අද කාලේ පිරිමි විවාහා වෙන්න බය මේ හේතු 08 නිසාලු !
- RSL
- September 19, 2020
- පුවත් සහ වාර්තා
- featured
- 0 Comments
‘විවාහය‘ කියන්නේ විශ්ව සංකල්පයක්. එය මානව සංහිතියේ පැවැත්මට අත්යවශ්ය දෙයක් ලෙසයි සලකන්නේ. ඒ නිසාම ලොව පුරා බහුතර සමාජයක, විවාහය ජීවිතයේ අත්යවශ්ය අංගයක් ලෙස ප්රවර්ධනය කරනවා. එය සෑම යුවළක්ම අරමුණු කළ යුතු බව කියනවා.
ඒත් වර්තමානය වන විට තත්ත්වය වේගයෙන් වෙනස් වෙමින් තිබෙනවා. සමාජ විද්යාඥයින්ට අනුව ලෝකය පුරා විවාහ මට්ටම් පහත වැටෙමින් පවතින අතර පිරිමින් කාන්තාවන් හා සසඳන විට විවාහ වීමට අකමැති බව සොයා ගෙන තිබෙනවා.
මෙම ලිපියෙන්, අපි පිරිමින් විවාහ වීමට අකමැති ඇයි ? යන ප්රශ්නයට ගවේෂණය කර පිළිතුරු සපයනු ඇත.
1. විවාහය තුළ සමීප සම්බන්ධය දිගු නොවේ
අදින් අඩ සියවසකටත් අඩු කාලයකට පෙර, විවාහයෙන් පිටත ඇති සමීපභාවය සමාජය තුළ පහත් කොට සලකනු ලැබූ අතර බොහෝ අය එසේ කිරීමෙන් වැළකී සිටියහ. නමුත් ආගම්වාදයේ අඩුවීම සහ මිනිසුන්ට පහසුවෙන් හමුවීමට ඉඩ සලසන යෙදුම් සහ වෙබ් අඩවි බහුල වීමත් සමඟ තත්ත්වය සම්පූර්ණයෙන්ම වාගේ වෙනස් වී තිබෙනවා. විවාහය කෙසේ වෙතත් පුළුල් අවබෝධයක් පවා නොමැතිව, ඇතැම් විට ආදරය කිරීමක් පවා නොමැතිව පිරිමින් සහ ගැහැනුන් අතිෂය සමීප කායික සම්බන්ධතා පැවැත්වීම සුලභ වී තිබෙනවා.
ඉතා පහසුවෙන් සහ කෙටි කාලීනව ලිංගික සම්බන්ධතා පැවැත්වීමට ඇති පරිසරය තුළ බොහෝ පිරිමින්ට විවාහ වීමට ඇති ආශාව තවදුරටත් දැනෙන්නේ නැහැ. මන්ද වගකීම් දරමින් ‘විවාහය‘ තුළින් සිදුවන ‘පවුල් කෑමට වඩා‘ පහසුවෙනුත්, විවිධත්වයකිනුත් ලිංගික තෘප්තිය ලබා ගැනීමට දැන් ඔවුන්ට හැකියාව ලැබී තිබෙනවා.
2. මංගල උත්සව ලාභදායී නොවේ
බොහෝ අවස්ථාවන්හිදී, මිතුරන් හා පවුලේ සාමාජිකයන් විසින් හොඳ විවාහ මංගල්යයක් පැවැත්වීම සඳහා විශාල පීඩනයක් එල්ල කරන අතර, එමඟින් බොහෝ ජෝඩු, විශේෂයෙන් පිරිමින් පීඩනයට ලක්විය හැකියි.
පර්යේෂණ හා අධ්යයනවලට අනුව, එක්සත් ජනපදයේ සාමාන්ය විවාහයක වියදම ඩොලර් 24,723 ක් වන අතර එය සාමාන්ය යුවළක් බදු ගෙවීමෙන් පසු ඔවුන්ගේ වාර්ෂික ඉපැයීම්වලින් විශාල ප්රතිශතයක් විවාහයක් වෙනුවෙන් වැය කළ යුතුව තිබෙනවා. (ලංකාවේ තත්ත්වය ද මීට නොදෙවැනි බව ඔබ සැම සියලු දෙනාම හොදින් දන්නවා)
විවාහය අධික වියදම් කටයුත්තක් වීම නිසා මෙන්ම වගකීම් සහගත නිසා බොහෝ පිරිමින්ට හැඟෙනු ඇත්තේ විවාහ නොවී ‘පවුල් කෑම‘ වෙනත් වචන වලින් කිවහොත් විවාහ නොවී තම සහකාරිය සමඟ එකට ජීවත් වීම වඩාත් ‘ලාභදායක‘ බවයි.
3. කැපවීම බියජනක විය හැකිය
විවාහ වීම විශාල ගනුදෙනුවක් වන අතර, යමෙකු සමඟ දීර්ඝ කාලීන සම්බන්ධතාවයක සිටීමට එමගින් බලකරනවා. නිවසක් ඉදිකිරීම හෝ කුලියට ගැනීම, දරුවන් පෝෂණය කිරීම, ඥාතීන් සමග ගනුදෙනු කිරීමට සිදුවීම ආදි සැලකිය යුතු කැපකිරීමක් විවාහය වෙනුවෙන් සිදුකළ යුතුයි.
එමෙන්ම විවාහා වූ විට තම බිරිද වෙනුවෙන්, ඇයගේ ආරක්ෂාව ඇතුළු පෝෂණය වෙනුවෙන් ද පිරිමින් විශාල කැප කිරීමක් කළ යුතුයි.
මේ ආකාරයේ ‘දැඩි කැපවීමට ඇති අකමැත්ත හෝ බිය නිසා වයස නොසලකා බොහෝ පිරිමින් ජීවිතයේ එවැනි බැරෑරුම් පියවරක් සඳහා සූදානමක් දක්වන්නේ නැහැ. එබැවින් ඔවුන් හැකි තාක් දුරට හෝ උදාසීන ලෙස එය වළක්වා ගැනීමට උත්සාහ දැරීම ස්වභාවිකයි.
4. දරුවන් ලැබීම
විවාහයේ අත්යවශ්ය කොන්දේසියක් බවට ‘දරුවන් ලැබීම‘ පත් වෙනවා. සාම්ප්රදායික අදහස අනුව ‘දරුවන් නැති පවුලක් ප්රීතිමක් පවුලක් වන්නේ නැහැ‘
ඒත් නූතන පිරිමින් මේ ගැන දක්වන්නේ ඍණාත්මක අදහසක්. ඔවුන් සිතන්නේ ‘දරුවන් වෙනුවෙන් පැය කිහිපයක් වෙන් කළ හැකි නමුත් දරුවන් ඇති දැඩි කිරීම යනු දිගු කාලීන කැප කිරීමක් කළ යුතු සංකීර්ණ තත්ත්වයක් බවයි. බොහෝ පුරුෂයින් විවාහ වීමට බිය වන්නේ එම ‘එකම හේතුව‘ නිසා ය.
විවාහයෙන් පසු බොහෝ ජෝඩු සඳහා තාර්කික ඊළඟ පියවර වන්නේ දරුවන් පිළිසිඳ ගැනීමයි.
තවද, එක්සත් ජනපදය තුළ, දරුවෙකු ඇති දැඩි කිරීමේ සාමාන්ය පිරිවැය ඩොලර් 233,000 ක් වන අතර එය දශක ගණනාවක් පුරා ව්යාප්ත වී ඇත. දරුවන් ලැබීම විශාල ඉලක්කයක් නොවේ නම්, ඔබ උනන්දුවක් නොදක්වන දෙයක් සඳහා මෙතරම් මුදලක් වියදම් කිරීමේ අවශ්යතාවයක් නොමැති බව ඔබට හැඟෙනු ඇත.
(ඔබ සමඟ අවංකව කටයුතු කිරීම සහ සෑම දරුවෙකුම හොඳ හැදී වැඩීමකට සුදුසු බැවින් ඔබ ඔවුන් හිමි කර ගැනීමට එතරම් උනන්දුවක් නොදක්වන්නේ නම් දරුවන් නොලැබීම වඩාත් සුදුසුය)
5. ළමා කම්පනය
බටහිර ලෝකයේ දික්කසාද වීමේ අනුපාතය ඉහළ මට්ටමක පවතින අතර ( ලංකාවේ ද වත්මන් තත්ත්වය බියකරුය) එක්සත් ජනපදයේ ඊටත් වඩා ඉහළ අගයක් ගනු ඇතැයි ගණන් බලා තිබේ. නිදසුනක් වශයෙන්, විවාහයන්ගෙන් 40% ත් 50% ත් අතර ප්රමාණයක් දික්කසාදයෙන් අවසන් වනු ඇතැයි ගණන් බලා තිබේ.
දික්කසාදයේ ම්ලේච්ඡ යථාර්ථයන් සහ පවුල් අතර ඇතිවිය හැකි භේදයන් කුඩා කාලයේ සිටම අත්විඳ ඇති බොහෝ පිරිමින් විවාහ වීම ගැන ‘ස්වභාවික බියක්‘ දක්වන බව සොයා ගෙන ඇත.
දෙමව්පියන් දික්කසාද වූ (දරුවන් කුඩා අවධියේ) පවුල්වල දරුවන් ද දික්කසාද වීමට බොහෝ දුරට ඉඩ ඇති බව බහුවිධ අධ්යයනවලින් පෙනී ගොස් ඇත. මෙයට හේතුව දික්කසාද වූ පවුල්වල දරුවන්ට ශක්තිමත් විවාහයක් සඳහා හොඳ ආදර්ශයක් නොමැති වීම සහ ශක්තිමත් විවාහයක් පවත්වා ගැනීම සඳහා හැසිරෙන ආකාරය සහ කුමක් කළ යුතු දැයි නොදැන සිටීමයි.
6. සම්මුතිය හා බෙදාගැනීම
ඔබ විවාහ වන විට, (ඔබ පූර්ව ගිවිසුමක් අත්සන් කර නොමැති නම්) ඔබ සතුව ඇති සියලු වත්කම්වල සමාන අයිතිකරුවන් බවට සැමියා හෝ බිරිය පත්වීම සිදුවේ. මෙය වත්මන් පිරිමින් දැඩ දැඩි භීතියක් ඇති කිරීමට හේතු වී ඇත. බහුතරයක් විවාහයන් දික්කසාදයෙන් කෙළවර වන පසුබිමක තමන්ගේ වත්කම්වලින් අඩක් තම දික්කසාදය වෙනුවෙන් බිරිදට පරිත්යාග කිරීමට සිදුවිය හැකිය යන භීතිය ඔවුන් තුළ ඇත.
කෙටි කාලීන හෝ දිගු කාලීන විවාහා ජීවිතයක් වෙනුවෙන් මේ කැප කිරීම කිරීමට පිරිමින් සූදානම් නොවීම පුදුමයට කරුණක් නොවේ. මන්ද දික්කසාද මගින් සිදුවන ‘වන්දි ගෙවීම‘ ඇතුළු වත්කම් බෙදා ගැනීම ඔවුන් දෛනිකව දකින සුලභ තත්ත්වයක් නිසාය.
තවද, විවාහයක් සඳහා තම මුදල් වියදම් කරන දේ අනුව විනිශ්චය කිරීම පිළිබඳව බොහෝ අය කනස්සල්ලට පත්ව සිටිති. උදාහරණයක් ලෙස, ඔබ විකට චිත්ර එකතු කරන්නෙකු නම් ඔබේ මුදල් වියදම් කිරීමට මෙය හොඳ ක්රමයක් බව ඔබේ සහකාරියටහැඟෙන්නේ නැත. එමනිසා, ඇය ඔබට ඒ ගැන මැසිවිලි නැගීමට හෝ ඔබව නැවැත්වීමට උත්සාහ කළ හැකිය. එය පිරිමින් කණස්සල්ලට පත්කරන ස්වභාවික කරුණකි.
7. එය ප්රමාද වැඩියි යන හැඟීම
එපමණක් නොව, වයස අවුරුදු 30කට වැඩි බොහෝ පිරිමි දැන් ඔවුන්ගේ කාලය ගෙවී ගොස් ඇති බවත්, ඔවුන්ට දැන් විවාහා වී දරුවන් ලැබීමට ප්රමාද වැඩියි කියා සිතීමට පටන් ගනී. එබැවින් ඉතිරි කාලයත් පෙර සේ තනිකඩව සිටීම වඩාත් සුදුසු යැයි ඔවුන් තීරණය කිරීමට ඉඩ ඇත.
සාමාන්යයෙන් වයස අවුරුදු තිස් ගණන්වල සිට තිස් ගණන්වල මැද භාගය දක්වා වූ යම් වයස් සීමාවක් කරා ළඟා වන පිරිමි සහ ගැහැණු යන දෙඅංශයෙන්ම මෙම සංසිද්ධිය දක්නට ලැබේ. සමාජයේ බොහෝ අය ‘නිසි වයසේදී – එනම් තරුණ වියේදී විවාහා වී දරුවන් ලැබිය යුතුය යන සංකල්පය ප්රවර්ධනය කිරීම ඊට හේතුවයි.
8. නිවැරදි සහකාරිය හමු නොවීම
අවසාන වශයෙන්, පුරුෂයින් විවාහ වීමට අකමැති ඇයි ? යන ප්රශ්නයට පිළිතුරු සැපයීමේදී සලකා බැලිය යුතු වැදගත් කරුණක් නම්, අදාළ පිරිමින් තවමත් නියම සහකාරිය සොයාගෙන නොමැති වීමයි. ඔවුන් අතීතයේ බරපතල දිගුකාලීන සම්බන්ධතාවයක සිටියත් එය කුමන හේතුවක් නිසා හෝ බිඳී යන්නට ඇත.
මිනිසෙකු විවායට තමන් සූදානම් නැති බව හෝ විවාහ වීමට අකමැති යැයි පැවසුවද, යථාර්ථයේ දී, ඔවුන් කාන්තාවක සමග සැබවින්ම ආදරයෙන් වෙළි ගියහොත් මේ ආකල්පය සම්පූර්ණයෙන් වෙනස් වීමට ඉඩ ඇත. එය බොහෝ දුරට සිදුව ඇත. ඒ නිසා කණස්සල්ලට පත් නොවන්න.
‘The Man ඇසුරිණි – සකස් කළේ – තීක්ෂණ වෙළෙන්එගොඩ
