර කොන්ඩම් පුපුරා යාම හෝ ලිස්සා යා හැකිය.
නිවැරදිව භාවිතා කරන විට, කොන්ඩම් ඉතා ඵලදායී උපත් පාලන ක්‍රමයක් වන නමුත් බොහෝ දෙනකු කොන්ඩම් භාවිතයට කැමති නැත.
කොන්ඩම් භාවිතා කිරීම පහසු කිරීම සඳහා ඒවා බොහෝ විට දැනටමත් ලිහිසි කර ඇති නමුත් සමහර විට මෙය සුවපහසුව සඳහා ප්‍රමාණවත් නොවන බවට මැසිවිලි ඇත.
පර්යේෂකයන් පවසන්නේ ‘ස්වයං-ලිහිසි කරන කොන්ඩම් ශරීර තරලය සමඟ සම්බන්ධ වූ වහාම සැබවින්ම ලිස්සන සුළු වන අතර එය වඩාත් ප්‍රබෝධජනක බවයි‘.
‘එය සංසර්ගය තුළ සිදුවන තෙරපීම් 1,000කට පමණ ඔරොත්තු දෙනවා. සැබිවින්ම එය විස්මයක්‘
පර්යේෂකයන්ට අනුව, සංසර්ගය සාමාන්‍යයෙන් එම කාලයෙන් අඩක් පවතින නමුත් සමහර විට ඒවා දීර්ඝ කාලයක් සිදු වෙනවා.
සංසන්දනය සඳහා පරීක්ෂා කළ විට, ජලය මත පදනම් වූ දියර ලිහිසි තෙල් සමඟ ආලේප කර ඇති සාමාන්‍ය කොන්ඩම් මුලින් වඩා ලිස්සන සුළු වූ නමුත් තෙරපුම 6ක් පමණ වූ පසු එය අඩු වෙනවා.
පර්යේෂණයේ පියවරක් ලෙස සාමාන්‍ය කොන්ඩම් සහ පර්යේෂකයින් විසින් සොයා ගත් නව කොන්ඩම් යන වර්ග දෙකම භාවිත කර ශ්‍රේණිගත කරන ලෙස ස්වේච්ඡා සේවකයන් 33 දෙනකුට ලබාදී තිබෙනවා.
ස්ත්‍රීන් හා පුරුෂයින් 33 දෙනාගෙන් බොහෝ දෙනෙක් ස්වයං-ලිහිසි කිරීම වඩා ඉහළින් ඇගයීමට ලක් කළ බවයි පර්යේෂකයින් කියන්නේ.
බොස්ටන් විශ්ව විද්‍යාලයේ පර්යේෂක මහාචාර්ය මාක් ග්‍රින්ස්ටාෆ් පැවසුවේ ‘ එය වියළී යන විට මඳක් සිහින් බවක් දැනෙනවා. නමුත් ජලය හෝ ස්වාභාවික තරල තිබියදී එය සැබවින්ම සිනිඳුයි. එය ක්‍රියාත්මක කිරීමට ඔබට අවශ්‍ය වන්නේ තරල ස්වල්පයක් පමණයි.”
පර්යේෂකයන් පවසන්නේ ‘සැබෑ ජීවිත සැකසුම් තුළ ස්වයං-ලිහිසි කරන කොන්ඩම් වෙනත් වෙළඳ නාමවල කොන්ඩම් වලට සාපේක්ෂව කොතරම් හොඳින් ක්‍රියා කරනවාද යන්න සංසන්දනය කිරීමට තවත් පරීක්ෂණ අවශ්‍ය බවයි‘
මහාචාර්ය ග්‍රින්ස්ටාෆ් පවසන්නේ සායනික අත්හදා බැලීම් ලබන වසරේ මුලදී ආරම්භ කළ හැකි බවයි.
නියාමන අනුමැතියට යටත්ව විශ්වවිද්‍යාලයෙන් බාහිර සමාගමක් වාණිජ වෙළඳපොළ සඳහා නිෂ්පාදනයක් සංවර්ධනය කිරීමට සැලසුම් කරමින් සිටී.
පහසුව
බෙල්ෆාස්ට් හි ක්වීන්ස් විශ්ව විද්‍යාලයේ ආචාර්ය නිකොලා අර්වින් සෞඛ්‍යාරක්‍ෂක ද්‍රව්‍ය හා තාක්‍ෂණය පිළිබඳ විශේෂඥවරියකි. සංසර්ගය අතරතුර කොන්ඩම් භාවිතයේ සුවපහසුව වැඩි දියුණු කිරීම සඳහා මුත්‍රා කැතීටර්වල සමාන “හයිඩ්‍රොෆිලික් – “hydrophilic ආලේපන භාවිතා කර ඇති බව ඇය පැවසුවාය.
“මෙම ආලේපිත කැතීටර්, පොදුවේ ගත් කල, වෙනස් නොකළ ආලේපිත සහ ජෙල්-ලිහිසි කරන ලද උපාංගවලට වඩා වැඩි පරිශීලක පිළිගැනීමක් සමඟ සම්බන්ධ වෙනවා. මෙම පරිශීලක මනාපය ප්‍රධාන වශයෙන් ඇතුළත් වන්නේ ඇතුළු කිරීම මත ඇති වන අපහසුතා මට්ටම අඩු කිරීම සහ හැසිරවීමේ පහසුව සහ පහසුව සදහායි‘
“අලුතින් සංවර්ධනය කරන ලද හයිඩ්‍රොෆිලික් ආලේපිත කොන්ඩම් වලට සමාන ප්‍රතිලාභ ලබා ගත හැකි යැයි අපේක්ෂා කළ හැකි නමුත් අපට තවත් අත්හදා බැලීම් අවශ්‍යයි‘ ඇය පැවසුවාය.
මේ අතර, ඕස්ට්‍රේලියාවේ වොලොංගොං විශ්ව විද්‍යාලයේ පර්යේෂකයෝ රබර් කිරි හෝ රබර් වලට වඩා දැඩි හයිඩ්‍රොජල් වලින් ස්වයං ලිහිසි කරන කොන්ඩම් නිපදවීමට කටයුතු කරමින් සිටිති .
පොදු කොන්ඩම්වල දුර්වලතා
- සමහර hand creams ඇතුළු තෙල් මත පදනම් වූ නිෂ්පාදන රබර් කිරි කොන්ඩම් වලට හානි කළ හැකි බැවින් ඒවා වළක්වා ගැනීම වැදගත්ය. ඒ වෙනුවට සිලිකොන් හෝ ජලය මත පදනම් වූ ලිහිසි තෙල් භාවිතා කරන්න
- කොන්ඩම් නැවත භාවිතා නොකරන්න
- කොන්ඩම් පහසුවෙන් හානි විය හැකි බැවින් ඔබ ඒවා ගබඩා කරන්නේ කෙසේදැයි සැලකිලිමත් වන්න, විශේෂයෙන් ඒවා පසුම්බියක, සාක්කුවක හෝ බෑගයක තබා තිබේ නම් ඒවාට පහසුවෙන් හානි සිදුවිය හැකිය.
- කල් ඉකුත් වීමේ දිනය පරීක්ෂා කරන්න
- ඔබ කොන්ඩම් එකක් දැමූ විට, එහි මුදුනතට එක්වන වාතය ඉවත් කිරීම සඳහා එහි අග මිරිකා ගැනීම වැදගත්ය. ඔබ එසේ නොකළහොත්, කොන්ඩම් කැඩීමට ඉඩ ඇත
ලිංගික සෞඛ්‍ය පුණ්‍යායතනයක් වන එෆ්පීඒ හි බෙකි බර්බිජ් මෙසේ පැවසුවාය, “කොන්ඩම් භාවිතය දිරිගැන්වීම සඳහා නව සොයාගැනීම් අපි සාදරයෙන් පිළිගන්නවා. ලිංගිකව සම්ප්‍රේෂණය වන ආසාදන වලින් ආරක්ෂා වීමට උපකාරී වන එකම උපත් පාලන ක්‍රමය කොන්ඩම් පමණයි. එබැවින් ඒවා භාවිතා කිරීම පිළිබඳව ජනතාව තුළ විශ්වාසයක් සහ පහසුවක් දැනීම වැදගත්.
“කොන්ඩම් ලිහිසි කිරීමෙන් ලිංගිකත්වය වඩාත් සුවපහසු හා විනෝදජනක විය හැකි අතර එමඟින් ජලය මත පදනම් වූ ලිහිසි තෙල් මෙන්ම විවිධ ප්‍රමාණ, හැඩතල සහ කොන්ඩම් වල වයනය අත්හදා බැලීමට අපි ඔවුන්ව දිරිමත් කරන්නෙමු‘
බී.බී.සී. වාර්තාවකි – සැකසුම – තීත්ෂණ වෙළෙන්එගොඩ
