ගැනීම සඳහා හැඳුනුම්පත් නිකුත් කිරීමේ එක්දින සේවාව තාවකාලිකව නතර කිරීම හා හදිසි හැඳුනුම්පත් කඩිනමින් නිකුත් කිරීමේ විශේෂ වැඩපිළිවෙළක් සකස් කර ඇතැයි පුද්ගලයන් ලියාපදිංචි කිරීමේ කොමසාරිස් ජනරාල් පී. වී. ගුණතිලක මහතා අද (13) දින විශේෂ මාධ්‍ය නිවේදනයක් නිකුත් කරමින් සදහන් කළේය.
එම මාධ්‍ය නිවේදනයේ වැඩි දුරටත් සදහන් වන්නේ සෑම වසරකම මෙන්ම මෙම වසරේ ද මාර්තු මස 31 වන දිනට පෙර අ.පො.ස. (සා/පෙළ) විභාගයට පෙනී සිටින පාසල් සිසුන්ගේ ඉල්ලුම්පත් යොමු කරන ලෙස දැනුම් දී තිබුණ ද, මෙතෙක් එම ඉල්ලුම්පත් යොමු කර නොමැති සියලුම පාසල් එම ඉල්ලුම්පත් අදාළ ප්‍රාදේශීය ලේකම් කාර්යාලයට, පළාත් කාර්යාලයට හෝ ප්‍රධාන කාර්යාලයට කඩිනමින් යොමු කළ යුතු බවයි.
පුද්ගලයන් ලියාපදිංචි කිරීමේ කොමසාරිස් ජනරාල්වරයා විසින් නිකුත් කළ මාධ්‍ය නිවේදනය සම්පූර්ණයෙන් මෙසේය.
රටේ පවතින කොවිඩ් 19 වසංගත තත්ත්වය හේතුවෙන් පසුගිය මාර්තු 16 වන දා සිට ජාතික හැඳුනුම්පත් නිකුත් කිරීමේ එක්දින සේවාව තාවකාලිකව අත්හිටුවන ලදී. මෙතෙක් එම වසංගත තත්ත්වයේ අවදානම සම්පූර්ණයෙන්ම අවසන්ව නොමැති බැවින්, මහජනතාව විශාල වශයෙන් එක්රැස් වන හැඳුනුම්පත් නිකුත් කිරීමේ එක්දින සේවාව තවදුරටත් අත්හිටුවීමට තීරණය කර ඇත.
එහෙ‍ත් විභාග කටයුතු, සම්මුඛ පරීක්ෂණ කටයුතු, රියදුරු බලපත් ලබා ගැනීම, විදෙස් ගමන් බලපත් ලබා ගැනීම යනාදී අත්‍යවශ්‍යය කටයුතු හේතුවෙන් ජාතික හැඳුනුම්පත කඩිනමින් ලබා ගැනීමට අවශ්‍ය සේවාලාභීන් සඳහා හැඳුනුම්පත් නිකුත් කිරීමේ විශේෂ වැඩපිළිවෙලක් ප්‍රාදේශීය ලේකම් කාර්යාල හරහා මේ වන විටත් ක්‍රියාත්මක කිරීමට කටයුතු කර ඇත.
ඒ අනුව, එම ඉල්ලුම්කරුවන්ගේ අවශ්‍යතාවය ග්‍රාම නිලධාරී මඟින් තහවුරු කර, ඔවුන්ගේ ඉල්ලුම්පත් ප්‍රාදේශීය ලේකම් කාර්යාලයේ හැඳුනුම්පත් අංශයට යොමු කළ යුතුය. එලෙස යොමු කරන ඉල්ලුම්පත් එම කාර්යාලයේ සේවයේ නියුතු නිලධාරීන් විසින් පුද්ගලයන් ලියාපදිංචි කිරීමේ දත්ත පද්ධතියට ඇතුළත් කරන අතර ඊට අදාළ හැඳුනුම්පත් කඩිනමින් සකස් කර ලියාපදිංචි තැපෑලෙන් අදාළ ඉල්ලුම්කරුවන් වෙත යොමු කිරීමට කටයුතු යොදා ඇත.
තවද, මාර්තු 16 ට පෙර එක්දින සේවය යටතේ හැඳුනුම්පත ලබා ගැනීම සඳහා ඉල්ලුම්පත් සූදානම් කර ගත් සියලුම ඉල්ලුම්කරුවන් ද තම ඉල්ලුම්පත් තවදුරටත් තමා භාරයේ තබා ගෙන නොසිට, ප්‍රාදේශිය ලේකම් කාර්යාලයේ පිහිටි හැඳුනුම්පත් අංශයට එම ඉල්ලුම්පත් යොමු කළ යුතුය.
මීට අමතරව සාමාන්‍ය සේවය යටතේ යොමු කරන ඉල්ලුම්පත් ග්‍රාම නිලධාරී මඟින් දෙපාර්තමේන්තුව වෙත යොමු කළ හැකි අතර, ඊට අදාළ ජාතික හැඳුනුම්පත් ද අවම කාලයක් තුළ කඩිනමින් නිකුත් කිරීමට අවශ්‍ය කටයුතු සැලසුම් කර ඇත.
එමෙන්ම සෑම වසරකම මෙන්ම මෙම වසරේ ද මාර්තු මස 31 වන දිනට පෙර අ.පො.ස. (සා/පෙළ) විභාගයට පෙනී සිටින පාසල් සිසුන්ගේ ඉල්ලුම්පත් යොමු කරන ලෙස දැනුම් දී තිබුණ ද, මෙතෙක් එම ඉල්ලුම්පත් යොමු කර නොමැති සියලුම පාසල් එම ඉල්ලුම්පත් අදාළ ප්‍රාදේශීය ලේකම් කාර්යාලයට, පළාත් කාර්යාලයට හෝ ප්‍රධාන කාර්යාලයට කඩිනමින් යොමු කළ යුතුය.
